1984
Create successful ePaper yourself
Turn your PDF publications into a flip-book with our unique Google optimized e-Paper software.
Харин Смит хэдэн хором дуугарсангүй. Тэрээр ядарч байлаа. Обрайены нүдэнд бүдэгхэн<br />
солиорлын урам зоригийн гэрэл гялсхийлээ. Смит юу хэлэх гэж байгааг урьдаас мэдэж<br />
байна. Нам өөрийнхөө төлөө эрх мэдэл рүү тэмүүлээгүй, харин олонхын эрх ашгийн тусын<br />
тулд л түүн рүү тэмүүлж байна. Эрх мэдэл рүү тэмүүлээд байгаагийн учир нь гэвэл хумүүс<br />
олонхидоо сул дорой, аймхай амьтад бөгөөд тэд эрх чөлөөг тэвчиж чаддаггүй, үнэнийг харж<br />
чаддаггүй юм. Хүчтэй нь тэднийг захирч толгойг нь байнга эргүүлж байх шаардлагатай юм.<br />
Хүн төрөлхтөнд сонголт хийх шаардлага тулгарч байна. Эрх чөлөө буюу аз жаргал, тэхдээ<br />
олонхийн хувьд аз жаргал нь дээр юм. Нам бол тэднийг мөнхийн асрамжлан хамгаалж буян<br />
үйлдэхийн төлөө бүхнээ зориулан нүгэл үйлдэж буй бүлэглэл. Нам бусдын аз жаргалын<br />
тусын тулд өөрийнхийгөө золиослож байдаг юм. Хамгийн гутамшигтай нь Обрайен үүнийг<br />
халэхдээ тэрээр үүндээ итгэнэ гэж Смит бодож байлаа. Энэ нь түүний царайнаас харагдаж<br />
байна. Обрайен бүх юмыг мэднэ. Тэрээр хүмүүс ямар ядуу дорой амьдарч байгааг, Нам<br />
тэднийг ийм байдалд ямар худал хуурмаг үг, зэрлэг бүдүүлэг аргаар барьж байдгийг Смитээс<br />
хамаагүй илүү мэдэж байгаа. Тэрээр бүх юмыг ойлгосон, үнэлж цэгнэсэн бөгөөд үзэл<br />
бодолдоо хэзээ ч эргэлзэж байгаагүй. Туйлын зорилго бүхнийг зөвтгөнө. Өөрөөс чинь<br />
хамаагүй илүү ухаантай, үгийг чинь анхааралтай сонсчихоод дараа нь өөрийнхөө солиорлыг<br />
хатуу баримталдаг энэ солиотой амьтныг яах вэ? гэж Смит бодож байна.<br />
"Та нар бидний тусын тулд биднийг захирч байна. Хүмүүс өөрсдийгөө захирч чадахгүй гэж та<br />
нар үзэж байна уу, ингэхлээр..” гэж тэрээр сулхан дуугарлаа.<br />
Тэрээр цочин арай л хашгирсангүй. Обрайен багажны бариулыг гучин тав хүртэл эргүүлэхэд<br />
бүх бие нь янгиналаа.<br />
"Тэнэг, Смнт ээ, энэ чинь тэнэг явдал! Би чамайг арай дээр хариулах байх гэж бодсон юм”<br />
гэж тэрээр хэллээ.<br />
Обрайен бариулыг буцааж эргүүлэв.<br />
“За одоо би энэ асуултад хариулья. Ийм байна. Нам бол зөвхөн өөрийнхөө тусын тулд л эрх<br />
мэдэл рүү тэмүүлдэг юм. Бидэнд бусдын сайн сайхан сонирхолтой бус. Бидэнд эрх мэдэл л<br />
сонирхолтой. Эд баялаг ч, тансаг урт удаан амьдрал буюу аз жаргал ч бус, гагцхүү эрх мэдэл,<br />
цэвэр эрх мэдэл. Цэвэр эрх мэдэл гэдэг нь юу гэсэн үг вэ гэдгийг чи одоо ойлгоно. Бид юу<br />
хийж байгаагаа мэднэ, үүгээрээ бид өнгөрсөн үеийн бүх олигархиудаас өөр юм. Бусад бүх<br />
хүн, тэр ч байтугай бидэнтэй төстэй хүмүүс ч хулчгар, хоёр нүүртэнгүүд байсан юм.<br />
Германы нацистууд ба Оросын коммунистуудын арга барил биднийхтэй тун төстэй байсан,<br />
харин тэдэнд өөрсдийнхөө зорилгын учир шалтгааныг ойлгох эр зориг дутсан юм. Тэд нар<br />
эрх мэддийг богино хугацаанд хүсээгүй мөртлөө гартаа авсан бөгөөд хүн эрх чөлөөтэй, эрх<br />
тэгш байх диваажин энүүхэнд байна гэсэн дүр үзүүлж байсан, магадгүй үүндээ итгэсэн ч<br />
байсан байх. Бид бол тийм биш ээ. Бид эрх мэдлийг татгалзах гэж хэзээ ч гартаа авдаггүй юм<br />
гэдгийг мэднэ. Эрх мэдэл хэрэгсэл биш. Эрх мэдэл бол зорилго. Хувьсгалыг хамгаалах гэж<br />
дарангуйллыг тогтоодоггүй юм. Дарангуйллыг тогтоох гэж хувьсгал гаргадаг юм. Залхаан<br />
цээрлүүлэлтийн зорилго бол залхаан цээрлүүлэлт мөн. Эрүү шүүлтийн зорилго бол эрүү<br />
шүүлт мөн. Эрх мэдлийн зорилго бол эрх мэдэл мөн. Чи одоо намайг жаахан ойлгож байна<br />
уу?