1984
Create successful ePaper yourself
Turn your PDF publications into a flip-book with our unique Google optimized e-Paper software.
Тэрээр дуугүй болоод цагаан халаадтай хүн рүү дохио өглөө. Смит ямар нэг хүнд аппарат<br />
толгойн дээд талд чирж авчрахыг анзаарсан аж. Обрайен орны хажууд суухад түүний нүүр<br />
Смитийн нүүрний харалдаа ирсэн байлаа.<br />
“Гурван мянга” гэж тэрээр цагаан халаадтай хүнд Смитийн толгой дээгүур өнгийж хэллээ.<br />
Смитийн чамархайд хоёр нойтон бололтой жийргэвч наалдуулахад тэдгээр нь хавчиж байна.<br />
Дахиад л өвтгөх нь, өөрөөр өвтгөх нь. Обрайен түүний гараас бариад бараг энхрийлэн<br />
тайвшрууллаа.<br />
“Одоо өвдөхгүй. Миний нүд рүү хараарай”<br />
Энэхэн агшинд айхавтар тэсрэлт боллоо, аль эсвэл тэсрэлт шиг юм боллоо, гэхдээ дуу чимээ<br />
гарсан гэдгийг баттай хэлэх арга алга байна. Нүд сохром гэрэл гялалзсан нь л эргэлзээгүй.<br />
Смит бэртсэнгүй, харин түүнийг эргүүлчихжээ. Тэрээр энэ тэсрэлт шиг юм болоход орон<br />
дээрээ дээшээ хараад хэвтэж байсан ч гэсэн элгээрээ харж хэвтэтлээ цохиулчихсан юм шиг<br />
хачин бодол төрж байна. Аймшигтай өвдөлтгүй цохилт түүнийг хавтгайлжээ. Мөн толгой<br />
дотор нь ямар нэг болжээ. Тэрээр нүдэндээ хараа ормогц өөрөө хэн билээ гэдгээ санаж, хаа<br />
байгаагаа мэдэж өөр рүүгээ эгцдэн харж буй нүүрийг танилаа, харин тархиных нь нэг<br />
хэсгийг тасдаад авчихсан юм шиг хаа нэгэн газар нэгэн том хов хоосон газар байна.<br />
“Одоохон зүгээр болно. Миний нүд рүү хараарай. Далайн Гүрэн аль улстай дайтаж байна<br />
вэ?” гэж Обрайен асуулаа.<br />
Смит бодсоор байна. Тэрээр «Далайн Гүрэн» гэж юуг хэлж байгаа болон өөрөө Далайн<br />
гүрний иргэн гэдгээ мэдэж байна. Евразийн Гүрэн болон Дорнодазийн Гүрэнийг санаж<br />
байна. Харин хэн нь хэнтэй дайтаж буйг мэдэхгүй байна. Тэрээр тийм дайн болсон гэдгийг ч<br />
мэдэхгүй байна.<br />
“Санахгүй байна”<br />
“Далайн Гүрэн Дорнодазийн Гүрэнтэй дайтаж байна. Чи одоо санаж байна уу?”<br />
"Тийм ээ”<br />
“Далайн Гүрэн Дорнодазийн Гүрэнтэй дандаа дайтаж байсан.<br />
Чамайг төрсөн цагаас хөйш, Нам байгуулагдсан өдрөөс хойш, дайны түүхийн эхнээс аван<br />
дайн тасралтгүй үргэлжилж ирсэн юм, тэр л дайн чинь. Чи үүнийг санаж байна уу?”<br />
"Тийм ээ”<br />
“Урван тэрслээд цаазаар авахуулсан гурван хүний тухай чи домог зохиосон. Тэдний гэмгүйг<br />
нотолсон цаасны тасархайг харсан гэж чи зүтгэсэн. Тэр цаасны тасархай ерөөсөө байгаагүй<br />
юм. Энэ бол чиний санаанаасаа зохиосон зүйл, чи дараа нь үундээ итгэсэн. Чи одоо<br />
үүнийгээ санаанаасаа зохиож буй агшинаа санаж байгаа. Санаж байгаа биз дээ?”