1984
Create successful ePaper yourself
Turn your PDF publications into a flip-book with our unique Google optimized e-Paper software.
VII<br />
Найдвар байдаг бол тэр нь үгээгүйчүүдэд л байна гэж Смит бичлээ.<br />
Найдвар гэж байдаг л юм бол тэр нь Далайн Гүрний хүн амын 85 хувь болох багширсан үй<br />
олон үгээгүйчүүдэд л байна. Энд л Намыг устгаж чадах хүч үүснэ. Намыг дотроос нь унагаж<br />
болохгүй. Намын дайснууд, түүнд дайсан гэж байдаг л юм бол, хоорондоо нэгдэх нь байтугай<br />
бие биеэ ч мэддэггүй юм. Домогт Ах дүүгийн Барилдлага байдаг бол, байдгийг үгүйсгэх арга<br />
байхгүй, тэр байгууллагын гишүүд хоёр, гурваас олноороо цугларна гэж бодохын ч хэрэг<br />
байхгүй. Тэдний тэмцэл гэдэг нь нүдний харц, хоолойны дууны өнгө. Хамгийн хүчтэй нь л<br />
гэхэд шивнээ үг байдаг. Үгээгүйчуүд өөрийнхөө хүчийг ухааран ойлгодогсон бол тэдэнд<br />
хуйвалдаан байгуулах ч хэрэг байхгүй. Тэд эмээлээ авч хаяж буй догшин морь шиг булгихад л<br />
хангалттай юм. Тэд хүсэх л юм бол маргааш гэхэд л Намыг бут ниргэнэ. Тэд хэзээ нэгэн цагт<br />
үүнийг ойлгох л болно. Гэхдээ!...<br />
Тэрээр нэг өдөр хөл хөдөлгөөнтэй гудамжаар явж байтал мухар гудамжнаас олон<br />
эмэгтэйчүүдийн орилох, бахирах, уйлах дуу гарч байлаа. Сүмийн хонхны дуу шиг хүчтэй уур<br />
хилэн, цөхрөлийн «Хөөе, хөөе ээ!» гэсэн дуу тасралтгүй хүнгэнэлээ. Смитийн зүрх хүчтэй<br />
цохиллоо. Эхэлчихжээ! Бослого гарчээ! гэж тэрээр бодов. Ашгүй дээ, тэд бослого гаргажээ!<br />
Тэрээр ойртож очоод харлаа. хоёр, гурван зуун эмэгтэйчүүд захын мухлагийн үүдний өмнө<br />
бөөгнөрөлдөөд царай нь живж байгаа усан онгоцны зорчигчдынх лугаа адил эмгэнэлтэй<br />
харагдана. Смитийг харж байтал нөгөөх<br />
цөхрөлөө барсан хүмүүс нь хоёр гурваараа хуваагдаад маргалдаж эхлэв. Нэг мухлагт нь сав<br />
суулга худалдаж байсан бололтой юм. Тэр нь муухай хийцтэй, хэврэг төмөр сав шүү, гал<br />
тогооны сав суулга олж авахад ер нь амаргүй байдаг. Тэгээд одоо нөгөөх сав суулга нь<br />
дуусчихлаа.<br />
Азтай худалдан авагчид нь сав суулгаа тэврээд олны дундуур чихцэлдэн явж байхад хоосон<br />
хоцорсон хүмүүс нь мухлагийн үүд шавж мухлагийн худалдагчийг танил талдаа юм зарлаа,<br />
хагасыг нь цааш нь хийчихлээ гэж зэмлэнэ. Хоёр бүдүүн эмэгтэй, нэгнийх нь үс гэзэг задгай,<br />
хоолны төмөр сав хоёр тийш нь татаж булаацалдан бөөн шуугиан дахин дэгдпээ.<br />
Булаацапдсаар байтал савны бариул ч хугарчихлаа. Смит энэ бүхнийг зэвүүцэн харж байв.<br />
Энэ хоёр, гурван зуун хүний хашгирах дуунд ямар их аюумшигтай хүч байна вэ! Эд нар<br />
яахлаараа ер нь ямарваа чухал юмны төлөө ингэж хашгирдаггүй юм бэ!<br />
Тэрээр бичиж байна.<br />
Тэд нар ухамсартай болоогүй цагт хэзээ ч босохгүй, босохгүй бол ухамсартай болохгүй.<br />
Намын сурах бичгээс шууд авчихсан юм шиг хэллэг боллоо гэж Смит бодов. Нам<br />
үгээгүйчүүдийг гинжнээс нь чөлөөлсөн гэж нотолдог. Тэднийг хөрөнгөтнүүд хувьсгалаас<br />
өмнө хоол унд өгөхгүй, зодож тарчлааж, эмэгтэйчүүдийг уурхайд ажиллуулж (дашрамд<br />
хэлэхэд тэд нар одоо ч уурхайд ажиллаж байгаа) хүүхдүүдийг зургаан настайгаас нь үйлдвэрт<br />
худалдаж аймшигтай дарлаж мөлжиж байсан. Үүний зэрэгцээ Нам хоёрсэтгэх зарчмынхаа<br />
дагуу үгээгүйчүүд нь заяаны дорд язгуурын хүмүүс мөн бөгөөд тэднийг цөөн хэдэн