1984
Create successful ePaper yourself
Turn your PDF publications into a flip-book with our unique Google optimized e-Paper software.
гэдгийг тэрээр мэднэ. Теледэлгэц байхгүй гэж итгэлтэй хэлж чадах газар байхгүй.<br />
Смит бүхээгтээ эргэж очоод нөгөөх тасархай цаасаа ширээн дээрх цаасан дунд сэмхэн<br />
хийгээд нүдний шилээ зүүж үгбичигчийг өөр рүүгээ ойртууллаа. "Тавхан минут”, “Хамгийн<br />
багадаа л таван минут!”гэж тэрээр өөртөө хэлж байлаа. Зүрх нь айдас хүргэмээр чанга<br />
цохилж байна. Аз болоход хийх ажил нь жирийн л нэг ажил, анхаарап нэг их төвлөрөөд байх<br />
ажил биш зөвхөн урт тоо баримтын жагсаалтад засвар хийх ажил байв.<br />
Цаасан дээр юу ч бичсэн байлаа гэсэн ямар нэг улс төрийн агуулгатай байж таарна. Түүний<br />
мэдэж байгаагаар хоёр л хувилбар байна. Нэг нь түүний эмээж байсанчилан бүсгүй<br />
Сэтгэхүйн Цагдаагийн агент болох нь бараг лав биз ээ. Сэтгэхүйн Цагдаа ямар учраас ийм<br />
маягаар зурвас дамжуулах болсныг Смит мэдэхгүй, гэхдээ ингэх учир шалтгаан байсан нь<br />
магад. Цаасан дээрх бичиг нь заналхийлэл, өдөөн хатгалт, амиа егүүтгэх тушаал, ямар нэг<br />
урхи байж магадгүй. Харин огт өөр юм ч байж болох бөгөөд тэрээр энэ бодлоо аль болохоор<br />
дарах гэж оролдож байлаа. Энэ нь зурвасыг Сэтгэхүйн Цагдаа ерөөсөө ирүүлээгүй, харин<br />
ямар нэг нууц байгууллага ирүүлсэн байж мэдэх юм гэсэн бодол байв. Магадгүй Ах дүүгийн<br />
Баршщлага эцсийн бөлөгт оршиж байж мэдэх юм! Бүсгүй ч түүний гишүүн байж ч болох юм!<br />
Цаасны тасархайг гартаа авмагц л ийм бодол толгойд нь орж ирсэн бөгөөд энэ бол утга<br />
учиргүй санаа бодол гэдэгт эргэлзэх юмгүй. Хэдхэн хором өнгөрсний хойно л үүний огт өөр<br />
тайлбар бодогдлоо. Одоо болтол зурвас бол үхлийг хэлж байгаа юм гэж оюун санаа нь<br />
давтсаар байгаа ч гэсэн тэрээр үүнд итгэхгүй байсан ба учир шалтгаангүй нэгэн найдвар<br />
төрж зүрх нь хүчтэй цохилж үгбичигчид нөгөөх тоонуудаа шивнэн бичүүлэхдээ хоолойгоо<br />
чичрүүлэхгүй байхад хэцүү байлаа.<br />
Тэрээр цаасныхаа ажлыг дуусгаад хийн даралттай хоолой руу хаяв. Найман минут өнгөрлөө.<br />
Тэр нүдний шилээ засаж санаа алдаад нөгөөх цаасны тасархайгаа дээр нь тавиад дараагийн<br />
цаасны ажлаа өөр рүүгээ ойртууллаа. Нөгөөх цаасаа дэлгээд үзтэл дээр нь том галбир муухан<br />
үсгээр бичсэн бичээс байлаа:<br />
Би чамд хайртай<br />
Тэрээр хэдэн хором мэл гайхаж цэл хөхрөөд нөгөөх хэрэгт уруу татсан зурвасыг ой тойны нух<br />
рүү хаяхаа завдсангүй. Зурвасыг хэт сонирхох нь аюултай гэдгийг мэдэж байгаа ч гэсэн<br />
үнэхээр тэдгээр үг бичээстэй байна гэдгийг нэг сайн харахын тулд дахин уншихгүй байж<br />
чадсангүй.<br />
Үдээс өмнийн туршид түүнд ажил хийхэд их бэрх байлаа. Залхуутай ажилдаа анхаарлаа<br />
төвлөрүүлэхээс илүү теледэлгэцээс сэтгэлийн хөдөлгөөнөө нуух нь хэцүү байлаа. Түүний<br />
цээжинд гал шатаж байгаа юм шиг байхаас гадна халуу оргисон, хүн пиг дүүрэн, чих дөжрөм<br />
чимээ шуугиантай гуанзанд үдийн хоол идэх нь нэг ёсны там цайсан хэрэг байв. Тэрээр<br />
ганцаараа байя гэж бодож байтал нөгөөх усан тэнэг Парсонс хажууд нь ирж наалдаад хулмас<br />
хөлсөөрөө төмөр тавагтай шөлний үнэрийг дараад Үзэн ядах долоо Хоногийн бэлтгэл ажлын<br />
талаар эх төгсгөлгүй яриагаа дэлгэж байлаа. Парсонс баярт зориулан охиныхоо Тагнуулчдын<br />
цэргүүдийн хатуу цаасаар хийсэн Их Ахын хоёр метр өргөн толгойн зургийг гайхуулан ярьж<br />
байв. Смит шуугиан чимээн дундаас Парсонсын юу хэлж буйг тод дуулахгүй дахин дахин<br />
асууж нөгөөх тэнэг яриаг нь давтаж яриулах болж байсан нь харамсалтай байв. Тэрээр