1984
Create successful ePaper yourself
Turn your PDF publications into a flip-book with our unique Google optimized e-Paper software.
том бөгөөд ой гутмаар муухай харагдлаа. Түүний царай баяр хөөр, солиотой бахдалаар<br />
дүүрэн харагдана. Смитэд айдас төрлөө. Болдогсон бол орон дотроо доошоо шингэчих<br />
юмсан. Тэрээр Обрайен одоо зугаагаа гаргах гэж багажныхаа бариулыг эргүүлнэ гэж бодож<br />
байлаа. Обрайен харин тэгсэнгүй, эргээд өрөөн дотуур хоёр гурав алхсанаа тайван ярьж<br />
эхэллээ.<br />
“Энд тарчлагсад байдаггүй гэдгийг чи юуны өмнө ойлгох хэрэгтэй. Чи хуучин цагт шажны<br />
мөрдлөгө хавчилга байсан тухай уншсан уу? Дундад зуунд шажны шүүх байсан. Энэ нь үр<br />
дүнд хүрээгүй юм. Энэ нь тэрсүү үзэлтнийг үндсээр нь устгахыг зорьж байсан боловч харин<br />
тэднийг мөнхжүүлсэн юм. Түүдэг галд шатаасан тэрсүү үзэлтэн бүрийн оронд шинээр<br />
мянган тэрсуү үзэлтнүүд босож байсан. Яагаад вэ? Шажны шүүх нь дайснаа илээр устгаж<br />
байсан, гэмшээгүй хүмүүсийг устгаж байсан юм. Үнэн хэрэг дээрээ хүмүүс гэмшээгүй<br />
болохоор нь тэднийг устгаж байсан юм. Хүмүүс үзэл бодлоосоо татгалзахыг хүсээгүй тул амь<br />
насаа алдаж байлаа. Ингэхлээр хохнрогчдод алдар цуу ногдож, шажны шуугчдэд шившиг<br />
гутамшиг ногдсон юм. Сүүлд хорьдугаар зуунд тоталитар хэмээх дэглэмүүд байсан”<br />
Германы нацистууд, Оросын коммунистууд гэж байсан. Оросууд тэрсүү үзэлтнүүдийг шажны<br />
шүүхээс илүү харгисаар мөрдөж байлаа. Тэд өнгөрсөн үеийн алдаанаас сургамж авсан гэж<br />
бодож байлаа. Тэд юутай ч гэсэн тарчлагдагсдыг бий болгох хэрэггүй гэдгийг ойлгожээ.<br />
Хохирогсдыг нээлттэй шүүхийн хуралдаанд оруулахын өмнө тэдний нэр төрийг санаатайгаар<br />
гутаахыг оролдож байлаа. Хоригдлуудыг хэлсэн бүх хэргийг хүлээн зөвшөөрдөг өрөвдөм,<br />
золгүй боол болтол нь эрүүдэн шүүж, ганцаарчилан хорьж тарчлаахад тэд нар нь<br />
өөрсдийнхөө нэр төрийг гутаан, бие биедээ гэм буруугаа чихэн гоншигнон уйлж өршөөл<br />
үзүүлэхийг гуйдаг байсан юм. Тэгээд хэдхэн жилийн дараа ийм явдал дахиад л тохиолдоно.<br />
Үхсэн хүн тарчлагч болж түүнийг доромжлон гутаасныг мартчихна. Тэхлээр энэ бүхэн яагаад<br />
давтагддаг юм бэ? Хамгийн гол нь тэдний хэргийг хүч хэрэглэн хүлээлгэсэн бөгөөд энэ нь<br />
хуурамч байснаас болсон байна. Бид бол ийм алдаа гаргахгүй. Хэргээ хүлээн энд хэлж байгаа<br />
үг бүр үнэн. Бид түунийг нь үнэн болгодог. Хамгийн гол нь бид үхэгсдийг бидний эсрэг<br />
босохыг гаргуулдаггүй. Чи хойч үе өөрийг чинь зөвтгөнө гэж төсөөлдгөө боливол зогсоно.<br />
Смит ээ, хойч үе чамайг хэзээ ч дуулахгүй. Бид чамайг түүхийн эргэлтээс арчих болно. Бид<br />
чамайг хий болгоод агаар мандалд хийсгэчихнэ. Чамаас юу ч үлдэхгүй. Нэр чинь хүмүүсийн<br />
нэр дотор ч, оюун ухаанд ч үлдэхгүй. Чамайг өнгөрснөөс ч, ирээдүйгээс ч хасчихна. Чи энэ<br />
хорвоо дээр аж төрж байгаагүй юм шиг л болно”<br />
Тийм л юм бол хүч гаргаж намайг эрүүдэн шүүх хэрэг юу байна вэ? гэж Смит харамсан<br />
бодлоо. Обрайен Смит энэ үгийг чанга хэлэхэд нь дуулсан юм шиг яриагаа таслаад Смит рүү<br />
ирэхэд муухай том нүүр нь ойртож, нүд нь жартганав.<br />
“Бид чамайг устгах гэж байгаа бөгөөд чиний хэлсэн үг, үйл хэрэг чинь ач холбогдолгүй юм<br />
бол чамайг юунд ингэж хүч гаргаж байцааж байна вэ? Чи үүнийг л бодож байна, тийм үү?”<br />
гэж тэрээр хэллээ.<br />
“Тийм” гэж Смит хариуллаа.<br />
“Смит ээ, чи бол нийтийн дэг журам дахь сэв. Чи бол арилгавал зохих толбо. Бид урьдын<br />
залхаан цээрлүүлэгчдээс юугаараа ялгаатай вэ гэдгийг чамд тайлбарлаагүй гэж үү? Бидэнд