1984
You also want an ePaper? Increase the reach of your titles
YUMPU automatically turns print PDFs into web optimized ePapers that Google loves.
V<br />
Смит хоригдож буй хугацаандаа шоронд цонх байхгүй ч гэсэн шоронгийн аль хэсэгт нь<br />
байгааг мэдэж байсан буюу мэдэж байгаа гэж төсөөлж байсан. Агаарын даралтын ялгааг<br />
мэдэрч байлаа. Хуягууд өөрийг нь зодож нүдэж байсан гяндангийн өрөө бол газрын доор<br />
байсан юм. Обрайен өөрийг нь байцааж байсан өрөө бол дээр дээврийн ойролцоо байсан.<br />
Одоогийн байгаа өрөө бол газрын гүнд, магадгүй хамгийн доор байна.<br />
Энэ өрөө нь түрүүчийн бараг бүх өрөөнүүдээс илүү зайтай аж. Тэрээр доторхийг нь сайн<br />
мэдэхгүй байна. Өмнө нь ногоон цэмбэн бүтээлэгтэй хоёр жижиг ширээ байгааг ажигласан<br />
юм. Нэг ширээ нь хоёр метр орчим цаана, нөгөөх нь бүр цаана хаалганы хажууд байна.<br />
Смитийг түшлэгтэй сандалд чанга хүлсэн тул тэрээр толгойгоо ч хөдөлгөх аргагүй аж.<br />
Түүний толгой зөөлөн дэр шиг юманд хүлээстэй байх бөгөөд зөвхөн урагшаа харж сууна.<br />
Тэрээр өрөөнд ганцаараа байх бөгөөд хаалга онгойж Обрайен орж ирлээ.<br />
“Чи нэг удаа зуун нэгдүгээр өрөөнд юу хийдэг юм бэ гэж асууж байсан. Чи үүнийг мэднэ дээ<br />
гэж би хариулсан. Бүх хүн үүнийг мэднэ. Зуун нэгдүгээр өрөөнд энэ дэлхий дээрх хамгийн<br />
муу юм болдог юм”<br />
Хаалга онгойгоод хуяг тор ч юм уу, сагс ч юм уу нэг юм оруулж ирлээ. Тэрээр түүнийгээ<br />
холын буланд тавилаа. Юу вэ гээд харах гэтэл Обрайен урдуур ороод байна.<br />
“Энэ дэлхий дээрх хамгийн муу юм гэдэг нь хүн бүрт өөр өөр юм. Амьдаар нь газар булах,<br />
түүдэг гал дээр шатаах, усанд живүүлэх, гадсан дээр суулгах ч байж болно. Заримдаа энэ нь<br />
өчүүхэн жаахан үхэл үл авчрах зүйл ч байж болно”<br />
Тэрээр хажуу тийшээ болоход Смит ширээн дээр байгаа нөгөөх юмыг харлаа. Энэ нь дээрээ<br />
бариултай гонжгор уртавтар тор аж. Торны нүүр талд нь туялзуур жадны тэмцээнчийн баг<br />
мэт юмыг хонхорхой талыг нь гадагш гарган бэхэлжээ. Тэрхүү тор гурав, дөрвөн метрийн<br />
цаана байсан ч торыг уртааш нь хоёр хэсэгт хуваасныг Смит харсан бөгөөд тэдгээрт ямар нэг<br />
амьтан хөдөлж байна. Харх тэнд байна.<br />
“Чиний хувьд бол энэ дэлхийн хамгийн муу юм гэдэг нь харх юм” гэж Обрайен хэллээ.<br />
Смит тэрхүү торыг хармагцаа л бие нь чичирч үл мэдэх айдаст автагджээ. Тэрээр одоо яагаад<br />
торонд баг байгаагийн учрыг ойлголоо.<br />
"Та ингэх ёсгүй!, Та ингэх ёсгүй, ёсгүй! Яаж ингэж болдог юм бэ?” гэж тэрээр дуу алдан<br />
ориллоо.<br />
“Чи зүүдэн дундаа цочирдон сандарч байснаа санаж байна уу? Урд чинь хав харанхуй хана<br />
байна, чихэнд урхираан сонсдоно. Тэнд хананы цаана аюумшигтай юм байна. Хананы цаана<br />
юу нуугдаж байгааг чи сэтгэлийнхээ гүнд мэдэрч байсан, гэхдээ үүнийг өөртөө хэлэх зүрх<br />
хүрээгүй. Хананы цаана харх байсан юм.<br />
“Обрайен! Ингэх шаардлага байхгүй гэдгийг та мэдэж байгаа. Та намайг яах гээд байна вэ?”