1984
Create successful ePaper yourself
Turn your PDF publications into a flip-book with our unique Google optimized e-Paper software.
Гудамжны адагт самбарын үзуүр урагдаж дэрвэлзээд АНГСОЦ гэсэн үг нэг харагдаад нэг<br />
алга болж банна. Ангсоцын арнун нандин зарчим бол Шинхэл, хоёрсэтгэх, өнгөрснөө<br />
өөрчлөх явдал юм. Смитэд далайн ёроол дахь ой модон дотор тэнэж явна, мангас болчихоод<br />
аюумшигтай муухай ертөнцөд хаягдчихсан юм шиг санагдаж байна. Тэрээр гав ганцаараа<br />
байна, өнгөрсөн бүх юм арилчихсан, ирээдүйг төсөөлөх арга алга. Өөрийнх нь талд нэгэн<br />
амьд хүн байна гэдгийг тэрээр хэрхэн баттай мэдэж байгаа юм бэ? Намын ноёрхол мөхөшгүй<br />
биш гэдгийг мэдэх арга байна уу? Үүний хариулт мэтээр Үнэний Яамны байшингийн нүүрэн<br />
дээрх гурван лоозон дахиад санагддаа.<br />
ДАЙН БОЛ ЭНХ ТАЙВАН ЭРХ<br />
ЧӨЛӨӨ БОЛ БООЛЧЛОЛ<br />
ҮЛ МЭДЭХ НЬ ХҮЧ<br />
Нэг талд нь жижигхэн тод үсгээр эдгээр гурван лоозонг сийлбэрлэсэн, нөгөө талдаа Их Ахын<br />
толгойн дүрстэй хорин таван центийг Смит халааснаасаа гаргаж ирлээ. Их Ахын нүд зоосон<br />
дээрээс ч чамайг харж байна. Бүх юман дээр, зоосонд ч, номын хавтсанд ч, туг дарцаг дээр<br />
ч, янжуурын хайрцаг дээр ч энэ дүр бий. Чамайг унтаж байсан ч, сэрүүн байсан ч, ажлаа<br />
хийж байсан ч, хоолоо идэж байсан ч, гэртээ байсан ч, гадаа явж байсан ч, орондоо хэвтэж<br />
байсан ч, усанд орж байсан ч түүний нүд чамайг үргэлж харж, дуу хоолой нь үргэлж<br />
дуулдана. Тэхлээр үүнээс зугтаж зайлах арга байхгүй ээ. Чамд гавал доторх хэдэн шоо<br />
дөрвөлжин сантиметрээс бусад өөрийн гэх юм байхгүй.<br />
Нар жаргах тийшээ хандаад Үнэний Яамны байшингийн тоо томшгүй олон цонхон дээр<br />
гэрэл тусахаа больмогц тэдгээр нь харанхуй ой доторх ойн цоорхой шиг уйтгартай харагдаж<br />
байна. Яамны аврага том сувраган байшинг хараад Смитийн зүрх түгшиж байна. Энэ байшин<br />
хэтэрхий бат бэх, дэлбэлж дийлэхгүй, хэдэн мянган бөмбөг ч нурааж чадахгүй.<br />
Тэрээр би хэнд зориулан энэ өдрийн тэмдэглэлийг хөтөлж байгаа билээ гэж дахин бодож<br />
байлаа. Ирээдүйд үү, өнгөрсөн үедээ зориулж байна уу, төсөөлж буй эрин зуунд уу. Өмнө нь<br />
үхэл бус харин хүйс тэмтрэл харагдана. Өдрийн тэмдэглэлийг шатааж өөрийг чинь<br />
ууршуулна. Тэмдэглэсэн юмыг нь устгаж хүний ой тойноос арчиж арилгахын өмнө<br />
Сэтгэхүйн Цагдаа л түүнийг унших болно. Өөрийн чинь ул мөр, цаасны тасархай дээр нэр нь<br />
үл мэдэгдэх хүний бичсэн үг хүртэл үлдэж хоцрохгүй болохоор чи яаж ирээдүйд хандах вэ?<br />
Теледэлгэцийн цаг арван дөрөв болох гэж байна. Смит арван дөрвөн цаг гэхэд ажил дээрээ<br />
байх ёстой тул арван минут болоод гэрээсээ гарах хэрэгтэй болно.<br />
Гайхмаар нь цагийн зүүний цохилт Смитийг зоригжуулах шиг болов. Тэрээр хэн ч хэзээ ч<br />
дуулж байгаагүй үнэнийг хэлж буй ганцаархан сүнс юм. Тэрээр үнэнийг хэлж л байгаа цагт<br />
энэ дэлхийд юу ч тасалдахгүй. Энэ нь өөрийнхөө үгийг дуулгахдаа бус харин эрүүл саруул<br />
ухаантай байж л чи хүний өвийг хадгалж чадна. Смит ширээ рүүгээ очоод үзгээ дүрээд<br />
бичиж эхлэв.<br />
Ирээдүйд ч бай, өнгөрсөн үед ч бай, сэтгэхүй чөлөөтэй байх тэр цагт, хүн хунээсээ өөр