Baltische Studien. - Digitalisierte Bestände der UB Greifswald

von Dr. v. Bülow. 171
Wente even darumb unnd dartho ist diße einsame stille
unnd rowsame Iungfrouwennstandt vornemblich angerichtett
unnd verordenett, wert ock vom Apostel Paulo 1. Cor. 7. hochgerohmet
unnd thogelatenn, nicht umb guder, sachter, ") rawsamer
Dage, noch wegenn des Leddigganges, sondern dat men
darinne mehr Gelegenheit unnd Bequemicheitt hedde thom Gebeede
unnd Gades Wortt tho lesende unnd tho studerende.
II.
Thom andernn schall eine jeder Iungfruwe die verordente
Prioriße nebenst denn andernn Oldestenn inn allen Eherenn
holdenn, sich nicht mutwillig und halsterrig wedder se upleggen,
sondern jegen desulve sich demodigen, sich gherne underwisen
lathen, straffen und vermanen lathenn, ehr gerne horgken und
gehorsam sin, wo S. Peter am 1. Cap. 5 insonderheit denn
Jungen ernstlich befehlett.
III.
Thom drudden sick nicht under einander als gifftige
Worme schelden, zangkenn unnd flökenn, lestern, hatenn unndt
verfolgenn, sondern als Schwestern in einer Versamblinge fin
fredsam inn Leve unnd Einicheit bei einander leven und wohnen.
So eine vonn der andern belediget werdt, schall se sick sulvest
nicht wregkenn, noch mit der Mundt edderr mit der Dadt,
sondern idt vor der verordentenn Priorißenn klagenn unndt
scholenn sich vor derselvigen baldt vorbiddenn. Sie scholen
ock nicht als wilde Apenn up dem Klosterhave edder uth einer
Celle in die ander vor alle Porten des Dages etliche Mhall
ahne drengende Not unnd redliche Orsake untüchtig,^) wilde
unvorschemet umbher lopenn, hier unndt daer uthkapenn, ^)
sonnder eine jederr schall inn erer Celle inholdenn unnd binnen
Klosters ein erbahr tüchtig und stille Wesennd füren, ock eine
") Wachs unrichtig: „nicht um guter Sache :c."
'2) Wachs: „flüchtig", was nur eine Wiederholung sein würde,
während „unzüchtig" den Gedanken richtig ausdrückt.
'3) — herausgaffen.