1984
Create successful ePaper yourself
Turn your PDF publications into a flip-book with our unique Google optimized e-Paper software.
VI<br />
«Туулайн бөөр мод» кафе хүнгүй, хөл хөдөлгөөн цөөтэй, арван таван цаг болж байна.<br />
Теледэлгэцнээс цовоолог дуу хангинана. Нарны шар туяа тоостой ширээн дээр тусна.<br />
Смит дассан булангийн ширээнийхээ ард хоосон аяга руугаа харж сууна. Нөгөө талын<br />
хананаас өөрийг нь ажиглаж буй маш том нүүр өөд үе үе харна. Түүний доод талд ИХ АХ<br />
ЧАМАЙГ ХАРЖ БАЙНА гэсэн бичээс байна. Үйлчлэгч өөрөө хүрч ирээд шилэн аяганд нь<br />
«Виктори» хэмээх жин архи дүүртэл хийгээд эргэдэг бөглөөтэй өөр нэг шилнээс хэдэн дусал<br />
дусаав. Энэ нь чихэр орлуулагчтай хольсон лиш цэцэгний ханд бөгөөд кафены өөрийнх нь<br />
бүтээгдэхүүн аж.<br />
Смит теледэлгэцийг чих тавин сонсох бөгөөд саяхан хөгжим нэвтрүүлж байсан. Одоо Энх<br />
тайвны Яамны тусгай мэдээг хүлээн авна. Африкийн фронтоос их түгшүүртэй мэдээ ирсээр<br />
байна. Тэрээр бүр өглөөгүүр энэ тухай сэтгэл зовон бодож байсан юм. Евразийн Гүрний<br />
цэрэг (Цалайн гүрэн Евразийн Гүрэнтэй дайтаж байна, Далайн Гүрэн үргэлж Евразийн<br />
Гүрэнтэй дайтаж байдаг юм) өмнө зүг рүү маш эрчтэй давшиж байна. Үдийн мэдээгээр<br />
газар нутгийн нэрийг тодорхой хэлээгүй ч гэсэн байлдааны ажиллагаа Конго мөрний эх нутаг<br />
хавиар болж байх бүрэн боломжтой юм. Браззавиль, Леопольдвилийн байдал муу байна. Энэ<br />
юу гэсэн үг вэ гэдгийг газрын зураггүй ч ойлгож ядах юм байхгүй. Энэ нь Төв Африкийг<br />
алдах аюул тулгарч байна гэсэн үг биш, Дайны бүх явцад анх удаагаа Далайн гүрэнд аюул<br />
тулгарлаа.<br />
Тэрээр айдаст бус ямар нэг утгагүй сэтгэлийн шаналалд автагдаад тэр нь дорхноо намддаа.<br />
Тэрээр дайны тухай бодохоо болилоо. Саяхнаас нэг юман дээр хэдхэн хормоос илүү удаан<br />
тогтож бодож чадахаа больсон байна. Тэрээр шилэн аягатай архиа ёроолыг нь гартал<br />
хөнтөрчихсөн чинь дотор нь зарсхийж огиуллаа. Энэ архи бөөлжис цутгамаар аж. Чихэр<br />
орлуулагчтай лиш цэцгийн гашуун ханд жин архины тослог үнэрийг дарж чадахгүй байна.<br />
Хамгийн гайтай нь гэвэл түүнд өдөр шөнөгүй үнэртэх жиний үнэр нь түүний оюун ухаанд...<br />
-тай салшгүй холбоотой юм.<br />
Смит тэднийг дотроо ч нэрээр нь дууддаггүй бөгөөд санахыг ч хичээдэггүй юм. Тэрээр<br />
тэднийг сайн таньдаггүй бөгөөд нүднийх нь өмнө эргэлдэж нөгөөх эвгүй үнэрээ<br />
ханхлуулахаар нь тааж мэддэг байсан юм. Жин ходоодыг нь цоргиод тэрээр хүрэн улаан<br />
хэлээ гарган огиулав. Шоронгоос суллагдсан цагаас хойш жин нэмж хацар нь урьдынх шигээ<br />
улаан болжээ. Нүүр нь махлаг болж хамар, хацар нь улайж халзан толгой нь хүртэл хүрэн<br />
улаан болжээ. Үйлчлэгч өөрөө шатрын хөлөг, шатрын нүүдэлтэй хуудсыг нь эргүүлчихсэн<br />
Тайтз сонин авчирч түүний өмнө тавилаа. Үйлчлэгч Смитийн аяга хоосон байгааг үзмэгцээ<br />
шилтэй жин авчирч дүүргэлээ. Захиалах хэрэг байхгүй, тэд түүний зуршилыг мэддэг юм.<br />
Шатрын хөлөг дандаа бэлэн, булангийн ширээг дандаа түүнд хадгалдаг аж, Хэн ч түүнтэй<br />
ойр суухыг хүсдэггүй болохоор хүн дүүрсэн үед ч булангийн ширээг түүнд хадгалдаг аж.<br />
Тэрээр хичнээн аяга архи ууснаа ч тоолдоггүй юм. Тэд үе үе түүнд тооцооны хуудас гэж<br />
бохир цаас өгдөг бөгөөд түүнээс архины үнийг тогтсоноос доогуур авч байх шиг санагддаг<br />
юм. Тэрээр одоо их мөнгөтэй болжээ. Тэд түүнд орон тооны бус албан тушаал өгсөн бөгөөд<br />
урьдах ажлаас нь илүү цалин олгодог юм.