Create successful ePaper yourself
Turn your PDF publications into a flip-book with our unique Google optimized e-Paper software.
Lien var meire enn glad til for å få fortelje det han visste.<br />
Ein god del av det han sa vart skrivi ned i ei forklaring som<br />
etterforskaren fekk med seg tilbake til Oslo. Etterforskaren<br />
fekk 6g med seg ei erklæring frå Lien, datert 19. januar 1990,<br />
der han løyser psykolog Erik Undersrud frå taushetsplikta si<br />
slik at politiet kunne få sjå alle «dokumenter og journal vedrørende<br />
behandling/konsultasjonar hos Erik Undersrud, Stovner<br />
Psykiatriske Poliklinikk, som det er referert til i skriv/uttalelse<br />
av 19.11.86 fra Erik Undersrud».<br />
Så langt vart saka handtert seriøst hos politiet. Undersrud<br />
vart innkalla til politiavhør. Han gjekk såpass langt i forklaringa<br />
si at dette saman med forklaringa frå Lien skulle gi godt<br />
grunnlag for vidare etterforsking. Men 8 månader etter at etterforskinga<br />
starta, var desse to forklaringane det mest konkrete<br />
politiet hadde når det gjaldt lov- eller regelstridig handlemåte<br />
der fengselspsykologen var innblanda.<br />
Etterforskaren overlet begge forklaringane til Magnar Aukrust,<br />
som da var fungerande kriminalsjef. Det skjedde i februar<br />
eller mars 1990. Men da saksmappa med heile Sandstrømsaka<br />
noen månader seinare kom til statsadvokat Lasse Quigstad, så<br />
var ikkje desse to forklaringane med. Politiet rådde til at saka<br />
skulle leggjast vekk, men statsadvokat Quigstad var ikkje fornøgd<br />
med det. Han sendte saka tilbake med beskjed om at det<br />
var meire som måtte undersøkast eller vurderast. Men politikammeret<br />
stod på sitt. Da Sandstrømmappa kom til statsadvokatkontoret<br />
for andre gong, og med same konklusjon, var det<br />
førstestatsadvokat Iver Huitfeldt som fekk saka. Lasse Quigstad<br />
hadde i mellomtida vorti tilsett som visepolitimeister i Oslo.<br />
Men forklaringane frå Tormod Lien og Erik Undersrud var<br />
framleis ikkje med.<br />
Førstestatsadvokat Huitfeldt hadde truleg ikkje den uformelle<br />
bakgrunnskunnskapen om Sandstrømsaka som Lasse Quigstad<br />
sat inne med. Quigstad hadde nemleg - saman med politiinspektør<br />
Knut Ragnar Mikkelsen - hatt eit møte med ein person<br />
som hadde detaljkunnskapar om 'nettverket' rundt Sandstrøm.<br />
Det var på slutten av dette møtet at Quigstad kom med<br />
utsegna om at 'dette kan ikkje psykologen ha klart utan hjelp<br />
frå folk på høgt nivå i politiet'.<br />
38<br />
www.pdf-arkivet.no/folkvord/ 2014