1984
Create successful ePaper yourself
Turn your PDF publications into a flip-book with our unique Google optimized e-Paper software.
теледэлгэцийн хажуугаар өнгөрөхдөө гэнэт нэг юм санасан мэт ханан дээрх унтраалгыг<br />
дарахад тэр нь шажигнаснаа дуу нь тасрав.<br />
Жулия аяархан дуу алдаж Смит ихэд сандарч байгаа хэдий ч биеэ барьж чадалгүй дуу алдан<br />
асуув.<br />
"Та үүнийг унтрааж болох юм уу?”<br />
"Тийм ээ. Бид үүнийг унтрааж болно. Бидэнд тийм эрх олгосон юм” гэж Обрайен хариуллаа.<br />
Тэрээр Смит, Жулия хоёрын өөдөөс харан зогсох бөгөөд түүний лут том бие нь сүрлэг<br />
харагдаж царайньгх нь өнгийг таах арга алга байна. Тэрээр Смит рүү ширүүхэн харж түүний<br />
юу хэлэхийг хүлээж байна, харин юу ярих вэ? Одоо ч гэсэн энэ завгүй хүн өөрт нь яагаад<br />
төвөг удав гэж ундууцан гайхаж байгааг бүрнээ ойлгож болох юм. Хэн нь ч үг дуугарсангүй.<br />
Теледэлгэцийг унтраачихсан тул өрөөнд нам гүм байна. Цаг мөч маш удаан өнгөрч байна.<br />
Смит хүчлэн Обрайены нүд рүү харлаа. Гэрийн эзэн инээмсэглэх гэж байгаа юм шиг болоод<br />
ширүүн харц нь зөөлөрлөө. Тэрээр дадсан зангаараа нүднийхээ шилийг хамрынхаа үзүүр рүү<br />
доошлуулав.<br />
“Би ярих уу, та юм хэлмээр байна уу?”<br />
“Би ярья. Тэрнийг үнэхээр унтраачихсан уу?”<br />
"Тиймээ, бүгдийг нь унтраачихсан. Бид л байна”<br />
“Бид энд ирсний учир бол..”<br />
Смит энд ирэх болсон шалтаг нь хичнээн тодорхойгүй болохыг анх удаагаа ухаарч түгдэрлээ.<br />
Тэрээр Обрайенээс ямар тусламж дэмжлэг хүлээж байгаагаа мэдэхгүй байсан ба яах гэж<br />
ирснээ тайлбарлахад хэцүү байлаа. Гэлээ ч түүнд хэлж байгаа үг нь итгэл үнэмшил багатай,<br />
сүр бадруулсан юм шиг бодогддоо.<br />
“Бид хуйвалдаан байна, ямар нэг далд байгууллага Намын эсрэг тэмцэл явуулж байна, түүнд<br />
таныг оролцдог гэж боддог юм. Бид үүнд оролцмоор, түүний төлөө ажилламаар байна. Бид<br />
бол Намын дайсан. Бид Ангсоцын зарчимд итгэдэггүй. Бид Сэтгэхүйнгэмтэн юм. Бид мөн<br />
завхай зайдан хүмүүс. Бид энэ бүхнийг ярихдаа бүх эрх мэддийг өөрт чинь даатгаж байна.<br />
Биднийг хийсэн хэргээ хүлээ гэх юм бол бид хүлээхэд бэлэн байна”<br />
Тэрээр ард нь хаалга онгойлгох шиг болсон тул дуугүй болоод эргэж хартал үнэхээр шар<br />
царайтай зарц хаалга тогшилгүй орж ирлээ. Тэр хоол зөөх тавиуртай галуун хүзүүт лонх,<br />
шнлэн аяга барьж ирлээ.<br />
“Мартин манай хүн. Мартин нааш нь аваад ир. Дугуй ширээ тавьчих. Сандал хүрч байна уу?<br />
Бид ингэхэд суугаад ярилцаж болох юм. Мартин чи ч гэсэн сандал ав. Ажил хэргийн асуудал<br />
ярих гэж байна. Чи зарц гэдгээ арван минут мартаж болно” гэж Обрайен тайван тайлбарлаж<br />
ярилаа.