1984
Create successful ePaper yourself
Turn your PDF publications into a flip-book with our unique Google optimized e-Paper software.
орны хажууд байгаа жижиг сандал дээр унаад мэгшин уйллаа. Тэрээр бузар муухайгаа, эв<br />
хавгүйгээ, хурц тусах гэрэл дор хиртэй дотуур хувцас доторхи хэлхээтэй хэдэн ясаа хараад<br />
биеэ барьж чадахгүй байна. Обрайен бараг л эелдэгхэн Смитийн мөрөн дээр гараа тавилаа.<br />
“Энэ байдал төгсгөлгүй үргэлжлэхгүй. Чи дуртай цагтаа үүнээс зугтаж болно. Бүх юм өөрөөс<br />
чинь шалтгаална”<br />
"Та л ингэсэн юм. Та намайг ийм байдалд оруулсан” гэж Смит цурхиран уйлж хэллээ.<br />
“Үгүй шүү. Смит чи өөрөө өөрийгөө ийм байдалд оруулсан. Чи Намын эсрэг зогсож энэ<br />
замаар орсон юм. Чиний үйл ажиллагаа энэ бүхнийг харуулсан юм. Чи өөртөө юу<br />
тохиолдохыг урьдаас мэдэж байсан”<br />
Тэрээр жаахан чимээгүй болсноо дахин ярьж эхлэв.<br />
“Смит ээ, Бид чамайг зодож нүдсээн. Бид чиний эр зоригийг чинь мохоосон. Бие чинь юу<br />
болсныг чи харлаа. Чиний оюун ухаан мөн ийм л байгаа. Чамд бахархах сэтгэл нэг их<br />
үлдээгүй гэж бодож байна. Чамайг өшиглөж, ташуурдаж, доромжилж байсан, чи зовж<br />
шаналахдаа орилж чарлаж, цус бөөлжистэйгээ хутгалдан шалан дээр мөлхөж байсан. Чи<br />
өршөөл үзүүлэхийг гуйн гиншиж байсан, чи хүн бүрээс, юм бүрээс урван тэрсэлсэн. Чамд<br />
үзээгүй доромжлол, гутамшиг гэж байна уу?”<br />
Смит уйлахаа больсон ч гэсэн нүднээс нь нулимс асгарсаар байна. Тэрээр Обрайен руу<br />
эгадэн харж:<br />
“Би Жулиягаас урваагүй” гэж хэллээ.<br />
"Тийм ээ, тийм. Үнэхээр тийм. Чи Жулиягаас урваагүй” Смитийн зүрх сэтгэл дахиад л<br />
Обрайеныг гүн хүндэтгэх сэтгэлээр бялхлаа. Энэ хүндэтгэлийг юу ч эвдэж чадахгүй. Тэрээр<br />
яасан ухаантай юм бэ, яасан ухаантай юм бэ! гэж бодож байлаа. Обрайен түүнийг ойлгохгүй<br />
байсан тийм тохиолдол ерөөсөө<br />
гараагүй юм. Өөр хэн нэгэн байсан бол чи Жулиягаас урвасан гэж тэр дор нь хариулах<br />
байсан. Тэд нар эрүү шүүлтээр түүгээр хэлүүлээгүй юм юу байна вэ! Тэрээр бүсгүйн талаар<br />
юу эс хэллээ. Түүний зуршлын тухай, түүний ааш зангийн тухай, өнгөрсөн амьдралынх нь<br />
тухай, болзоот уулзалтынхаа тухай, өөрийнхөө түүнд ярьсан юмны тухай, бүсгүйн өөрт нь<br />
ярьсан юмны тухай, хар захаас авсан хүнсээрээ оройн зоог бэлтгэсэн тухай, янаг<br />
амрагийнхаа явдлын тухай, Намын эсрэг шивнээ ярианыхаа тухай, ер нь бүгдийг маш<br />
дэлгэрэнгүй ярьсан билээ. Харин энэ үгийг одоо ойлгож байгаа утгаар бол тэрээр Жулиягаас<br />
урваагүй юм. Тэрээр бүсгүйд хайр сэтгэлтэй хэвээрээ байна. Түүнд тэмүүлэх сэтгэл<br />
урьдынхаараа үлдсэн. Обрайен энэ бүхнийг ямар ч тайлбаргүй ойлгожээ.<br />
“Намайг удахгүй буудаж даазаар авах болов уу, хэлээд өгөөч?” гэж тэрээр асуулаа.<br />
“Энэ их удаж магадгүй. Чинийх бол төвөгтэй тохиолдол. Итгэл бүү алдраарай. Хүн бүр эрт<br />
орой хэзээ нэг цагт эдгэдэг юм. Тэр үед бид чамайг буудаж хорооно”