1984
You also want an ePaper? Increase the reach of your titles
YUMPU automatically turns print PDFs into web optimized ePapers that Google loves.
хийх юм бэ? Сэтгэлгээний бүхий л орчин өөрчлөгдөнө. Хэрэг дээрээ бидний одоо ойлгож<br />
байгаа<br />
шиг тийм сэтгэлгээ байхгуй болно. Үзэл бодолдоо үнэнч байх нь сэтгэхгүй гэсэн үг, бодох<br />
шаарддага байхгүй болно. Үзлээ тууштай баримтлах нь ухамсаргүй байдал мөн”<br />
Сайм бол дэндүү ухаантай, тэрээр юмыг маш сайн ойлгодог, тун тодорхой ярьдаг тул<br />
ойрмогцоо түүнийг ууршуулна даа гэж Смит нтгэлтэй бодож байв. Нам ийм хүмүүст дургүй.<br />
Нэг л өдөр тэрээр сураггүй алга болно. Энэ нь түүний нүүр дээр бичээстэй байна.<br />
Смит талх, бяслагаа дуустал идээд аягатай кофегоо уунгуут хажуу тийшээ харж суулаа.<br />
Түүний зүүн гар талын ширээний ард хахираа хоолойтой эр зогсоо зайгүй ярьсаар байна.<br />
Залуухан бүсгүй, нарийн бичгийн дарга бололтой, тэр эрийн яриаг анхааралтай сонсож<br />
хэлсэн үг болгоныг нь зөвшөөрч буй бололтой. Тэр эмэгтэйн үе үе "Таны тун зөв. Би тантай<br />
санал нэг байна” гэх дуу Смитэд сонсогдоно. Тэр эмэгтэйг ярьж байхад ч нөгөөх эр ярьсаар л<br />
байна. Смит тэр эртэй Яаманд дайралддаг тул зүс таних ба Уран зохиолын газар ямарваа нэг<br />
чухал алба хашдагийг нь мэдэх юм. Мань хүн гуч эргэм настай, бүдүүн хүзүүтэй, том амтай<br />
аж. Тэрээр толгойгоо жаахан дээш болгоход нь нүдний шил нь гялтганаад нүд нь харагдахгүй<br />
байхыг Смит харлаа. Түүний амнаас зогсоо зайгүй гарах үгний нэг нь ч ойлгогдохгүй байгаа<br />
нь дотор арзагануулна. Смит нэг удаа л хэлж буй үгнийх нь дундаас «голдштейнчүүдийг<br />
бүрэн төгс устгах нь» гэсэн үг чанга дарсан дардас шиг тов тод дуулдав. Бусад нь бөөн<br />
шуугиан, шувуу гуаглаж буй юм шиг байв. Хэлж байгаа үгий нь ойлгох аргагүй ч гэсэн юу<br />
ярьж буйг нь ерөнхийдөө тааварлаж ядах юмгүй аж. Тэрээр Голдштейнийг хараан зүхэж,<br />
сэтгэхүйнгэмтнүүд болон хорлон сүйтгэгчдийн эсрэг улам хатуу арга хэмжээ авахыг шаардаж<br />
Евразийн Гүрний цэргийн эрхтэнүүдийн зэрлэг ажиллагаанд дургүйцдээ илэрхийлж, Их Ах<br />
болон Малабарын фронтын баатруудыг шагшин магтаж байсан ч, ямар ч ач холбогдолгүй<br />
байв. Юутай ч түүний үг бүр жинхэнэ Ангсоц үзэл бодолдоо үнэнч үг байв. Смитэд түүний<br />
нүдгүй нүүр, түргэн хөдлөх эрүүгий нь харж байхдаа тэрээр жинхэнэ хүн биш харин ямар<br />
нэг мануухай юм даа гэсэн хачин бодол төрж байв. Тэр хүний оюун санаа нь бус хоолой нь<br />
ярьж байна. Түүний амнаас гарч буй дуу чимээ нь үгнээс бүрдэж буй боловч энэ бол үнэн<br />
хэрэгтээ яриа биш аж. Энэ бол нугас гуаглах лугаа адил аяндаа гарсан дуу чимээ аж.<br />
Сайм нэг хэсэгтээ чимээгүй болоод халбаганыхаа ишээр шөлний асгадас дээгүүр хээ зурж<br />
сууна. Хажуугийн ширээнээс нөгөөх эрийн гуаглах дуу тасралтгүй гарч шуугиан чимээ<br />
дотроос үг нь тод дуулдана.<br />
“Шинхэлд нэг үг байдаг юм. Чи тэр үгийг мэдэх үгүйг би мэдэхгүй. Нугасхэл, нугас шиг<br />
гуаглах гэсэн үг. Энэ бол эсрэг тэсрэг хоёр утгатай сонин үгний нэг юм. Энэ үгийг<br />
өрсөлдөгчдөө хэрэглэх юм бол дорөмжлол болно, санаа нийлж буй хүнд хэрэглэх юм бол энэ<br />
нь магтаал сайшаал болно” гэж Сайм ярьж байна.<br />
Саймыг ууршуулах нь гарцаагүй хэрэг ээ гэж Смит дахиад л бодно. Тэрээр Сайм өөрийг нь<br />
үздэггүй, жаахан ойшоодоггүй бөгөөд шалтаг л гарах юм бол сэтгэхүйн гэмтхэрэгтэн гэж<br />
буруушааж бүрнээ чадах хүн гэдгийг мэдэх боловч түүний талаар гунигтай бодол төрж байв.<br />
Түүнд ямар нэг юм дутагдаж байна. Болгоомжлол, юмнаас хол байх зан, өөрийгөө аврах<br />
тэнэг үг. Үзэл бодолдоо үнэнч бус гэх аргагүй. Тэрээр Ангсоцын зарчимд итгэдэг, Их Ахыг