1984
Create successful ePaper yourself
Turn your PDF publications into a flip-book with our unique Google optimized e-Paper software.
“Үгий нь мэдэхгүй юм байна. Ийм араншинтай хүнийг бол мэднээ. Харин ч сайн мэднэ шүү”<br />
Смит өөрийнхөө гэр бүлийн амьдралын талаар ярьж байлаа. Жулия тэрнийх нь гол юмыг<br />
хэлүүлэлтгүй мэдэж байгаа нь гайхмаар байлаа. Жулия биед нь хүрэхэд Кэтриний бие хэрхэн<br />
хөшиж байсан, тэвэрч байхад нь бүх хүчээрээ түлхээд байх шиг байсныг өөрийнхөө нүдээр<br />
харсан юм шиг, өөрөө биеэрээ мэдэрсэн юм шиг нэг нэггүй тайлбарлан ярьж байлаа. Смитэд<br />
Жулиятай энэ тухай ярихад хялбар байсан бөгөөд Кэтриний тухай зовиурт дурсамж аль<br />
хэдийнээ жигшил зэвүүцэл болж хувирчээ.<br />
“Би ч тэвчвэл тэвчих л байсандаа. Гэхдээ тэвчих аргагүй байлаа. Түүнийг болиулах ямар ч<br />
арга байгаагүй юм. Тэрээр үүнийгээ юу гэдэг билээ дээ... Тааж хэлэх аргагүй байсан юм” гэж<br />
Смит Кэтриний долоо хоног бүрийн тогтсон нэг өдөр болгон хийдэг цэвдэг хүйтэн үйлддийг<br />
Жулияд ярьж өглөө.<br />
“Манай Намын үүрэг даалгавар” гэж Жулия тэр дор нь хариулав.<br />
“Чи яаж мэддэг юм бэ?”<br />
“Хонгор минь би ч гэсэн сургуульд сурдаг байсан шүү. Арван зургаан нас хүрмэгц л бэлгийн<br />
харилцааны тухай сард нэг удаа яриа хийдэг байсан. Хүүхдийн холбоонд ч ялгаагүй. Олон<br />
жилийн турш тархийг чинь утаана. Ихэнх тохиолдолд үр дүнгээ өгдөг гэж хэлмээр байна.<br />
Мэдээж хэрэг хэлэхэд хэцүү л дээ, хүмүүс хоёр нүүртэй амьтад болохоор..”<br />
Тэрээр энэ асуудлыг дуртайяа ярьж байна. Жулия бүх юмыг өөрийнхөө бэлгийн дуршилтай<br />
холбон авч үздэг юм. Энэ сэдвийг хөндөж эхлэхэд л түүний үнэлэлт их гярхай байдаг. Тэрээр<br />
Смитийг бодвол Намын номлож буй бэлгийн цэвэр ариун байддын утга учрыг ойлгожээ.<br />
Бэлгийн дуршил нь Намд үл захирагдах өөрийн ертөнцийг бий болгодог тул түүнийг үгүй<br />
хийх ёстой гэдэгт хамаг учир байгаа юм. Бэлгийн шунал нь солиорол үүсгэдэг бөгөөд үүнийг<br />
дайны хийрхэл ба жолоодогчийг шүтэх хийрхэл болгож хувиргах нь улам чухал юм. Жулия<br />
ингэж тайлбарлалаа.<br />
“Чи хүнтэй унтахдаа эрч хүчээ зарцуулж байна, дараа нь чи баяр баясгалантай болоод юу ч эс<br />
тооно. Тэд чамайг ийм баяр баясгалантай байхыг тэсвэрлэж чадахгүй. Тэд чиний биед<br />
үргэлж эрч хүч буцалж байхыг хүсч байна. Энэ бүх жагсаал цуглаан, лоозон хашгирах, туг<br />
далбаа мандуулах энэ бүхэн бол бэлгийн дуршил унтарсных юм. Чи хэрвээ өөрөө аз<br />
жаргалтай юм бол Их Ах, гурван жилийн төлөвлөгөө, Үзэн ядах хоёр минут болон бусад<br />
жигшүүрт дэмий юманд сэтгэлээ хөдөлгөж байхын хэрэг юу байна вэ?”<br />
Смит энэ бүхэн үнэн дээ гэж бодож байлаа. Бэлгийн цээрлэл ба улс төрийн тууштай<br />
баримтлал хоёрын хооронд шууд нягт холбоо байна. Ямар нэг хүчирхэг зөнг хав дарж<br />
шатахуун болгож хэрэглэхгүйгээр үзэн ядалт, айдас, мухар сүсэглэлийг хэрхэн өөрт хэрэгтэй<br />
хэмжээнд хүртэл дэвэргэж чадах юм бэ? Бэлгийн дуршил Намд аюултай, Нам түүнийг<br />
өөртөө үйлчилдэг болгосон юм. Эх эцгийн зөн бэлгийн хувьд мөн ийм бач хэрэглэсэн болно.<br />
Гэр бүлийг үгүй хийж болохгүй, урьдын байсан үр хүүхэддээ хайртай байх ёсыг хадгалж<br />
үлдсэн. Хүүхдүүдийг эцэг эхийнх нь эсрэг байнга хандуулдаг, эцэг эхээ араас нь тагнах, буруу<br />
үйлдэл бүрий нь талаар мэдээлэхэд сургадаг юм. Үнэн хэрэг дээрээ гэр бүл нь Сэтгэхүйн