1984
Create successful ePaper yourself
Turn your PDF publications into a flip-book with our unique Google optimized e-Paper software.
“Гэгээн Клетентийн хонх амтат зүрж, нимбэг өг гэж дуудна<br />
Гэгээн Мартины хонх фартинг өг гэж дуудна!”<br />
За бас цаадахыг нь мартжээ. Фартинг гэдэг нь цент шиг задгай зэс мөнгө байсан юм.<br />
"Тэгээн Мартины сүм хаана байна вэ?” гэж Смит асуув.<br />
“Гэгээн Мартин уу? Одоо байгаа. Ялалтын талбай дээр уран зургийн үзэсгэлэнгийн дэргэд<br />
байгаа. Үүдэндээ асартай, баганатай, өргөн шаттай байшин шүү дээ”.<br />
"«Тал дахь Гэгээн Мартин» нэртэй байлаа. Гэхдээ энэ хавьд тал газар байсныг би санахгүй<br />
байна” гэж өвгөн хэлэв.<br />
Смит сийлбэрлэсэн зургийг авсангүй. Энэ нь бөөрөнхий шилнээс ч илүү тохиромжгүй эдээс<br />
гадна жаазыг нь авахгүй бол гэр рүүгээ авч явах боломжгүй аж. Тэрээр хэдэн мөч саатаад<br />
өвгөнтэй үг дэлгэж байхдаа өвгөний нэр нь мухлагийн үүдний хаяг дээр байгаа Уикс биш<br />
харин Чаррингтон гэдгийг мэдэж авлаа. Ноён Чаррингтон жаран гурван настай, бэлэвсэрсэн<br />
эр бөгөөд энэ мухлагт гучин жил сууж байгаа аж. Мухлагийнхаа хаягийг энэ хугацаанд солих<br />
гэж бодсоор ирсэн боловч нэг л завдал болоогүй гэнэ. Смит өвгөнтэй яриа дэлгэж байхад<br />
чихэнд нь нөгөөх шүлгийн үг хангинаж байлаа. «Гэгээн Клементийн хонх амтат зүрж,<br />
нимбэг өг гэж дуудна, Гэгээн<br />
Мартины хонх фартинг өг гэж дуудна». Эдгээр мөрийг өөртөө хэлэхэд устаж алга болоод хаа<br />
нэг газар үл харагдах, мартагдсан Лондоны хонхнууд дуугарч байгаа юм шиг санагдах нь нэг л<br />
сонин. Сүмийн сүүдэгнэсэн гонхонуудаас хонхны дуу бие биеэ дагалдан цуурайтах шиг<br />
Смитэд санагдана. Харин тэрээр сүмийн хаан хонхны дууг энэ насандаа ерөөсөө дуулж<br />
байгаагүй юм байна гэж бодно.<br />
Смит Чаррингтонд баяртай гэж хэлээд гадагшаа гарахдаа гудамжийг сэрэмжлэн харж<br />
байгаагаа өвгөнд харуулахгүй гэж бодоод ганцаараа гарч явлаа. Тэрээр жаахан хүлээгээд, нэг<br />
сар орчим ч юм уу болоод мухлагт дахин ирнэ гэж аль хэдийнээ шийджээ. Энэ бол Олон<br />
нийтийн Төвийн арга хэмжээг тасалснаас илүү осолтой биш юм. Мухлагийн эзэнд найдаж<br />
болох уу, үгүй юү гэдгээ мэдэхгүй байж ном худалдаж авсныхаа дараа мухлагт дахин ирсэн нь<br />
их гэнэн явдал байлаа. Гэсэн мөртлөө...!<br />
Тийм ээ энд ирэх хэрэгтэй байна гэж тэрээр дотроо бодно. Тэрээр даниудын Гэгээн Клемент<br />
гэдэг сийлбэрлэсэн зургийг худалдаж аваад жаазнаас нь гаргаж гэртээ аваачина. Ноён<br />
Чаррингтоноор шүлгийг нь бүрэн хэлүүлэх болно. Дахиад л дээд өрөөг хөлслөх тухай<br />
солиотой бодол төрж байлаа. Тэрээр сэтгэл нь хөөрсөндөө болгоомжтой байхаа тэр дороо<br />
мартаад гудамж руу сэрэмжлэн харсан болоод гарч явлаа. Тэр ч байтугай өөрийнхөө дураар<br />
амандаа аялж явлаа.<br />
Гэгээн Клетентийн хонх амтат зүрж, нимбэг өг гэж дуулна<br />
Гэгээн Мартины хонх фартинг өг гэж дуудна!
Change language