1984
Create successful ePaper yourself
Turn your PDF publications into a flip-book with our unique Google optimized e-Paper software.
залуухан бүсгүй аж. Смит түүний нэрийг мэддэггүй боловч Уран зохиолын газар ажилладаг<br />
гэдгийг нь мэдэх юм. Түүний гар нь тос болчихсон, түлхүүр барьчихсан явахыг нь зарим үед<br />
харсан болохоор роман бичигч машин дээр ямар нэг механикийн ажил хийдэг байж болох<br />
талтай. Тэр бүсгүй хорин долоо орчим настай, өтгөн үс, сэвхтэй нүүртэй, нүүрэмгий<br />
байдалтай, түргэн шаламгай хөдөлгөөнтэй нэгэн ажгуу. Бүсгүй ажлынхаа халааз дээр<br />
Бэлгийн харилцаанд орохын эсрэг залуусын Холбооны бэлгэдэл болох час улаан бүс хэд<br />
ороон бүсэлсэн нь ташааны нь гоог нлтгэнэ. Смит анх дайралдангуут л тэр бүсгүйд дургүй<br />
хүрсэн бөгөөд яагаад ингэснээ ч мэдэж байв. Энэ нь тэр бүсгүй хоккей тоглох, хүйтэн усанд<br />
орох дуртай, юм болгоныг хийх гэж салбаганаж явдаг нь таалагддаггүй байсан юм. Смит<br />
бараг бүх эмэгтэй хүнд тэр тусмаа залуухан, аятайхан эмэгтэй бүрд дургүй. Эмэгтэйчүүд<br />
ялангуяа юуны өмнө залуу эмэгтэйчүүд бол Намыг хамгийн их бишрэн шүтэгчид, уриа<br />
лоозонд итгэгчид, сайн дураараа мөрдөн мөшгигчид, тэрс үзэлтнийг илрүүлэгчид юм. Харин<br />
энэ бүсгүй бусдаас хамаагүй илүү аюултай юм шиг түүнд санагддаг байв. Нэг удаа<br />
байшингийн хонгилд дайралдахад энэ бүсгүй нүднийхээ булангаар хялайн харахад нь<br />
Смитийн хар хөлс цутгах шиг болж билээ. Смитэд энэ бүсгүй ер нь Сэтгэхүйн Цагдаагийн<br />
туршуул байж магадгүй гэсэн бодол ч төрж байсан. Гэхдээ энэ бол үнэн гэхэд үнэмшил<br />
багатай юм. Смит тэр бүсгүйд ойртох бүрд бие нь нэг л хачин эвгүйрхдэг бөгөөд тэр нь<br />
айдас, дайсагналын аль аль нь байлаа.<br />
Нөгөөдөх нь Дотуур Намын гишүүн, Смит Намын чухам ямар албан тушаал болохыг нь бүдэг<br />
бадаг таамаглаж буй аль нэг чухал албан тушаалтан болох Обрайэн гэдэг хүн байлаа. Дотуур<br />
Намын дүрэмт хар хувцастай хүн орж ирэхэд сууж байсан хүмүүсийн дунд шивнэлдэн ярих<br />
чимээ гараад замхарлаа. Обрайэн нь том биетэй, хүзүү бүдүүн, царай барсгар, инээдтэй<br />
мөртлөө догшин нэгэн ажгуу. Мань эр биерхэг бадруун мөртлөө гадаад төрх байдал нь<br />
гарцаагүй ялдам аж.<br />
Түүний нүднийхээ шилээ хамар дээрээ тогтоогоод дээгүүр нь хардаг зуршил нь хүнийг<br />
яагаад ч юм хачин жигтэй тайвшруулдаг бөгөөд өөрийг нь гайхмаар соёлтой харагдуулдаг<br />
юм. Энэ нь арван наймдугаар зууны сурвалжит хүн хамрын тамхины хөөргөө зөрүүлж буйг<br />
санагдуулж болох юм. Смит энэ хэдэн жилд Обрайэнтэй арав гаруй удаа дайралдсан, тэхдээ<br />
түүнд сэтгэл нь ихэд татагдаж байсан юм. Түүний сэтгэлийг Обрайэны хотын хүний төрх<br />
байдал ба шагнал авсан тамирчны шинжтэй бадриун бие бялдар хоёрын авцалдаагүй байдал<br />
зөвхөн татсан юм биш харин ч сэтгэлдээ нуун хадгалж явдаг итгэл, магадгүй итгэл ч гээд<br />
байх юу байх вэ, зүгээр л Обрайэны улс төрийн итгэл үнэмшил нь тийм ч бат биш гэсэн<br />
найдвар илүү их татаж байлаа. Түүний царай нь ийм байж магадгүй гэсэн санааг үргэлж<br />
төрүүлнэ. Тэгээд ч царайнаас нь харагдах нийтээр дагаж буй улс төрийн итгэл үнэмшилд<br />
үнэнч бус байдал бус харин ч оюун ухаан нь сэтгэл татаж байсан. Ямар ч гэсэн тэр хүний<br />
гадаад төрх байдал нь теледэлгэцийн хараанаас яаж ийгээд нэг мултраад нүүр тулан уулзаж<br />
чадах юм бол яриа дэлгэж болох хүн гэсэн санааг төрүүлж байлаа. Смит энэхүү бодол<br />
таамаглалаа шалгаж үзэх гэсэн оролдлого хэзээ ч хийж байгаагүй, үнэндээ ингэх ямар ч арга<br />
байгаагүй юм. Энэхэн хоромд Обрайэн бугуйн цагаа харахад бараг арван нэгэн цаг болж<br />
байсан ба тэрээр Баримтжуулах газарт Хоёр минутын үзэн Ядалтыг дуустал байхаар шийдсэн<br />
бололтой. Обрайэн Смитийн сууж байгаа эгнээнд түүнээс хэдэн сууддын цаана суухад<br />
Смитийн хажуугийн бүхээгт ажилладаг намхан нуруутай цайвар үстэй хүүхэн тэдний дунд,<br />
нөгөөх залуухан бүсгүй арын эгнээнд суув.