1984
Create successful ePaper yourself
Turn your PDF publications into a flip-book with our unique Google optimized e-Paper software.
Хөлийн чимээ ойртсоор хаалга онгойж Обрайен орж ирлээ.<br />
Смит болгоомжтой байх ёстойгоо мартаад бослоо. Тэрээр энэ олон жилд анх удаагаа<br />
теледэлгэц бий гэдгийг мартчихжээ.<br />
"Та чинь эдний талынх юм уу!” гэж тэрээр хашгирлаа.<br />
“Би аль хэдийнээ эдний талд орсон” гэж Обрайен яльгүй харуусан жоготойхон хэллээ.<br />
“Смит, чи үүнийг мэдэж байсан шүү дээ. Өөрийгөө бүү хуур. Чи үүнийг мэдэж байсан..<br />
ерөөсөө мэдэж байсан”<br />
Тийм ээ, тэрээр одоо л ойлголоо. Ерөөсөө мэдэж байсан юм. Харин одоо энэ тухай бодох зав<br />
алга. Одоо ганц юмыг л, харгалзагчийн гарт байгаа бороохойг л харж байна. Тэр<br />
бороохойгоор толгойн орой руу, чих рүү, мөрөн дээр, тохой руу гэх мэтээр хаана ч цохиж<br />
болно.<br />
Тохой руу! Смит өвдсөнөөсөө мэдрэл алдан тохойгоо гараараа барьж өвдөг дээрээ уналаа.<br />
Нүдэнд нь бүх юм эрээлжиллээ. Ганц цохилт ийм их өвтгөнө гэдэг нь ухаарахад бэрх,<br />
ухаарахад бэрх юм! Нүд нь эрээлжлэхээ зогсоход дээш харвал хоёр хүн дээрээс нь харж<br />
байна. Хуяг түүний өвдсөнөөсөө ярвалзан мурилзаж буйг хараад инээж байна. Юутай ч гэсэн<br />
нэг юм тодорхой боллоо. Өвчин шаналгааг ихсээсэй гэж яагаад ч, юу ч болсон хүсч болохгүй.<br />
Өвчин шаналгаанаас ганцхан л юм хүснэ, зогсоосой л гэж хүснэ. Бие махбодийн өвчин<br />
шаналлаас адгийн юм гэж байхгүй. Тэрээр өвчтэй тохойгоо барин шал дээр тэлчигнэж<br />
байхдаа өвчин шаналал ирэхэд эрэлхэг зоригтонгууд байхгүй, эрэлхэг зоригтонгууд байхгүй<br />
гэж өөртөө давтан давтан хэлж байлаа.