1984
Create successful ePaper yourself
Turn your PDF publications into a flip-book with our unique Google optimized e-Paper software.
төрийн шинэ онол шатлан захирах ёс болон хатуу дэг журамд эргэж орохыг уриалж байсан.<br />
Ойролцоогоор 1930-аад он гэхэд бий болсон үзэл боддын нийтлэг хатуу баримтлалын дагуу<br />
аль эрт мартагдсан (зарим нь зуу гаруй жилийн өмнө) зуршилууд болох шүүхийн<br />
шийдвэргүйгээр шоронд хорих, цэргийн олзлогдогсдын боолын хөдөлмөр, олон нийтийн<br />
өмнө цаазаар авах, хэрэг хүлээлгэхийн тулд эрүү шүүлт явуулах, хүн барьцаалах, бүхэл бүтэн<br />
ард түмнийг шилжүүлэн нүүлгэх зэрэг нь сэргэсэн юм. Тэр ч байтугай өөрсдийгөө гэгээрсэн,<br />
дэвшилт үзэлтэй гэж үздэг хүмүүс хүртэл эдгээрийг тэвчин тэсвэрлэж зөвтгөдөг болсон юм.<br />
Дайн дажин, иргэний дайн, хувьсгал болон хувьсгалын эсрэг хөдөлгөөнөөр дүүрэн арван<br />
жилийн дараа л дэлхийн өнцөг булан бүрд Ангсоц, түүнтэй өрсөлдөгч улс төрийн онол үүсч<br />
бүрэлдсэн болно. Энэ бүхний өмнө өнгөрсөн зууны эхэнд үүссэн ерөнхийд нь нэг намын гэж<br />
нэрлэдэг улс төрийн тогтолцоо үүсэж бий болсон бөгөөд зонхилж байсан эмх замбараагүй<br />
байдлаас үүсэж бий болох шинэ дэлхийн дүр зураг аль эрт тов тодорхой байсан юм. Энэ<br />
дэлхийг ямар хүмүүс удирдах нь ч мөн тов тодорхой болсон. Төрийн албан хаагчид,<br />
эрдэмтэд, мэргэжилтнүүд, үйлдвэрчний байгууллагын зохион байгуулагчид, зар<br />
сурталчилгааны шинжээчид, социологичид, багш нар болон мэргэжлийн улс төрчид шинээр<br />
үүссэн язгууртны давхаргыг бүрэлдүүлсэн болно. Цалинжсан дундад анги болон ажилчин<br />
ангийн дээд давхаргаас гаралтай эдгээр хүмүүс нь монопольт аж үйлдвэр ба төвлөрсөн эрх<br />
мэдлийн үнэ цэнэгүй хүрээллийг бүрэлдүүлсэн юм. Тэдгээр хүмүүсийг өнгөрсөн зуунуудын<br />
ижил бүлгүүдийн хүмүүстэй харьцуулах юм бол тэд нар арай бага шуналтай, тансаглалд их<br />
дуртай биш боловч эрх мэдэл олж авахыг л хөөцөлддөг, хамгийн гол нь сөрөг хүчнээ дарах<br />
хатуу эрмэлзэлтэй ба түүнийгээ шургуу хийдэгт оршино. Энэхүү ялгаа нь шийдвэрлэх ач<br />
холбогдолтой байсан. Өнгөрсөн үеийн харгис дэглэмүүдийг одоо байгаа дэглэмүүдтэй<br />
харьцуулж үзэх юм бол тэдгээр нь шийдвэр төгс бус бөгөөд үр дүн муутай байжээ. Эрх<br />
баригч бүлэглэлүүд нь үргэлж ямар нэг хэмжээгээр либераль үзэл бодолтой байсан ба газар<br />
сайгүй нөхцөл байдлыг сул тавьж зөвхөн илт үйл ажиллагааг л авч үздэг бөгөөд харьяат нар<br />
нь юу бодож буйг сонирхдоггүй байжээ. Өнөөдрийн жишгээр бол Дундад Зууны католик сүм<br />
хийд ч хүлээцтэй байсан юм. Үүний нэг шалтгаан нь өнгөрсөн үед ямар ч засгийн газарт<br />
иргэдээ байнга мөрдөж мөшгөж байх эрх мэдэл байгаагүйд оршино. Хэвлэлийг зохион<br />
бүтээснээр олон нийтийн санал боддыг жолоодоход улам хялбар болсон, радио, телевиз<br />
үүссэнээр энэ чиглэлд улам их ахиц гарсан. Телевизийн техник хөгжиж нэвтрүүлгийг нэг<br />
аппаратаар хүлээн авч дамжуулдаг болсноор хувийн амьдралын нууц үгүй болов. Иргэн<br />
бүрийг, юутай ч гэсэн ажиглалтад авах ёстой ач холбогдол бүхий иргэн бүрийг цагдаагийн<br />
ажиглалт хяналтад бүтэн хоногоор авч болох ба холбооны бусад хэрэгслийг хааж байгаад<br />
тэднийг албан ёсны суртал ухуулгаар бөмбөгдөж болох болжээ. Төрийн хүсэл зоригт бүхнийг<br />
бүрэн нийцүүлэх боломж гараад зогсохгүй бүх асуудлаар үзэл бодол нэг байлгах боломж анх<br />
удаагаа бий болжээ.<br />
Тавь, жараад оны хувьсгалт үеийн дараагаар нийгэм нь дахиад л Дээдчүүл, Дундчуул,<br />
Доодчуулд хуваагдлаа. Шинээр үүссэн Дээдчүүлийнхний урьдах бүх дээдчүүлийнхнээс<br />
ялгаатай нь тэд нар үйл ажиллагаагаа зөнгөөр биш өөрсдийн байр суурийг хамгаалахад<br />
шаардлагатай зүйлийг хийсэнд оршино. Олигархийн бат бэх суурь нь хамтын зарчим гэдгийг<br />
аль хэдийнээ ухаарсан юм. Эд баялаг, давуу эрхийг хамтдаа эзэмшиж байгаа цагт тэдгээрийг<br />
хамгийн амархан хамгаалж болно. Энэ зууны дундуур хэрэгжүүлсэн “хувийн эд хөрөнгийг<br />
халах” гэдэг нь үнэн хэрэг дээрээ урьд байснаас хамаагүй цөөн хүний гарт эд хөрөнгийг