1984
You also want an ePaper? Increase the reach of your titles
YUMPU automatically turns print PDFs into web optimized ePapers that Google loves.
V<br />
Сайм алга болжээ. Тэрээр өглөө ажилдаа ирсэнгүй, зарим болгоомжгүй хүмүүс түүнийг алга<br />
байна гэж ярьж байлаа. Маргааш нь хэн ч түүнийг дурссангүй. Смит гурав дахь өдөр нь<br />
Баримтжуулалтын газрын үүдний өрөөгөөр орж зарлалын самбар үзэхэд Саймын ордог<br />
Шатрын хорооны гишүүдийн хэвлэмэл нэрсийн жагсаалт өлгөөтэй байлаа. Нэрсийн<br />
жагсаалт яг л урьдынхтайгаа адилхан, харин нэг нэрээр дутуу аж. Бүх юм ойлгомжтой<br />
боллоо. Сайм оршихоо больжээ, тэрээр хэзээ нэгэн цагт оршиж байгаагүй.<br />
Жигтэйхэн халуун өдрүүд байлаа. Яамны дотор, цонхгүй бүхээг дотор салхилуулагч хэвийн<br />
температурыг барьж байгаа ч гэсэн гудамжны явган зам хөл халуу оргиулж метро дотор<br />
тэсэхийн аргагүй өмхий үнэртэж байлаа. Үзэн ядах долоо хоногийн бэлтгэл ажил ид эрчээ<br />
авч яамны ажилтнууд илүү цагаар ажиллаж байлаа. Жагсаал, хурал цуглаан, цэргийн парад,<br />
лекц, үзэсгэлэн, лаван дүрсний үзэсгэлэн, телевизийн тусгай хөтөлбөр, энэ бүхнийг зохион<br />
байгуулах хэрэгтэй байсан, индэр давцанг барих, хөшөө угсрах, лоозон уриаг эцэслэн хянаж<br />
гаргах, шинээр дуу зохиох, дэл сул хов живийг тарааж түгээх, фото зургийг хуурамчаар үйлдэх<br />
хэрэгтэй байлаа. Жулиягийн ажилладаг Утга зохиолын газрын тасагт романуудын дотроос<br />
зэрлэг явддын талаархи хэсгийг сугалан авч товхимол болгон тарааж байлаа. Смитэд ердийн<br />
ажлаас нь гадна «Таймс»-ын үдээстэй хувиуд дээр илтгэлд иш татахад зориулан мэдээг<br />
шинээр үйлдэх, засвар хийж суух хэрэг гарч байлаа. Шөнө оройгоор үгээгүйчүүдийн бөөн<br />
бөөн хүмүүс гудамжаар шуугилдаж байхад Лондон хот жигтэйхэн хийрхэлд автаж байлаа.<br />
Пуужингийн бөмбөг урьдынхаасаа улам олноороо унаж хаа нэг газар асар том дэлбэрэлт<br />
гарахад хэн ч түүнийг тайлбарлаж чадахгүй байхын хамт элдэв толгойд оромгүй цуу яриа<br />
тарж байлаа.<br />
Үзэн ядах долоо хоногийн дууны ая болох шинэ ая (Үзэн ядах дуу гэсэн нэртэй)-ыг аль эрт<br />
зохиочихсон ба теледэлгэцээс түүнийг зогсоо зайгүй нэвтрүүлж байна. Догшин хэрцгий<br />
хуцсан хэмнэлтэй энэ ая хөгжимтэй огт адилгүй зөвхөн бөмбөр дэлдэлтийг л санагдуулж<br />
байлаа. Энэ аяыг хөлийн товшилттой хамт хэдэн мянган хоолойгоор хашгирахад сүнс<br />
зайлмаар болно. Үгээгүйчүүдэд энэ дуу таалагдаж шөнийн гудамжинд «Мөрөөдөл аль<br />
хэдийнээ алга болжээ» гэсэн дууг шахан гаргажээ. Парсонсын хүүхдүүд энэ дууг өдөр<br />
шөнөгүй аман хуураар залхтал орилдог болсон юм. Одоо Смитийн оройн цагт зав зай их бага<br />
болжээ. Парсонсын цуглуулсан сайн дурынхан Үзэн ядах долоо хоногт бэлтгэж зурагт хуудас<br />
гарган уриа лоозон зохиож, байшингийн дээвэр дээр туг далбаа хатгаж, лоозон зүүх олсыг<br />
амь насандаа аюултай байхыг үл тоон гудамж дээгүүр өлгөж байлаа. Парсонс зөвхөн<br />
«Виктори» хэмээх байшинд гэхэд л дөрвөн зуун тууш метр уриа лоозон өлгөнө гэж гайхуулан<br />
ярина. Тэрээр сурсан зангаараа хүүхэд шиг хөөрч байлаа. Бүгчим халуун агаар, биеийн<br />
хөдөлмөр хийж буйн ачаар тэрээр оройдоо богино өмд, задгай цамц өмсөх бүрэн эрхтэй<br />
болжээ. Тэрээр хаа л бол хаа явж, татаад л, түлхээд л, хөрөөдөөд л, хадаад л, шинээр<br />
бүтээгээд л, нөхөрсөгөөр урмын үг хайрлаад л байхын хамт бие махбодийнхоо нугалаа үрчлээ<br />
бүрээс исгэлэн хөлсөө дуслуулсаар байна.<br />
Гэв гэнэт цоо шинэ зурагт хуудас Лондон хот даяар гарлаа. Зурагт хуудас дээр гурав, дөрвөн<br />
метр өндөр Евразийн Гүрний аврага том биетэй, цэвдэг хүйтэн монгол царайтай, том<br />
гуталтай цэрэг эр автомат бууныхаа бөгсийг ташаандаа тулаад барьчихсан урагшаа давшиж