1984
You also want an ePaper? Increase the reach of your titles
YUMPU automatically turns print PDFs into web optimized ePapers that Google loves.
боол байлаа. Хөрөнгөтнүүдийн үгийг сонсоогүй хэнийг ч бай шоронд хийж өлсгөлөнгөөр<br />
хатааж алахын тулд ажлаас нь халдаг байв. Эгэл хүн хөрөнгөтөнтэй ярихдаа малгайгаа<br />
авч бөхийн тонголзож «Ноёнтон гуай» гэж дуудах ёстой байжээ. Хамгийн гол<br />
хөрөнгөтнийг хаан гэдэг байсан ба тэр нь...<br />
Смит энэ жагсаалтыг цээжээр мэддэг юм. Энэ жагсаалтад бээлий зүүсэн хамба ламтан, үслэг<br />
захтай нөмрөгтэй шүүгчид, дөнгө, гав, тээрэм эргүүлэх шийтгэл, бүдүүн ташуур, Хотын Лорд<br />
Мэрийн цайллага, Пап ламын хөлийн хурууг үнсэх зуршил зэрэг орно. Мөн jus primae noctis<br />
гэдэг юм бас бий. Харин хүүхдийн сурах бичигт энэ тухай дурдахгүй нь лав бололтой.<br />
Хөрөнгөтөн бүр үйлдвэртээ ажилладаг эмэгтэйтэй хэнтэй нь ч унтах эрхийг хуульчилсан<br />
байжээ.<br />
Эдгээр нь хэр зэрэг худал хуурамч зүйл гэдгийг та яаж мэдэх вэ? Дундаж амьдралтай хүн<br />
Хувьсгалын өмнөх үеийнхээс дээр аж төрдөг болсон гэдэг нь үнэн байж ч болох юм. Үүнийг<br />
хүлээж авахгүй байх цорын ганц нотолгоо нь өөрийн чинь мах цусанд шингэсэн ил хэлдэггүй<br />
эсэргүүцэл, амьдрал тэсч байхын аргагүй юм, хэзээ нэгэн цагт өөр байсан байх гэсэн төрөлх<br />
зөн юм. Өнөөгийн амьдралын хамгийн гол шинж тэмдэг бол энэ амьдралын ширүүн бүдүүн<br />
нь ч биш, баталгаагүй нь ч биш, харин зүгээр л хоосон хөндий, уйтгар гунигтай, гутармал<br />
чанар юм гэж Смитэд гэнэт бодогдлоо. Та өөрөө эргэн тойрноо нэг сайн харах юм бол<br />
амьдрал маань теледэлгэцээр цацаж буй худал хуурмаг зүйлтэй огт адилгүй, түүгээр ч<br />
зогсохгүй, Намын хүрэх гэж зорьж буй орь хүслэнгээс огт ондоо юм. Намын гишүүдийн<br />
ихэнхийн хувьд ч гэсэн ялгаагүй амьд явах насны ихэнх нь улс төрийн гаднах орчинд<br />
өнгөрнө. Нэг хэвийн уйтгартай ажилд зогсоо зайгүй зүтгэх, Метронд урьтаж суудал авах гэж<br />
чихцэлдэх, оймсныхоо цоорхойг нөхөх, сахар орлуулагч олох гэж гуйланчлах, тамхины шилбэ<br />
цуглуулах гэсээр өнгөрнө. Намын туйлын зорилго нь асар их, сүр далайцтай, гайхам сайхан<br />
зорилт юм. Ган, бетоны үйлдвэрлэл, аврага том машин, хөнөөлт зэвсэг, адилхан сэтгэдэг,<br />
адилхан лоозон хашгирдаг, цуцалтгүй ажилладаг, тэмцдэг, адилхан баяр хөөр болдог, мөрдөж<br />
мөшгиж явдаг, нэг эгнээнд алхсан цэрэг эрс, бишрэн шгүтэгчид, нэг нүүр царайтай гурван<br />
зуун сая хүн юм. Цоорхой гуталтай өлөн зэлмэн хүмүүс хөлхөлдсөн сөнөж байгаа сүүмгэр<br />
баргар хотууд, байцаа, жорлон үнэртсэн арван есдүгээр зууны эвдэрхий байшингууд бол<br />
бодит байдал. Түүний нүдэнд Лондон хот сая хогийн савтай асар их эвдрэл сүйрлийн хот<br />
болон атираатай нүүртэй, шингэн үстэй, гал зуухны усны хоолойг засах гэж аргаа баран<br />
оролдож буй Хатагтай Парсонсын дүр харагддаа.<br />
Тэрээр доошоо тонгойгоод хөлийнхөө судсыг маажив. Теледэлгэцээр өдөр шөнөгүй хүмүүс<br />
улам сайн хооллодог, сайн хувцасладаг, сайн байшинд суудаг, чөлөөт цагаа улам сайхан<br />
өнгөрөөдөг, урт насалдаг, бага ажилладаг боллоо. Тэдний бие бялдар нь улам том, улам эрүүл<br />
саруул, хүч чадалтай, аз жаргалтай, улам ухаантай, тавин жилийн өмнөхөөс илүү<br />
боловсролтой боллоо гэж тоо баримтаар чихэнд чинь хангинана. Нэг ч үгийг батлах<br />
боломжгүй, мөн үгүйсгэх ч аргагүй. Нам тухайлбал хувьсгалаас өмнө үгээгүйчүүдийн зөвхөн<br />
арван таван хувь нь бичиг үсэгт тайлагдсан бол өнөөдөр дөчин хувь нь бичиг үсэгт<br />
тайлагдсан гэж баталж байна. Нам өнөөдөр мянган хүүхдэд ногдох хүүхдийн эрсдэл дөнгөж<br />
нэг зуун тавь бөгөөд хувьсгалын өмнө энэ нь гурван зуу хүрч байлаа... гэхчлэн баталж байна.<br />
Энэ бол хоёр үл мэдэгдэхүүнтэй тэгшитгэл шиг юм. Түүхийн номонд байгаа үг бүр<br />
мэдээжийн юм гэж хүлээн авч болох үг бүр санаанаасаа цэвэр зохиосон үг байж бүрнээ болох