1984
Create successful ePaper yourself
Turn your PDF publications into a flip-book with our unique Google optimized e-Paper software.
Смит бодлогоширлоо. Түүнд өөр асуух юм алга, салж явахдаа улиг болсон гоё сайхан үг хэлэх<br />
ч сонирхол байсангүй. Смитийн ой тойнд Ах дүүгийн барилддага байгууллагатай ч шууд<br />
хамаагүй, Обрайентай ч шууд хамаагүй нэгэн нийлмэл дүр зураг орж ирлээ. Энэхүү дүр<br />
зурганд эхийнх нь сүүлчийн өдрүүдээ өнгөрөөсөн бүдэг өрөө, бөөрөнхий шил, улаан модон<br />
жаазтай сийлбэр зураг бүхий ноён Чаррингтоны өрөө холилджээ. Смит санаандгүй.<br />
"Та ийм нэг хуучин шүлэг сонссон уу? «Гэгээн Клементийн хонх амтат зүрж, нимбэг гэж<br />
дуудна» гэж эхэлдэг юм” гэлээ.<br />
Обрайен энэ удаа ч толгой дохиод их л дуртайяа ихэмсгээр шүлгийн бадгийг дуустал уншлаа.<br />
"Гэгээн Клементийн хонх амтат зүрж, нимбэг гэж дуудна<br />
Гэгээн Мартины хонх гурван фартинг өг гэж дуудна<br />
Олд-Бейлийн хонх өрөө эргүүлж өгөх үү гэж дуудна<br />
Шордичийн хонх мөнгөтэй болохоороо өгнөө гэж дуудна”<br />
"Та сүүлчийнх нь мөрийг мэдэж байна шүү!” гэж Смит хэллээ.<br />
"Тийм ээ. Би сүүлчийн мөрийг мэднэ. За одоо харамсалтай нь таны явах цаг боллоо. За<br />
байзнаарай. Би танд энэ шахмалуудаас өгөөтөхье”<br />
Смитийг босоход Обрайены бахим гар Смитийн алганы ясыг бяц атгах шиг боллоо. Смит<br />
хаалган дээрээс эргэж харахад Обрайен түүнийг аль хэдийнээ мартчихсан юм шиг харагдаж<br />
теледэлгэцийн унтраалгыг асаахаар завдаж буй аж. Түүний цаана нь ногоон бүрээстэй<br />
дэнлүү бүхий бичгийн ширээ, үгбичигч болон цаас овоолоотой төмөр сагс харагдлаа. Энэхэн<br />
мөч үүгээр дууслаа. Хэдхэн хормын дараа гэрийн эзэн Намын хариуцдагатай ажлаа<br />
үргэлжлүүлнэ гэж Смит бодлоо.