1984
Create successful ePaper yourself
Turn your PDF publications into a flip-book with our unique Google optimized e-Paper software.
“Үйлдэл бол зүгээр байснаас дээр гэж боддогтоо л харамсаж байна. Бид энэ тоглоомондоо<br />
хожиж чадахгүй. Зарим нэг бүтэлгүйдэл нь бусад бүтэлгүйддээсээ дээр юм, ийм л байна”<br />
Жулия дургүйцэн толгойгоо сэгсрэв. Смитийг иймэрхүү юм ярихад тэрээр санал нийлдэггүй,<br />
хувь хүн дандаа ялагддаг тухай байгалийн хуулийг зөвшөөрдөггүй юм. Тэрээр эрт орой хэзээ<br />
нэгэн цагт Сэтгэхүйн Цагдаа өөрийг нь барьж аваад ална гэдгийг сэтгэлийнхээ гүнд мэдэж<br />
байсан ч гэсэн өөрийн далд ертөнцөд дураараа амьдарч болно гэж итгэдэг байлаа. Ингэж<br />
амьдрахад аз хийморь, заль мэх, эр зориг л хэрэгтэй юм. Тэрээр мөн аз жаргал гэдэг юм<br />
байхгүй, ялалт бол алсын ирээдүйд л ирэх бөгөөд тэр үед миний бие аль хэдийнээ алга<br />
болчихсон байна, чи Намд дайн зарласан тэр цаг үеэс өөрийгөө үхдэл гэж бодсон нь дээр<br />
гэдгийг ойлгодоггүй юм.<br />
“Бид бол хүүр юм” гэж Смит хэллээ.<br />
“Арай ч хүүр болоогүй ээ”гэж Жулия түүний үгийг засаж хэллээ.<br />
“Бие мах бодиороо биш л дээ. Хагас жилийн ч юм уу, жилийн дараа... таван жилийн дараа<br />
гэж бодьё л доо. Би үхэхээс айдаг. Чи залуу болохоор надаас илүү айдаг байж таарна. Бид<br />
мэдээж үхлийн цагийг аль болохоор хойшлуулахыг хичээнэ. Тэхдээ ямар ч ялгаа байхгүй. Хүн<br />
хүнээрээ байгаа цагт амьд явах, үхэх хоёр бол адилхан юм”<br />
-“Пөөх яасан дэмий юм ярьдаг юм бэ. Чи хэнтэй унтмаар байна вэ, надтай юу аль эсвэл араг<br />
ястай юу? Чи амьд байгаадаа баярлахгүй байна уу? Чамд энэ бүх юмыг мэдрэхэд аятайхан бус<br />
байна уу. би байна, энэ миний гар, миний хөл, би явж байна, би амьсгалж байна, би амьд<br />
байна! Энэ чамд таалагдахгүй байна уу?” Жулия эргээд цээжээрээ түүнд наалдлаа. Тэрээр<br />
бүсгүйн том, хатуу хөх баадай нэвт шүргэж байгааг мэдэрч түүний бүх биед бүсгүйн залуу<br />
нас, эрч хүч гүйж байх шиг байлаа.<br />
-“Энэ бүхэн надад таалагдаж байна”.<br />
-“За тэгвэл үхлийн тухай ярихаа болиорой. Одоо чи сонсож бай, дараагийнхаа уулзалтын<br />
талаар тохиролцьё. Нөгөөх ой дахь газар луугаа очиж болох юм. Тэнд очилгүй нилээд уддаа.<br />
Чи харин өөр замаар явах хэрэгтэй. Би бүх юмыг бодчихсон. Галт тэргэнд суугаад... За<br />
жаахан хүлээж бай, би чамд зураад өгье”<br />
Тэрээр гишүү авч хэзээний ажил хэрэгч байдлаар шалны шороон дээр зураг зурж гарлаа.