1984
Create successful ePaper yourself
Turn your PDF publications into a flip-book with our unique Google optimized e-Paper software.
хөдөлгөөнтэй, нүдний шилээ гялалзуулсан жижигхэн биетэй намын гишүүн мөрдөгчид<br />
байцаадаг болсон аж. Тэд бие биеэ солин түүнийг байцаах бөгөөд тэр нь арван хоёр цаг ч<br />
үргэлжилнэ. Түүнд ийм удаан байцаах шиг санагдах бөгөөд чухам хэдэн цаг үргэлжилдгийг<br />
үл мэднэ. Эдгээр шинэ мөрдөгчид Смитийг үргэлж тарчлаахыг хичээж байсан, харин энэ нь<br />
тэдний гол арга байгаагүй юм. Тэд нар түүний хацрыг нь алгадана, чихийг нь мушгина, нэг<br />
хөл дээр нь зогсооно, нулимсыг нь асгартал гэрэл өөд харуулж зогсооно, шээлгэхгүй удаан<br />
барина. Тэд нар энэ бүхнийг түүнийг доромжлох гэж, маргах, юм бодох чадварыг нь<br />
алдагдуулах гэж ингэж тарчлаана.<br />
Тэдний жинхэнэ зэвсэг нь олон цагаар хайр найргүй байцаах явдал байлаа. Тэд түүний<br />
боддыг нь самгардуулна, хуурамч асуулт тавина, хэлсэн бүхнийг нь гуйвуулж мушгина,<br />
түүнийг ичсэндээ ч юм уу, сульдаж ядарснаасаа уйлтал нь худлаа ярьж байна, өөрөө<br />
өөртэйгөө зөрчилдөж байна гэж алхам бүрт гүжирдэнэ. Тэрээр нэг байцаалтын үеэр тав<br />
зургаан удаа уйлах ч хэрэг гарна. Тэд гол төлөв түүнийг жаахан түгдрэх бүрт харааж зүхэн<br />
хуяг нарт дахиад өгнө гэж сүрдүүлнэ. Тэд заримдаа өнгө аясаа өөрчлөөд түүнийг нөхөр гэж<br />
дуудан Ангсоц болон Их Ахын нэрийн өмнөөс одоо түүнд Намдаа үнэнч сэтгэл төрж,<br />
гаргасан хор хөнөөлөө засах хүсэл төрөхгүй байна уу гэж харамсан асууна. Тэрээр олон<br />
цагийн байцаалтад бухимдсанаасаа болж ийм хүсэлт гаргахад нь тэсч чадалгүй уйлчихдаг<br />
байлаа. Эцсийн бөлөгт эдгээр яншаа яриа харгалзагчдын зангидсан гараар зодох, хөлөөр<br />
өшиглөхөөс ч илүү түүний эр зоригийг мохоолоо. Тэрээр шаардсан юм болгоныг нь хэлэх ам,<br />
хүлээн зөвшөөрч гарын үсэг зурах гар хоёр л болж хувирлаа. Түүний санааг зовоож байгаа<br />
цорын ганц юм нь тэдний юу шаардаж буйг мэдэж аваад дахиад доромжилж эхлэхээс нь<br />
өмнө хурдхан гэмээ хүлээх явдал юм. Тэрээр Намын нэр төртэй гишүүдийн амь насыг<br />
бүрэлгэсэн, өдөөн хатгасан товхимол тараасан, олон нийтийн хөрөнгийг идэж<br />
шамшигдуулсан, цэргийн нууцыг задруулсан, хорлон сүйтгэх ажиллагаа явуулсан зэрэг гэмт<br />
хэрэг үйлдсэнээ хүлээсэн юм. Бүүр 1968 онд Дорнодазийн хөлсний туршуул болсноо<br />
хүлээсэн аж. Мөн шүтлэгтэй, капитализмыг шүтэгч, тэгээд ч зогсохгүй завхай зайдан гэдгээ<br />
хүлээсэн юм. Тэрээр авгай нь одоо ч эсэн мэнд бөгөөд мөрдөгчид үүнийг лав мэдэж байгаа ч<br />
гэсэн түүний амийг хороосон гэмт хэргээ хүлээн зөвшөөрсөн юм. Голдштейнтэй олон жил<br />
хувийн харилцаатай явж ирсэн, өөрийн бүх танил нь гишүүн болох нууц байгууллагын<br />
гишүүн гэдгээ ч хүлээжээ. Бүх хэргээ хүлээгээд бүх юманд хүнийг холбогдуулах шиг амархан<br />
юм байхгүй. Үүний зэрэгцээ энэ нь нэг талаар үнэн юм. Тэрээр Намын дайсан гэдэг нь үнэн<br />
богөөд Намын нүдээр харахад сэтгэхүй ба үйл ажиллагааны хооронд ялгаа байхгүй.<br />
Өөр нэг дурсамж ч үлдсэн билээ. Хоорондоо холбоогүй хар юмаар хүрээлэгдсэн зураг байна.<br />
Гэгээтэй ч юм уу, харанхуй ч юм уу бүү мэд хоёр нүднээс өөр юу ч үгүй нэг өрөөнд байна.<br />
Хажууд аажмаар нэг хэмээр нэг багаж дуугарч байна. Хоёр нүд улам том болоод тодорч<br />
байтал тэрээр гэнэт нисч нүд рүү ойртоход нүд туүнийг залгичихлаа.<br />
Түүнийг түшлэгтэй сандалд хүлчихсэн байх ба түүний дээрээс нүд гялбам хурц гэрэл тусаж<br />
хуваарьтай багаж хэрэгсэл эргэн тойронд нь ажиллаж байна. Цагаан халаадтай хүн хуваарийг<br />
ажиглаж байна. Гаднаас хүнд гуталтай хүний хөлийн чимээ гарч хаалга хяхтнан онгойгоод<br />
хоёр харгалзагч дагуулан лаван царайтай офицер орж ирээд:<br />
“Зуун нэгдүгээр өрөөнд оруул” гэж хэллээ.