1984
You also want an ePaper? Increase the reach of your titles
YUMPU automatically turns print PDFs into web optimized ePapers that Google loves.
VIII<br />
Бүтлээ. Одоо л нэг бүтлээ!<br />
Тэд нар жигдхэн гэрэлтүүлэгтэй урт өрөөнд зогсож байна. Теледэлгэцийн дууг намсгажээ,<br />
гүн хөх хивсэн дээгүүр явахад хамба хилэн дээгүүр алхах шиг санагдуулна. Өрөөний холын<br />
буланд Обрайен ширээний ард овоолоотой цаасан дунд сууж байна. Зарц нь Жулия, Смит<br />
хоёрыг өрөөнд дагуулж оруулахад тэрээр толгойгоо ч өндийлгөсөнгүй.<br />
Смитийн зүрх нь хүчтэй цохилж ярьж чадах болов уу гэж өөртөө эргэлзэж байна. Бид чадлаа,<br />
одоо л чаддаа гэж л тэрээр бодно. Ер нь энд ирэх нь хуумгай явдал, хоёулаа ирэх нь тэнэг<br />
хэрэг байчаа, тэр хоёр өөр өөр замаар ирж Обрайены үүдний дэргэд уулзсан ч гэсэн. Гэхдээ л<br />
ийм байшинд орж ирэхэд их зүрх гаргах хэрэгтэй байсан юм. Хэн нэгэн маш ховор<br />
тохиолдолд Дотуур Намын гишүүний суудаг байрны дотор талыг үздэг буюу тэдний оршин<br />
суудаг дүүрэгт ордог юм. Орон сууцны том байшингууд, тэдгээрийн тансаг сүрлэг дүр төрх,<br />
сайхан хоол, тамхины үнэр танар, дуу чимээгүй хурдан цахилгаан шат, цав цагаан хүрэмтэй<br />
ажилч хичээнгүй зарц нарын нааш цааш гүйлдэх, энэ бүхнээс эмээх сэтгэл төрнө. Смитэд<br />
энд ирэх сайхан шалтаг байсан ч гэсэн тэрээр алхам тутамдаа дүрэмт хар хувцастай харуул<br />
гэнэт гарч ирээд баримт бичгийг нь шалгаад хөөж гаргах вий гэсэн айдас төрж байлаа. Харин<br />
Обрайены зарц тэр хоёрыг ямар ч саадгүй оруулжээ. Зарц нь цагаан хүрэмтэй жижигхэн<br />
биетэй, хар үстэй, хүйтэн царайтай, лав хятад хүн бололтой аж. Тэрээр Жулия, Смит хоёрыг<br />
зөөлөн хивстэй, зузаан цаасалсан цэв цэвэрхэн ханатай хонгилоор дагуулан явсан бөгөөд энэ<br />
бүхэнд тэд мөн л эмээж байсан. Хүний бие шүргэснээс хар толбо суугаагүй ийм цэвэрхэн<br />
хана үзсэнээ Смит санахгүй байлаа.<br />
Обрайен гартаа хуудас цаас барьчихсан их л хичээнгүй судалж байх шиг харагддаа. Тэрээр<br />
буруулан суух тул нүүр нь бүхэлдээ харагдахгүй зөвхөн хамрынх нь үзүүр харагдах нь тэрээр<br />
догшин бөгөөд ухаалаг юм шиг байна. Тэрээр хэдэн хором үл хөдлөн сууснаа үгбичигчээ өөр<br />
рүүгээ ойртуулаад Яамны этгээд үг хэллэгээр уншиж гарлаа.<br />
“Нэгдүгээр зүйл таслал тавдахь таслал долоог батлах таслал зургадугаар зүйлийн<br />
талаархи саналд нэмэхнэмэх сэтгэхүйнгэмийн ирмэг дэх дэмий юм цэг суурь машин<br />
үйлдвэрлэлийн төлөвлөгөө давуулан биелуулэлтийн нэмэх тоог хулээн автал оновчтой<br />
үргэлжлүүлэхгүй байх цэг даалгавар дуусав"<br />
Тэрээр суудлаасаа босоод зөөлөн хивс дээгүүр алхсаар Жулия, Смит хоёр руу чиглэн ирлээ.<br />
Жаахан албархаг байдал нь Шинхэлийн үгтэй хамт арилах шиг болсон ч гэсэн ажилд нь саад<br />
болсонд дургүй байгаа бололтой царай нь жаахан баргар харагдана. Смит айж эмээхийн<br />
хажуугаар мэгдэн сандарч байлаа. Түүнд ерөөсөө тэнэг алдаа хийсэн байж болзошгүй юм<br />
гэсэн бодол төрж байна.<br />
Обрайен улс төрийн хуйвалдаанд оролцогч гэсэн ямар үнэн баримт нотолгоо надад байна вэ?<br />
Нүдний хоромхон харц, учир нь сайн олдохгүй үг ярианаас өөр юу ч байхгүй, бусад нь далд<br />
хоосон зүүдэндээ тулгуурласан мөрөөдөл л байна. Тэрээр толь бичиг авах гэж ирсэн хэмээн<br />
өөрийгөө зөвтгөх ч арга алга, тийм юм бол Жулия яах гэж энд ирсэн билээ? Обрайен