1984
You also want an ePaper? Increase the reach of your titles
YUMPU automatically turns print PDFs into web optimized ePapers that Google loves.
хэрэглэх үйлдэл хийж болно.<br />
Жулия бол зарим талаар Смитээс хамаагүй хэрсүү, Намын сурталд бага автсан аж. Смит нэг<br />
удаа Евразийн Гүрэнтэй хийж буй дайны тапаар үг дуугарсан чинь Жулия хэнэгчгүй ямар ч<br />
дайн болоогүй гэж бодож байна гэсэн нь түүнийг хирдхийлгэн цочоож билээ. Засгийн газар<br />
«хүмүүсийг айдас хүйдэст барьж байхын» тулд л Лондон хот дээр унаж буй пуужинг нисгэж<br />
байж ч болох юм. Смитэд ийм бодол ерөөсөө төрөөгүй билээ. Тэрээр нэг удаа Жулияд<br />
атаархах сэтгэл төрж билээ. Надад Хоёр минут үзэн Ядалтын үеэр хамгийн хэцүү нь инээд<br />
алдчихгүй байх явдал юм гэж Жулия ярьсан юм. Жулия өөрийнх нь амьдралыг шууд хөндөх<br />
үед л Намын үзэл сурталд эргэлздэг юм. Тэрээр үнэн худал хоёрын хоорондын ялгаа ерөөсөө<br />
ач холбогдолгүй юм шиг байна гэж үздэг учраас албан ёсны суртал ухуулгыг ихэнх<br />
тохиолдолд хүлээн авахад бэлэн байдаг юм. Жулия жишээ нь сургуульд заалгаснаараа Нам<br />
нисэх онгоц зохион бүтээсэн гэдэгт итгэдэг юм. (Смитийг сургуульд байх үед буюу тавиад<br />
оны сүүлчээр Нам нисдэг тэрэг зохион бүтээсэн гэж нотолдог байсан, хэдэн жилийн дараа<br />
Жулияг сургуульд сурч байх үед Нам нисэх онгоцыг зохион бүтээсэн гэж нотолдог болсон,<br />
дараагийн үеийнхэнд уурын хөдөлгүүрийг зохион бүтээсэн гэж нотлох болно) Тэрээр нисэх<br />
онгоц түүнийг төрөхөөс өмнө, Хувьсгалаас олон жилийн өмнө байсан юм гэж ярихад Жулия<br />
огтхон ч тоосонгүй өнгөрчээ. Ер нь тэгээд нисэх онгоцыг хэн зохион бүтээсэн нь ямар<br />
хамаатай юм бэ? Далайн Гүрэн дөрвөн жилийн өмнө Дорнодазийн Гүрэнтэй дайтаж,<br />
Евразийн Гүрэнтэй найрамдалтай байсан гэдгийг Жулия санахгүй байна гэдгийг ярианы<br />
дашрамд Смит олж мэдээд нилээд цочирдон гайхаж билээ. Жулия энэ бүх дайн бол бач мэх<br />
гэж үздэг юм. Харин тэрээр дайсны нэр нь өөрчлөгдсөнийг ч мэдээгүй бололтой. “Би<br />
манайхан Евразийн Гүрэнтэй байнга дайтаж байгаа юм л гэж бодсон юм” гэж тэрээр<br />
хайхрамжгүй хэллээ. Нисэх онгоцыг түүний төрөхөөс олон жилийн өмнө зохион бүтээсэн<br />
бол дайсан өөрчлөгдсөн нь түүнийг насанд хүрсэн хойно дөрөвхөн жилийн өмнө болсон<br />
хэрэг билээ. Смит түүнтэй энэ талаар бараг арван таван минут маргалдсан юм. Тэрээр<br />
эцсийн бөлөгт хэзээ нэгэн цагт Евразийн Гүрэн биш Дорнодазийн Гүрэн дайсан байсан<br />
гэдгийг түүнд бүрэгхэн санагдуулахад хүргэж билээ. Гэсэн хэдий ч тэрээр энэ мэдээг ач<br />
холбогдолгүй гэж үзсээр байсан юм. “Ямар хамаатай юм бэ? Нэг цус асгаруулсан дайны<br />
дараа дахиад л нэг дайн гарна. Тэгээд ч дайны тухай мэдээ шал худдаа гэдгийг толгойтой бүр<br />
нь мэдэж байгаа шүү дээ” гэж тэрээр уцаарлангуй хэллээ.<br />
Смит заримдаа түүнд Баримтжуулалтын газар, тэнд баримтыг бүдүүлгээр засварлаж буй<br />
тухай ярьдаг байлаа. Тэрээр үүнд огтхон ч балмагдсангүй. Худал хуурмаг юмыг үнэн болгож<br />
байгаа нь их аюул авчирна гэсэн бодол түүнд огт төрсөнгүй. Тэрээр түүнд Жоунз, Аронсон,<br />
Резерфорд нарын тухай болон гарт нь үнэн баримтын гарцаагүй гэрч болох сонины тасархай<br />
орсон тухай ярьсан юм. Жулияд энэ бүхэн ямар нэг сэтгэгдэл төрүүлсэнгүй. Тэрээр үүгээр ч<br />
зогсохгүй ярьсан юмны агуулгыг ч ойлгосонгүй.<br />
"Тэд нар чиний найзууд байсан юм уу?” гэж тэрээр асуулаа.<br />
“Үгүй, би тэднийг таньдаггүй байсан юм. Тэд нар Дотуур Намын гишүүд байсан юм. Тэд нар<br />
тэгээд ч надаас хамаагүй ахмад хүмүүс байсан. Тэд хуучин үеийн, хувьсгалын өмнөх үеийн<br />
хүмүүс байсан. Би тэдний царайг ч бараг мэдэхгүй”<br />
"Тэгээд юунд нь сэтгэл чинь зовоод байгаа юм бэ? Хэн нэгнийг алах явдал дандаа л гарч