1984
Create successful ePaper yourself
Turn your PDF publications into a flip-book with our unique Google optimized e-Paper software.
хөнтөрчихөөд Жулия суудлаасаа бослоо. Обрайен ханын шүүгээний татуурганаас цагаан<br />
өнгөтэй шахмал гаргаадЖулияд хэлэн дороо тавиарай гэж өгөв.<br />
“Дарс үнэртүүлж болохгүй. Цахилгаан шатны жижүүрүүд их ажигламтгай шүү”<br />
Тэрээр Жулиягийн араас хаалга хаагдмагц түүнийг ор тас мартчих шиг болоод хоёр гурав<br />
алхсанаа зогсов.<br />
“Нарийн ширийн юмаа тохиролцох хэрэгтэй байна. Чамд ямар нэг нуугдах газар байгаа гэж<br />
таамаглаж байна, тийм биз дээ?” Смит ноён Чаррингтоны мухлагийн дээр өрөө бий гэдгээ<br />
хэлэв.<br />
“Эхэн үед тэр чинь болно. Бид дараа нь чамайг өөр газар байрлуулна. Нуугдах газрыг үе үе<br />
сольж байх хэрэгтэй. Одоохондоо чамд нотыг аль болохоор хурдан хүргүүлэхийг хичээе”<br />
Смит Обрайен хүртэл энэ үгийг цохолттой хэлж байгааг анзаарлаа. “Голдштейний номыг<br />
хэлж байгааг ойлгож байгаа биз дээ. Аль болохоор хурдан хүргүүлье. Надад энэ ном хэд<br />
хоногийн дараа л олдох байх. Бэлэн хувь ховор гэдгийг мэдэж байгаа биз ээ. Сэтгэхүйн Цагдаа<br />
номыг хайж байдаг, олонгуутаа бидний хэвлэж байгаа шиг хурдан устгачихдаг юм. Гэхдээ энэ<br />
бол ач холбогдол бага зүйл. Номыг устгаж чадахгүй. Номын хамгийн сүүлчийн хувийг<br />
устгалаа ч гэсэн бид түүнийг үг үсгээр нь сэргээж чадна. Та ажилдаа цүнхтэй явдаг уу?”<br />
“Ер нь бол тэгдэг”<br />
“Ямар цүнх вэ?”<br />
“Хар өнгөтэй. Их хуучирсан. Хоёр цоожтой”<br />
“Хар өнгөтэй. Хоёр цоожтой. Иххуучнн.. За ойлголоо. Ойрын хэд хоногт, яг өдрий нь хэлж<br />
мэдэхгүй байна. Өглөөгүүр хүлээж авдаг даалгавар дотор чинь буруу бичсэн үг дайралдана,<br />
түүнийг давтаж өгөхийг шаардаарай. Дараагийн өдөр нь ажилдаа цүнхгүй яваарай. Тэр өдөр<br />
гудамжинд нэг хүн гараас чинь татаад «Та цүнхээ унагачих шиг боллоо» гэж хэлнэ. Тэр хүн<br />
Голдштейний номтой цүнхийг чамд өгнө. Чи яг хоёр долоо хоногийн дараа номыг эргүүлж<br />
өгөөрэй”<br />
Тэд чив чимээгүй болцгоов.<br />
“Явахад гурван минут үлдлээ. Бид дахиад уулзана... уулзах юм бол..”<br />
Смит түүний нүд рүү харж байна.<br />
“Гэрэл гэгээтэй нэг газарт” гэж тэрээр итгэл муутайхан хэллээ.<br />
Обрайен огт гайхалгүй толгойгоо дохив.<br />
“Гэрэл гэгээтэй нэг газарт” гэж тэрээр өөрт нь ойлгомжтой далд санааг ойлгосон юм шиг<br />
давтаж хэллээ. “Одоохондоо, явахын өмнө өөр хэлэх юм байна уу? Хүсэлт байна уу? Асуулт?”