1984
Create successful ePaper yourself
Turn your PDF publications into a flip-book with our unique Google optimized e-Paper software.
үеийн томоохон дайн гарахад ямар нэг хэмжээгээр нөлөөлсөн учир шаптгааныг өнөөдөр<br />
хүлээн зөвшөөрснөөс гадна зонхилох удирдамж болгосон байна.<br />
Орчин үеийн дайны мөн чанарыг ойлгохын тулд хэдэн жил тутамд дахин бүлэглэх болдог ч<br />
гэсэн энэ нь дандаа л нэг дайн байдаг. Энэ дайн хэзээ ч эцсийн дайн биш гэдгийг юуны<br />
түрүүнд ухаарах хэрэгтэй юм. Хоёр гүрнийх нь арми нэгдлээ ч аль нэг гуравдахь гүрнээ<br />
эзэлж чаддаггүй юм. Тэдний хүч чадал дэндүү тэнцүү бөгөөд батлан хамгаалалтын<br />
байгалийн чадавхи нь барагдашгүй. Евразийн Гүрнийг өргөн уудам газар нутаг нь, Далайн<br />
Гүрнийг Атлантын болон Номхон дөлгөөн далай нь, Дорнодазийн Гүрнийг түүний оршин<br />
суугчдынх нь хурдан өсөлт, хичээл зүтгэл нь хамгаалж байдаг юм. Үүнээс гадна эд баялгийн<br />
хувьд тэмцэлдээд байх юм нэгэнт байхгүй болсон байна. Өөрөө өөрийгөө хангадаг эдийн<br />
засгийн систем бий болсноор, өнгөрсөн дайнуудын гол шалтгаан болох зах зээлийн төлөөх<br />
тэмцэл, түүхий эдийн төлөөх өрсөлдөөн амин чухал ач холбогдлоо алдсан байна.<br />
Хэт их гүрэн тус бүрийн нутаг дэвсгэр нь асар том тул хэрэгцээтэй түүхий эдээ өөрийнхөө<br />
нутаг дэвсгэрээс олж авдаг байна. Дайны эдийн засгийн зорилтын тухайд гэх юм бол энэ<br />
дайн нь ажиллах хүчний төлөөх дайн юм. Хэт их гүрнүүдийн хил хязгаарын дунд аль нэг<br />
гүрэн байнга эзэмшдэггүй Танжир, Браззавилл, Дарвин болон Хонконг гэсэн оройтой тэгш<br />
бус дөрвөлжин нутаг дэвсгэр бий бөгөөд энд Дэлхийн хүн амын тавны нэг орчим нь оршин<br />
сууж байна. Гурван гүрэн хүн ам шигүү суурыисан эдгээр нутаг дэвсгэр, мөн Арктикийн<br />
мөсөн хучлагыг эзэмших гэж байнга тэмцэл явуулж байдаг юм. Тэдгээрийн зарим хэсэг нь<br />
нэг гүрний мэдлээс нөгөө гүрний мэдэлд үргэлж шилжиж байдаг. Итгэл алдуулан гэнэт<br />
довтолж аль нэг хэсгийг булаан авах боломж нь түншээ байнга солих шаардлагыг бий<br />
болгодог байна.<br />
Маргаантай бүх газар нутаг чухал эрдсийн баялагтай бөгөөд зарим нутагт каучук мэт хүйтэн<br />
уур амьсгалтай оронд харьцангуй өндөр үнэтэй, боловсруулалт хийж химийн аргаар<br />
үйлдвэрлэдэг ургамлын үнэ цэнтэй бүтээгдэхүүн үйлдвэрлэж байна. Эдгээр нутаг дэвсгэрт<br />
хэмжээлшгүй их хямд ажиллах хүч байгаа нь их чухал юм. Экваторын Африк, аль эсвэл<br />
Ойрхи Дорнод ч юм уу, Индонезийн олтригийг булаан эзэлсэн аль нэгэн гүрэн хэдэн зуун сая<br />
үнэгүй гэж хэлж болох ажиллах хүчтэй болно. Их бага хэмжээгээр илэрхий боолчлолын<br />
байдалд байгаа эдгээр нутаг дэвсгэрийн хүн ам нэг түрэмгийлэн эзэмшигчийн мэдлээс нөгөө<br />
түрэмгийлэн эзэмшигчийн мэдэлд тасралтгүй шилжиж байдаг ба тэднийг улам их зэр зэвсэг<br />
үйлдвэрлэх, улам их газар нутаг булаан авах, улам их ажиллах хүч олж авах гэж улайран<br />
нүүрс, газрын тос шиг зогсоо зайгүй зарцуулдаг юм. Байлдааны ажиллагаа гол төлөв<br />
маргаантай газар нутгийн зах хязгаар нутагт явагддаг болохыг тэмдэглэх нь зүйтэй. Евразийн<br />
Гүрний зах хязгаар Конго ба Газрын Дундад тэнгисийн хойт эргийн хооронд нааш цааш<br />
шилжиж байдаг, Энэтхэгийн далай, Номхон дөлгөөн далайн арлуудыг нэг мэдэхэд Далайн<br />
Гүрэн, нэг мэдэхэд Дорнодазийн Гүрэн эзэлчихсэн байдаг, Евразийн Гүрэн ба Дорнодазийн<br />
Гүрний Монголын нутгаар гарах хил нь тогтворгүй, Арктикт ихэнх нь хүн ам суурьшаагүй,<br />
суддагдаагүй асар уудам нутгийг Гурван Гүрэн булаацалдаж байдаг. Харин ойролцоогоор<br />
тэнцүү хүчний харьцаа байнга хадгалагдаж ирсэн бөгөөд хэт их гүрэн бүрийн голомт газар<br />
нь халдашгүй байдаг. Үүнээс гадна дэлхийн эдийн засагт гол нь халуун оронд мөлжиж буй<br />
ажиллах хүч хэрэггүй юм. Тэнд үйлдвэрлэж буй бүх юм дайнд, шинээр хийх дайнд байр<br />
сууриа бэлтгэхэд зориулагддаг тул тэр нь дэлхийг юугаар ч баяжуулдаггүй болно. Эдгээр орон