1984
Create successful ePaper yourself
Turn your PDF publications into a flip-book with our unique Google optimized e-Paper software.
Тэрээр өөрийнхөө оронд золиосолчих хүн эрсэн юм шиг бусад хоригдлыг тойруулан санд<br />
мэнд нэг харлаа. Түүний харц эрүүгүй эрийн хөх няц болсөн нүүрэн дээр тогтоод туранхай<br />
гараа дээш өргөн түүнийг заалаа.<br />
"Та нар намайг биш түүнийг авч явах ёстой! Түүний нүүрий нь бяц цохиход юу гэж хэлснийг<br />
нь та нар дуулсангүй. Би бүгдий нь давтаж хэлье, болох уу? Энэ эр Намын эсрэг хүн, би биш<br />
ээ” Хуягууд урагшаа алхаад түүнд ойртлоо. Тэрээр одоо чарлаж гарлаа. “Та нар түүний юу<br />
хэлснийг дуулсангүй! Теледэлгэц ажилласангүй. Та нарт хэрэгтэй хүн чинь өмнө чинь байна.<br />
Намайг биш түүнийг аваад яваач!”<br />
Биерхүү хоёр хуяг түүнийг өргөх гэж бөхийхөд тэрээр шалан дээр тэрийж унаад сандлын<br />
төмөр хөлнөөс хоёр гараараа зуурч аваад орь дуу тавин адгуус адил гиншиж байна. Хуягууд<br />
түүний биеийг нь тэвэрч өргөх гэсэн боловч тэрээр сандлын хөлнөөс гайхмаар хүчтэй зуурч<br />
байна. Хуягууд түүний гарыг салгах гэж хэдэн хором оролдлоо. Хоригдлууд өвдөг дээрээ<br />
гараа тавин хөдлөхгүй сууж нүдэн дээрээ болж буй юмыг харж сууна. Нөгөөх эр гиншихээ<br />
болилоо. Түүнд сандлын хөлнөөс зууралдах л хүч үлджээ. Тэгээд гэнэт ёолох дуу чанга<br />
гарлаа. Хуяг түүний гарыг хуга өшиглөлөө. Хоёр хуяг түүнийг өргөж хөл дээр нь зосоолоо.<br />
“Зуун нэгдүгээр өрөөнд аваач” гэж офицер тушаалаа.<br />
Хоригдлыг чирч гаргалаа. Тэрээр ямар ч эсэргүүцэл үзүүлсэнгүй, толгойгоо гудайлган<br />
бэртсэн гараа элгэндээ тэврээд хамаг хүч тамираа барчихсан хөлөө чирж явна.<br />
Олон цаг өнгөрчээ. Хохимой толгойн нүүртэй эрийг шөнөөр авч явсан бол одоо өглөө болж<br />
байх учиртай, өглөө авч явсан бол одоо орой болж байх учиртай. Смит одоо ганцаараа, хэдэн<br />
цаг ганцаараа байна. Тэрээр нарийхан сандал дээр сууснаас болж бөгс нь тэсвэрлэшгүй<br />
өвдөхөөр нь босож өрөөн дотуур явна. Харин теледэлгэцнээс түүн рүү бархирахгүй байна.<br />
Эрүүгүй эрийн хаясан зүсэм талх тэр газраа л байна. Анхандаа талхыг харахгүй байх хэцүү<br />
байсан ч эцсийн бөлөгт амны цангаа нь өлсөхөөс ч хүчтэй болов. Ам нь хатаад эвгүй амт<br />
амтагдана. Жигдхэн тусах гэрэл, дүнгэнэх дуунаас толгой нь манарч дотор нь муухай болж<br />
байлаа. Тэрээр үе мөч нь тэсвэрлэшгүй их өвдөхлөөр босоход толгой нь эргэж ойчиж<br />
магадгүй гэж айхдаа тэр дороо суусаар байлаа. Биеийн зовиурыг түр мартмагц айдас<br />
хүргэсэн бодол төрнө. Тэрээр зарим үед сахлын тонгорог, Обрайены тухай итгэл муухан<br />
бодно. Хэрвээ ер нь сахлын тонгорог дамжуулах л юм бол идэх юманд нууж ирүүлэх байх гэж<br />
найдна. Жулияг бүдэг бадагхан санаж байлаа.<br />
Жулия ямар ч гэсэн зовж шаналж байж магадгүй, надаас ч илүү зовж шаналж байгаа байх. Яг<br />
энэхэн хоромд өвдсөнөөсөө орилж чарлаж ч байж мэдэх юм.<br />
Смит «Би хэрвээ илүү зовж шаналаад үүгээрээ Жулияг аварч чадах байсан бол үүнийг хийх<br />
болов уу? Тэгэлгүй яахав, тэгэх л байсан» гэж бодно. Тэрээр ийм шийдвэр гаргах ёстой гэж<br />
үзсэн учраас л энэ нь цэвэр оюун санааных байсан юм. Тэрээр үүнйг мэдэрч чадсангүй. Энд<br />
чи өвчин зовиур ирнэ гэсэн зөнгөөс өөр юм мэдэрдэггүй юм. Үүний зэрэгцээ чи биеэрээ<br />
шаналан зовохдоо зовлон шаналлаа ихсээсэй гэж бодно гэдэг бол боломжгүй хэрэг биз дээ?<br />
Харин энэ асуултад одоохондоо хариулт өгөх арга байхгүй.