1984
Create successful ePaper yourself
Turn your PDF publications into a flip-book with our unique Google optimized e-Paper software.
Смит гудамжаар хэдэн километр алхахад хөлийн судасны шарх лугшин өвдөж байв. Тэрээр<br />
сүүлийн хорь гаруй хоногт Олон нийтийн Төвд болдог үдэшлэгийг хоёрдахь удаагаа<br />
тасалжээ. Төвийн арга хэмжээнд оролцогсдыг бүртгэдэг нь лав тул энэ нь хуумгай явдал<br />
байв. Зарчмын хувьд Намын гишүүнд ерөөсөө чөлөөтэй цаг байдаггүй ба унтахаар хэвтэхээс<br />
өөрөөр ганцаараа байх үе байхгүй. Хүн ажиллах, хооллох, унтах зэргээс бусад үед олон<br />
нийтийн зохион байгуулаиттай ажилд оролцож байх ёстой гэж үздэг юм. Ганцаараа байх<br />
гэсэн аливаа хандлага, тэр ч байтугай салхинд ганцаараа гарах нь ч сэжиг төрүүлдэг.<br />
Шинхэлд хувиа бодож довоо шарлуулах, этгээд амьдралтай гэснийг илэрхийлэх өөрөөатьдрах<br />
гэсэн үг бий. Харин тэрээр өнөөдөр Яамнаасаа гарч явахдаа дөрөвдүгээр сарын зөөлөн<br />
бүлээн салхинд толгой нь эргэж байлаа. Тэрээр сүүлийн гурван жилд тэнгэр ийм гүн цэнхэр<br />
байхыг үзээгүй болохоор Олон нийтийн Төвийн сунжирсан шуугиантай үдэшлэг, уйтгартай<br />
ядаргаатай тоглоом, лекц яриа, жин ууж жаахан биеэ халаачихсан хүмүүсийн шуугилдаан,<br />
энэ бүхэнд үнэн голоосоо дургүй хүрч байлаа. Тэрээр гэнэт сэтгэл нь хөдлөөд автобусны<br />
буудлаас буруу тийшээ эргэж Лондоны сүлжилдсэн гудамжаар эхлээд урагшаа дараа нь зүүн<br />
тийш, хойт тал руу эргэн алхаж үл мэдэх гудамжинд заримдаа төөрч харсан зүг рүүгээ алхаж<br />
байв.<br />
“Найдвар байдаг л бол тэр нь үгээгүйчүүдэд л байна” гэж тэрээр өдрийн тэмдэглэлдээ<br />
бичсэн билээ. Ид шидтэй үнэн, илэрхий утга учиргүй зүйл болох эдгээр үгс үе үе санагдаж<br />
байлаа. Смит Гэгээн Панкрасын төмөр замын буудап байсан газраас зүүн хойхон нь<br />
ядуучуудын үзэмжгүй оромжууд дунд явж байна. Тэрээр хонх ёнх болж үүгээр харх гүйлддэг<br />
болов уу гэсэн бодол төрүүлмээр хаалга нь явган зам руу шууд гарсан жижигхэн хоёр давхар<br />
байшинтай бул чулуулсан гудамжаар алхаж явлаа. Бул чулуулсан гудамжинд хаа хаагүй шавар<br />
шавхай дайралдана. Байшингийн орц, завсар зайгаар олон хүн хөлхөлдөх нь сонин, уруулаа<br />
их будсан бие гүйцсэн охид, араас нь хөөцөлдсөн залуус, арван жилийн дараа охид ийм л<br />
болно доо гэж санагдуулсан булчинлаг хүүхнүүд, хөлөө чирсэн бөгтөр авгай нар, эхээ<br />
дуудахаар тал тал тийшээ задран гүйж буй шалбааганд тоглож буй хөл нүцгэн хүүхдүүд<br />
байна. Байшингийн цонхны ихэнхийн шилийг хага цохичихсон, модон самбараар хадаж<br />
бөглөсөн харагдана. Смитийг бараг анзаарахгүй мэт боловч хаа нэг хүн айж эмээсэн,<br />
сонирхсон харцаар үднэ. Байшингийн үүдний дэргэд хоёр бүдүүн эмэгтэй ярилцаж зогсох<br />
бөгөөд Смит дэргэдүүр нь өнгөрөхөд ярианых нь хагас хугас чихэнд сонсогдлоо.<br />
- "Тийм ээ, энэ бүхэн их сайн байна гэж байна шүү дээ. Чи миний оронд байсан бол бас л<br />
тэгэх байсан шүү дээ. Хэлэхэд ч амархан л даа, чамд ийм юм тохиолдоогүй л байхгүй юү "<br />
- "Тийм ээ, Тийм л байхгүй юу даа” гэж нөгөөх нь хэлэв.<br />
Тэр хоёр гэнэт ярихаа болиод Смитийг хажуугаар нь өнгөрөхөд араас нь даган хүйтнээр харж<br />
байлаа. Хажуугаар үл мэдэх амьтан өнгөрч байгаа юм шиг хүйтэн гэхэд ч хаашаа юм бэ,<br />
болгоомжилсон харцаар Смитийг үдэж байлаа. Энэ хавиар Намын дүрэмт хөх баадай цөөхөн<br />
үзэгддэг юм. Эргүүлтэй мөргөлдөх юм бол саатуулагдна. «Нөхөөр, баримт бичгээ гарга. Та<br />
энд юу хийж яваа юм бэ? Та хэдийд ажлаасаа гарсан бэ? Та гэр рүүгээ дандаа энэ гудамжаар<br />
явдаг уу?» гэхчилэн байцаана. Өөр гудамжаар гэртээ харихыг хориглодоггүй. Гэхдээ ийм<br />
үйлдэл нь Сэтгэхүйн Цагдаагийн анхаарлыг яриангүй татна.<br />
Гэв гэнэт бүх гудамж хөл хөдөлгөөнд орж энд тэндээс хүмүүс хашгиралдан байшин руугаа