Create successful ePaper yourself
Turn your PDF publications into a flip-book with our unique Google optimized e-Paper software.
så alvorlege at han sjølv hadde tatt initiativ overfor den høgste<br />
instansen i påtalemakta for å få han til å engasjere seg i saka.<br />
Føremålet var å «låne autoritet» frå Riksadvokaten - slik at den<br />
medansvarlege Tetzschner sjølv kunne stå fram som ein ubesudla<br />
Mr. Clean. Fordi 'initiativet' ikkje var anna enn ein uforpliktande<br />
telefonprat, stod Tetzschner seinare heilt fritt utan å<br />
ha involvert seg som part i den saka mot Svelland som politiet<br />
til ein viss grad etterforska. Da statsadvokaten hausten 1990<br />
vedtok å leggje vekk saka mot Svelland «på grunn av bevisets<br />
stilling», hadde Tetzschner minst like god grunn som Hans<br />
Svelland til å puste letta ut. 'Mr. Clean'-biletet av Michael<br />
Tetzschner hadde neppe overlevd ei straffesak mot tidlegare<br />
byrådskollega Hans Svelland.<br />
Fylkesmann Kåre Willoch kom i ei politisk knipe med noen<br />
likskapstrekk da han fekk første innstillinga frå Smith-utvalet<br />
på bordet. Korleis skulle han handtere spørsmålet om politietterforsking<br />
mot dei politikarane som hadde gjort seg skyldige<br />
i ei lang rekkje lovbrot? Willochs 'løysing' var - etter ein god<br />
del grubling - å overlate avgjerda til Riksadvokaten, som på si<br />
side sendte saka over til Eidsivating Statsadvokatembete. Dermed<br />
var det statsadvokat Bjørn Kristensen - og ikkje den lytefrie<br />
fylkesmann Willoch - som fekk mediebelastninga med å<br />
lage ei grunngiving for at det ikkje var grunn til etterforsking<br />
mot politikarane. Og fylkesmannen kunne vaske hendene sine<br />
og berre la vere å blande seg inn i statsadvokaten si vurdering<br />
og avgjerd. Ein fylkesmann skal jo sjølvsagt ikkje gripe inn i<br />
det som Statsadvokaten steller med.<br />
■ Møte avsløring med løgn for å sleppe unna ansvar<br />
Dette skjer i mange variantar. Vi har fleire gonger møtt personar<br />
som er djupt innblanda i korrupt misbruk av pengar og tillitsposisjon,<br />
men som står steinhardt på det motsette: «Eg har<br />
da aldri gjort noe gali. Eg har ikkje fått så mykje som ein lunsj<br />
utan å betale for det sjølv, osv.» Slike folk kan verke tillitvekkjande<br />
og dei er usannsynleg frekke. Dei ser deg rett inn i kvitauget<br />
og står fast på at dei er uskyldsreine som barn i mors liv.<br />
172<br />
www.pdf-arkivet.no/folkvord/ 2014