1984
You also want an ePaper? Increase the reach of your titles
YUMPU automatically turns print PDFs into web optimized ePapers that Google loves.
IX<br />
Смит ядраад царцанги болжээ. Царцанги гэдэг бол яг оносон үг. Энэ үг түүний толгойд гэв<br />
гэнэт орж ирсэн юм. Бүх бие нь царцанги юм шиг сулаар зогсохгүй хагас тунгалаг<br />
болчихжээ. Тэрээр гараа дээш нь өргөх юм бол түүгээр гэрэл нэвтрэх юм шиг санагдана.<br />
Ажлын хэнээрхэл биенээс нь бүх цус, шингэний нь шавхаад зөвхөн мэдрэл, яс, арьс<br />
үлдээжээ. Бүх мэдрэмж нь туйлдаа хүртэл хурцаджээ. Баадай нь мөр үрж, явган зам хөлийнх<br />
нь улыг гижигдэж гараа зангидахад нь бүх үе мөч нь шажигнадаг болжээ.<br />
Тэрээр долоо хоногт ер гаруй цаг ажиллажээ. Яамны ажилчид мөн л ингэж ажшшасан.<br />
Одоохондоо энэ бүх юм дуусаж маргааш хүртэл үнэндээ түүнд хийх ажил байхгүй, маргааш<br />
хүртэл ямар ч Намын ажил байхгүй аж. Тэрээр зургаан цагийг нууц байрандаа, дахиад есөн<br />
цагийг орондоо өнгөрөөж болох аж. Тэрээр зуны оройн жаргаж буй нар гарч байхад эргүүл<br />
байна уу гэж эргэн тойрноо харсаар дотроо хэн ч түүнийг зогсоохгүй гэдэгт итгэн шавар<br />
шавхайтай гудамжаар ноён Чаррингтоны мухлаг руу алхаж явлаа. Хүнд цүнх нь алхам тутамд<br />
нь өвдгий нь цохиж бүх хөлий нь доргиож байна. Цүнхэн дотор нь нөгөөх ном бий, зургаа<br />
дахь өдрөө тэнд тэр нот байгаа бөгөөд түүнд номоо нээж үзэх нь байтугай гаргаж харах ч зав<br />
гараагүй юм.<br />
Сүрт жагсаал, үг хэлэх, орилолдоон хашгиралдаан, нийтээр дуу дуулах, уриа лоозон<br />
хашгирах, зурагт хуудас гаргах, кино үзүүлэх, лаван сатга хийх, бөмбөрийн нижигнээн, бүрээ<br />
бишгүүрийн дуу, цэрэг эрийн маршаар алхах алхаа, танкны гинжний пичигнээн, байлдааны<br />
нисэх онгоц болон их бууны бууддагын чих дүлийрэм дуу зэргийн дараагаар Евразийн<br />
Гүрний цэргийн хоёр мянган олзлогдогсодыг энэ арга хэмжээний сүүлчийн арга хэмжээ<br />
болгож олон нийтийн өмнө дүүжлэх үеэр, Үзэн ядалт дээд цэгтээ хүрсэн бүх нийтийн<br />
хийрхэлийн үеэр олзлогдогсод бөөн хүмүүсийн дунд орох юм бол тэднийг уе мөчөөр нь<br />
тасдаж хаях байсан чухамхуу тэр өдөр буюу Үзэн ядах долоо хоногийн зургаа дахь өдөр<br />
Далайн Гүрэн Евразийн Гүрэнтэй бус Дорнодазийн Гүрэнтэй дайтаж байна гэж зарлалаа.<br />
Дорнодазийн Гүрэнтэй дайтаж байна, Евразийн Гүрэн бол холбоотон мөн.<br />
Ямар нэг өөрчлөлт гарсан гэх ямар ч юм ажиглагдсангүй. Дайсан бол Евразийн Гүрэн биш<br />
Дорнодазийн Гүрэн гэдэг нь гэв гэнэт хаа сайгүй илэрхий боллоо. Энэ мэдээ гарах үед Смит<br />
Лондоны нэгэн төв талбайд жагсаалд оролцож явлаа. Үдэш болчихсон, гэрэлтүүлэгчийн хурц<br />
гэрэл хүмүүсийн цайвар цагаан нүүр, час улаан туг далбаан дээр тусаж байна. Талбайд хэдэн<br />
мянган хүн цугларчихсан тэдний дотор тагнуулчдын дүрэмт хувцастай мянга орчим<br />
сургуулийн сурагчид оролцож байв. Час улаан даавуугаар бүрсэн индэр дээр туранхай<br />
биетэй, хэт урт гартай, хэдхэн өрвийсөн үстэй хав халзан толгойтой Дотуур Намын гишүүн<br />
эр үг хэлж байна. Жижигхэн эр үзэн ядалтдаа улайран нэг гараараа микрофоны ишийг<br />
муруйтал атгаж нөгөө ясархаг гараа толгой дээгүүрээ сүрдүүлэн зангаж байна. Мань хүн<br />
хахир хоолойгоор хязгааргүй их зэрлэг үйлдэл, хүйс тэмтрэх ажиллагаа, бүхэл бүтэн ард<br />
түмний нүүлгэн шилжүүлэлт, дээрэм тонуул, хүч хэрэглэх, дайны олзлогдогсдын тарчлаан<br />
тамлалт, энгийн хүн амыг бөмдөгдөж хөнөөсөн, санаанаасаа зохион явуулж буй суртал<br />
ухуулга, эрээ цээргүй түрэмгийлэл, гэрээ хэлэлцээрийг зөрчиж буй тухай дуу<br />
чангаруулагчаар аль байдгаараа орилно.
Change language