1984
Create successful ePaper yourself
Turn your PDF publications into a flip-book with our unique Google optimized e-Paper software.
ухаан алдчихсангүй. Бүх юм харлалаа. Жишээ нь тэрээр өөрөө солиотой, орилж чарласан<br />
адгуус болж хувирчээ. Тэрээр нэгэн санаа өвөртлөн харанхуйгаас мултарч чаддаа. Аврагдах<br />
ганцхан л зам бий. Хархны өмнө өөр хүнийг тавьж өгөх ёстой, өөр хүний бие тахбодийг<br />
тавьж өгөх хэрэгтэй юм.<br />
Зууван багийг нүүрэнд ойртуулсан тул бусад юм харагдахаа болилоо. Торны цонхыг хэдхэн<br />
сөөм ойртууллаа. Хархнууд ч сул тавих нь гэдгийг мэдэрсэн аж. Нэгэн харх тэсч ядан дэвхэрч<br />
байна. Нөгөөх нь муу усны хоолойн өвгөн харх, хойт хоёр хөл дээрээ зогсоод торноос урд<br />
хоёр хөлөөрөө зуурчихсан хамраараа уртаар амьсгал авч байна. Смит түүний сахал, шар<br />
шүдийг нь харлаа. Тэрээр ихэд мэгдэн сандарч юу ч харахгүй, хүч тамиргүй болоод ухаан<br />
санаа нь балайртжээ.<br />
“Энэ бол Хятадын Эзэнт Гүрэнд дэлгэрсэн цээрлүүлэлт байсан юм” гэж Обрайен хэллээ.<br />
Багаар нүүрийг нь бараг хааж байна. Торны төмөр утас хацрыг нь шүргэлээ. Тэгтэл... үгүй,<br />
энэ бол аврал биш, зөвхөн горьддого, жаахан горьддого. Тэрээр гэв гэнэт нарт хорвоод<br />
цээрлүүлэлтийг чихэж болох ганцхан хүн бий, ганцхан бие махбодиор өөрийгөө хархнаас<br />
хамгаалж болно гэдгийг ухаарлаа. Тэрээр тэсч ядан дахин дахин ориллоо.<br />
“Жулияг хархад өг! Жулияг хархад өг! Намайг битгий өг! Жулияг өг! Түүнийг та нар яах нь<br />
надад хамаагүй. Нүүрий нь самардуул, ясыг нь гартал мэрүүл! Намайг битгий өг! Жулияг!<br />
Намайг битгий өг!”<br />
Тэрээр хархнуудаас холдон нуруугаараа ёроолгүй гүнзгий нүх рүү унасаар байна.<br />
Түшлэгтэй сандалд хүлээстэй хэвээрээ байна, гэхдээ л шал цоолон, хана нэвтлэн, газар<br />
цөмлөн, тэнгэс далай, агаар мандал, сансар хорвоог нэвтлэн оддын дунд хархнаас зайлан<br />
зайлан зугтаж байна. Тэрээр гэрлийн он жилүүдийн зайд холджээ, гэхдээ л Обрайен дэргэд<br />
нь байсаар байна. Торны хүйтэн төмөр утас хацрыг нь шүргэсээр байна. Өөрийг нь бүрхсэн<br />
тас харанхуй дунд төмөр дэгээ тор хийхийг дуулаад торны цонх онгойсонгүй, хаагддаа<br />
гэдгийг мэдлээ.