1984
You also want an ePaper? Increase the reach of your titles
YUMPU automatically turns print PDFs into web optimized ePapers that Google loves.
“Бясаа ч үй түм байх даа. За тэр ч ямар хамаа байсан юм, тийм ээ?” гэж Жулия ярилаа. Өнөө<br />
үед үгээгүйчүүдийн гэрээс өөр газарт хоёр хүний ор үзэгдэхээ больжээ. Смит хүүхэд ахуй<br />
цагтаа ийм ор дээр унтдаг байсан. Жулия ийм ор дээр унтаж байснаа ерөөсөө санахгүй<br />
байна.<br />
Тэр хоёр нэг хэсэгтээ унтчихсан бөгөөд Смит сэрээд хартал цагийн зүү есийг зааж байна.<br />
Жулия гар дээр нь толгойгоо тавьчихсан унтаж байна. Түүний нүүрний будагны ихэнх нь<br />
Смитийн нүүр, дэрэнд наалдчихсан байх ба нүүрэнд нь үлдсэн жаахан будаг хацрын нь<br />
товгорын гоёыг илтгэнэ. Жаргаж буй нарны шар гэрэл орны хөл, задгай зууханд тусаж задгай<br />
зуухан дээр хувинтай ус буцалж байна. Хашаан дотор нөгөөх эмэгтэй дуулахаа больчихсон,<br />
гудамжнаас хүүхдүүд хашгирах дуу сулхан дуулдана. Смит арилгачихсан өнгөрсөн цаг үед<br />
зуны сэрүүхэн орой эрэгтэй, эмэгтэй хоёр хүн шачдан нүцгэн ийм ор дээр хэвтээд хүссэн<br />
үедээ энгэр зөрүүлж, дуртай юмаа ярилцаж, гаднаас гарах амгалан чимээ шуугианыг сонсож,<br />
босох ямар ч шаарддагагүй хэвтэж байсан болов уу гэж сонирхон бодно. Ийм юм хэвийн юм<br />
шиг цаг хугацаа ер нь ч байсан уу? Жулиа сэрж нүдээ нухлаад тохой дээрээ өндийгээд задгай<br />
зуух руу харлаа.<br />
“Усны хагас нь буцчаад ширгэчихсэн байна. Би босоод одоохон кофе хийе. Бидэнд цаг байна.<br />
Танай байрны гэрлийг хэдэн цагт тасалдаг вэ?”<br />
“Хорин гурав гучид”<br />
“Нийтийн байранд хорин гурван цагт тасалдаг юм. Түүнээс өмнө байрандаа орохгүй бол...<br />
Хүүе! Балиар амьтныг дээ, чамайг!” Тэрээр гэв гэнэт орон дээгүүр тэрийж үсрээд шалан<br />
дээрээс шаахайгаа шүүрч аваад Хоёр минут Үзэн Ядалтын үеэр Голдштейн рүү толь бичгийн<br />
ном шидсэн шигээ эрэгтэй хүүхэд шиг гараа далайн өрөөний булан руу аль байдгаараа шидэж<br />
орхив.<br />
“Юу болоод байна вэ?”.<br />
“Харх байна. Хананцарын цаанаас толгой нь цухуйж байхгүй юу. Тэнд үүртэй юм. Муу<br />
новшийг хөөчихчөө шүү”<br />
“Харх гэнээ! Энэ өрөөнд байдаг байх нь ээ?”<br />
"Тийм ээ, зөндөө байгаа. Зарим газар бужигнаж байдаг юм. Харх хүүхэд рүү довтолдгийг чи<br />
мэдэх үү? Довтлоно оо. Зарим газар эх нь нялх хүүхдээ орхиж болдоггүй юм. Хамгийн<br />
муухай нь, энэ муу хогнууд чинь..”<br />
“Боль доо!”<br />
“Хөөрхий амьтан! Царай чинь бүр цайчихжээ. Яасан бэ? Хархнаас айдаг юм уу?”<br />
“Харх... Энэ хорвоод үүнээс өөр аймшигтай юм байхгүй” Жулия түүнийг өөрийнхөө биеэр<br />
тайтгаруулах гэсэн юм шиг гараараа тэвэрч аваад хөлөө өвдөг дээр нь тавьжээ. Тэрээр насан<br />
туршид нь өөрийг нь зовоосон нөгөөх танил айдастаа хэдэн хором автсан юм шиг байлаа.