1984
Create successful ePaper yourself
Turn your PDF publications into a flip-book with our unique Google optimized e-Paper software.
дараа буудуулна гэдгээ мэдэж байна. Бүх юмтай зохицсон, төвөггүй болгосон, эвлэрсэн.<br />
Эргэлзээ, маргаан, шаналал, айдас үгүй болсон. Тэрээр баяр хөөртэй, нартай өдөр сэв сэв<br />
хийн алхаж явна. Тэр Хайрын Яамны цагаан хонгилоор явахаа болиод нэг километр өргөн<br />
нар туссан замаар хар тамхинаас согтуурсан мэт алхаж явна. Тэрээр аз жаргалтай оронд<br />
туулайн мөр гарсан бутан дундуурхи зөрөг замаар алхаж явна. Намалзсан ширэг дээгүүр<br />
алхах бөгөөд нүүр нь нарны туяанд бүлээцнэ. Талбайн нөгөө үзүүрт ургасан хайлаас модны<br />
навч зөөлөн салхинд сэрвэлзэнэ. Түүний цаад талд горхи урсаж удган модны доорхи ногоон<br />
цөөрөмд жараахай бужигнана.<br />
Тэрээр айсандаа орилон сэрлээ. Нуруугаар нь хөлс чийхарч байна. Тэрээр өөрийнхөө<br />
орилохыг сонслоо.<br />
Жулия! Жулия! Жулия, Хайрт минь! Жулия!<br />
Түүнийг дэргэдээ, бие дотор нь байна гэж бодлоо. Бүсгүй биеийнх нь хэсэг болчихсон юм<br />
шиг байна, энэхэн агшинд бүсгүйг хамт эрх чөлөөтэй байсан үеэсээ хамаагүй их хайрлаж<br />
байна. Бүсгүй хаа нэг газар амьд мэнд байгаа, түүнд өөрийнх нь тус дэм хэрэгтэй гэдгийг<br />
мэдэж байлаа.<br />
Дахиад хэвтээд тухтай бодохыг оролддоо. Юу болов оо? Энэхэн хоромд сэтгэлийн хямралд<br />
орсноороо өөрийнхөө энэ боолчлолын хугацааг хичнээн жилээр сунгав аа?<br />
Одоохон хаалганы цаана хуягуудын алхах чимээ гарна. Тэд ийм үйлддийг зүгээр өнгөрөөхгүй.<br />
Тэд одоо хэрвээ урд нь ойлгоогүй бол Смитийг тохиролцсоноо няцлаа гэдгийг ойлгоно.<br />
Тэрээр Намд захирагдаж байгаа боловч түүнийг урьдын адил үзэн ядаж байна, урьд нь<br />
тэрсүү үзэл санаагаа чиг шугамыг баримталж буй дүр үзүүлэн нууж байсан. Одоо нэг алхам<br />
ухарлаа. Оюун ухаандаа буулт хийчихсэн, гэхдээ зүрх сэтгэлээ хөндөлгүй хэвээр хадгалах гэж<br />
байна. Тэр өөрийнхөө бурууг ойлгож байна, буруу юм руугаа зүтгэсээр байна. Тэд энэ<br />
бүхнийг мэднэ, Обрайен ч мэднэ. Нэг удаа тэнэглэн дуу алдаад өөрийгөө илчилчихлээ.<br />
Бүх юмыг бүр эхнээс нь эхлэхээс дээ. Үүнд он жилүүд шаардагдана. Смит бие маань ямар<br />
болсон билээ гэдгээ тов тодорхой мэдэх гэж нүүрээ гарынхаа алгаар тэмтэрлээ. Хацарт нь<br />
гүн үрчлээ сууж хацрынх нь яс овойгоод хамар нь нармигар болжээ. Үүний дээр толинд<br />
өөрийгөө харснаас хойш тэд нар түүнд шинэ шүд хийж өгсөн аж. Нүүр царайгаа ямар байгааг<br />
мэдэхгүй байж учир битүүлэг байхад амаргүй. Ямар ч гэсэн нүүр царайгаа яаж авч явах нь<br />
хангалттай биш юм. Хүн нууцаа гаргахгүй байя гэж байгаа бол түүнийгээ өөрөөсөө ч нуух<br />
хэрэгтэй юм гэдгийг одоо л ухаарлаа. Мэдээжийн хэрэг чи нуух юм байгаа гэдгээ мэдэж байх<br />
ёстой бөгөөд хэрэгцээ гараагүй цагт ухаан санаандаа аль нэг хэлбэрээр ерөөсөө түүнийгээ<br />
нэрлэж гаргах ёсгүй юм. Үүнээс хойш зөвхөн зөв бодоод зогсохгүй, зөв мэдэрч, зөв зүүд үзэх<br />
ёстой. Тэрээр үзэн ядалтаа бие доторхи өөртэй нь холбоогүй уулинхай шиг тас хадгалж байх<br />
ёстой юм.<br />
Тэд нар өөрийг нь хэзээ нэгэн цагт буудаж хороохоор шийднэ. Энэ хэзээ тохиолдохыг мэдэх<br />
арга байхгүй, гэхдээ хэдхэн хормын өмнө тааж лав болох байх. Хонгилоор явж байхад араас<br />
буудна. Арван секунд л хангалттай. Энэ агшинд цээжин доторхи бүх санаа бодол нь хувирч<br />
өөрчлөгднө. Тэрээр үг ч дуугаралгүй, алхаагаа ч алдалгүй, царайгаа ч хувиргалгүйгээр гэв