1984
Create successful ePaper yourself
Turn your PDF publications into a flip-book with our unique Google optimized e-Paper software.
“Бүгдий нь тогтоов уу?” гэж тэрээр шивнэн асуулаа.<br />
"Тэглээ”<br />
“Зүүн тийшээ эргэнэ, дараа нь баруун тийшээ, дахиад зүүн тийшээ эргэнэ. Задгай хаалга<br />
бий”<br />
"Тийм. Хэдэн цагт вэ?”<br />
“Арван таван цагийн орчимд. Чи жаахан хүлээх болж магадгүй шүү, би нөгөө талаас нь очно.<br />
Бүгдийг нь сайн тогтоов уу?”<br />
"Тэгсээн”<br />
“За тэгвэл одоо хурдхан яв”<br />
Цугларсан хүмүүс тараагүй болохоор ингэж хэлэх ч шаардлага байсангүй. Машины цуваа<br />
үргэлжилсээр хүмүүс ханахгүй тэднийг харсаар л байв. Анхандаа намын гишүүд<br />
хашгиралдаж шүгэлдэж байснаа дараа нь чимээгүй болцгоов. Сэтгэл хөдлөлийн хийрхэл нь<br />
зүгээр л нэг сониуч зан байв. Гадаадынхан, Евразийнхан байна уу, Дорнодазийнхан байна уу,<br />
зэрлэг амьтад л шүү дээ. Тэднийг цэргийн олзлогдогсод болохоор нь л хараад өнгөрсөн<br />
болохоос биш ерөөсөө тэднийг чи үзээгүй. Тэдний хувь заяаг ч мэдэхгүй, цэргийн гэмт<br />
хэрэгтэн гэж дүүжилснийг нь л мэднэ, бусад нь сураг чимээгүй алга болно, хүнд<br />
хөдөлмөрийн лагерьт цөлчихдөг бололтой юм. Дугуй монгол царайтангууд сахалтай, бохир,<br />
зовж шаналсан европ царайтангуудаар солигддоо. Зарим нэгнийх нь ширтэнгүй харц Смит<br />
дээр тусаад алга болж байлаа. Жагсаал дуусч байхад Смит эрүүндээ цав цагаан сахалтай<br />
настайвтар хүнийг харлаа, тэрээр гавлуулаад сурчихсан юм шиг гараа урдаа зөрүүлж барин<br />
зогсоно. Смит бүсгүйгээс холдон явах цаг аль хэдийнээ болжээ. Сүүлийн мөчид хүмүүс тэр<br />
хоёрыг шахаж түлхсээр байхад тэрээр Смитийн гарыг олж бариад атгав.<br />
Энэ нь хоромхон зуур болсон ч гэсэн Смитэд тэд гар гараасаа барилцаад л байгаа юм шиг<br />
санагдаж байсан. Смит түүний гарыг сайн санаж байна. Тэрээр түүний урт хуруу, хумс, хар<br />
ажлаас эвэртсэн алга, зөөлхөн бугуйг тэмтэрч байна. Тэрээр гарыг нь тэмтэрч мэдэрсэн<br />
болохоор одоо түүнийг хараад л мэднэ. Бүсгүйн нүд ямар өнгөтэй вэ гэдгийг хараагүй юм<br />
шиг Смитэд санагдана. Хар үстэй хүүхний нүд голдуу цэнхэр байдаг ч гэсэн түүний нүд хар<br />
байсан байж таарна. Түүний нүд рүү эгцдэн харах нь тэнэг хэрэг байсаан. Бөөн хүний дунд<br />
шахагдан гар гараасаа барин зогсож буй тэр хоёр чанх урагшаагаа харж байхад бүсгүйн нүд<br />
биш харин олзны настайвтар эрийн харц дух руугаа унжсан бөөн үсний цаанаас Смит дээр<br />
тусаж байлаа.