1984
Create successful ePaper yourself
Turn your PDF publications into a flip-book with our unique Google optimized e-Paper software.
IV<br />
Смит ноён Чаррингтоны мухлагийн дээд талын нооронхой өрөөг харж зогсоно. Цонхны дор<br />
шалдан тэнгэлэгтэй том орыг уранхай бүтээлгээр хучиж засчээ. Задгай зуухан дээр арван<br />
хоёр тоотой хуучны цаг цохилж байна. Өрөөний булан дахь эвхдэг ширээн дээр түүний<br />
авчирсан бөөрөнхий шил гялалзана.<br />
Задгай зуух дотор ноён Чаррингтоны өгсөн хуучин керосин халаагуур, хувин, хоёр аяга байна.<br />
Смит керосин халаагуурыг асааж дээр нь хувинтай ус тавилаа. Тэрээр бүтэн дугтуйтай<br />
«Виктори» хэмээх кофе, чихэр орлуулагч авчиржээ. Цаг 19. 20 болж байна, Жулия 19. 30-д<br />
ирэх ёстой.<br />
Тэнэг хэрэг, тэнэг хэрэг! гэж түүний зүрх сэтгэл нь давтаж байна, өөрийгөө баллах цамаан<br />
зан, тэнэг хэрэг! Намын гишүүний үйлдэж болох бүх гэмт хэргээс ийм хэргийг нуухад<br />
хамгийн хэцүү нь юм. Үнэндээ энэ санаа эвхдэг ширээн дээрх бөөрөнхий шил дотор хүсэл<br />
мөрөөдөл болон харагдсан билээ. Түүний төсөөлж байснаар ноён Чаррингтон өрөөгөө ямар<br />
нэг төвөг удалгүй хөлслүүлсэн болно. Тэрээр хэдэн доллар сул олохдоо баяртай байх шиг<br />
байсан. Смит энэ өрөөг нууц амрагтайгаа уулзахад ашиглах юм гэдгийг тэр мэдээд гайхсан ч<br />
үгүй, дургүйцсэн ч үгүй. Ноён Чаррингтон нүд буруулан хараад эелдгээр аар саар юм ярьж<br />
байхдаа үл харагдагч болж хувирах шиг байлаа. Хүн амар амгалан байх нь их чухал шүү гэж<br />
тэрээр ярьж байв. Хүнд үе үе ганцаараа амар амгалан баймаар санагддаг юм. Хүн тийм газар<br />
олоход нь тэрнийг нь мэддэг хүн эелдэг зангаа бодсон ч гэсэн хүнд ярихгүй байх ёстой.<br />
Тэрээр ажиг сураггүй алга болж буй юм шиг сэтгэгдэл төрүүлснээ, байшинд хоёр хаалга бий,<br />
арын хаалгаар нь хашаагаар дамжаад гудамжинд гарч болдог юм гэж ярьжээ.<br />
Хэн нэгэн цонхны дор дуу дуулж байхаар нь Смит мосул даавуун хөшигний ард зогсоод<br />
чагнапаа. Зургадугаар сарын үд дунд болж буй тул нарны гэрэл хурц туссан хашаан дотор<br />
нэгэн Нормандын багана шиг том биетэй, наранд шарласан булчинлаг бугуйтай, хормогчоо<br />
урдуураа бөочихсон хижээл эмэгтэй өлгөөстэй дөрвөлжин цагаан даавуу, түмпэн хоёрын<br />
хооронд алхана. Өлгөөстэй даавуу нь нялх хүүхдийн шээсний цагаан даавуу болохыг Смит<br />
мэдлээ. Тэр эмэгтэй амандаа зуусан хавчуураа дээсэнд хавчуулмагцаа хүчирхэг бүдүүн<br />
хоолойгоор дуулж байлаа.<br />
Сэтгэл зүрхэнд хоногшсон мөрөөдөл минь<br />
Хаврын анхны өдөр шиг алга болжээ<br />
Зүүдэнд минь харагдсан харц, чихэнд дуулдсан уг чинь<br />
Сэтгэл зүрхийг минь сугалчихлаа!<br />
Энэ дуу Лондон хот даяар сүүлийн өдрүүдэд таран түгсэн юм. Хөгжмийн газрын тусгай тасаг<br />
дууны үгийг үгээгүйчүүдэд зориулан маш олноор нь үйлдвэрлэсэн. Үгийг нь хүний<br />
оролцоогүй «шүлэг зохиогч» гэдэг аппаратаар зохиосон юм. Тэр эмэгтэй дууг их аятайхан<br />
дуулах тул чихэнд сонсголонтой аж. Смит эмэгтэйн дуулах, чулуулсан замаар явах түүний<br />
гутлын чимээ, гудамжнаас гарах хүүхэд хашгирах чимээ, холоос сонсдох гудамжны