PDFa jaitsi - Euskaltzaindia

Ni ara joaten nintzanean, ollasko otzarekin
ase ta mai-punta baten jarri ta lo egin
oi zuan; mostradorean egon izan zan beste
batzuetan. Jendea segiran etorri ezkero,
ondo; baña, bestela, loarekin gaizki ibilli
bear arek.
Korrika ere jokatu zuan Azpeitiko plazan
beste tabernari batekin. Azpeitiko Kojuaneko
tabernaria zan bestea. Ura ere eun
kilotik-eta gora izango zan. Galtza motzakin
jokatu balira, jende geiago joango zan
ikustera; baña apenas izango zan joko aundirik.
Elizaldek galdu zuala aditu nuan nik.
Iturzaeta orrekin bertsotan egin izan
nuan nik. Ez dadukat gauza aundirik gogoan,
baña batean onelatsu izan bear zuan
berak bota zidana.
Iturzaetak:
Nere barrenan senti dedana
esango det beriala;
au, badakizu, ixildu eziñak
esan arazten diala:
ez al dakizu zure ama ta ni
lengusu egiten gerala?
Orrek esan nai du aurrekoak
anai-arrebak zirala.
Uztapidek:
Zuk diozunez, nere amakin
lengusu egiten zerade;
kontu orretan zu ta ni ere
txit aide urrak gerade;
mundu onetan ezjakiñian
asko egoten dirade,
bere egizko iturburua
nun dan enteratu gabe.
Berríz plazara
116
Iturzaetak:
Nik uste nuen bazekizula
Iturzaetaren berri,
beiñere olako albisterikan
ez al dizute ekarri?
Gaurko egunian ezaguerak
eman dizkagu alkarri,
urrengo baten nere ondora
beldurrik gabe etorri.
Uztapidek:
Orain artian zure berririk
iñork etziran ematen,
neronek ezer ez nekiela
zu asi zera esaten;
lagun onaren bildurrikan nik
sekulan ez det izaten,
au esaten det ez dakitenak
seguru jakin dezaten.
Beste baten, berriz, bertso au kantatu
nion nik:
Parentelakin ez naiz izandu
gaizki portau zalekua,
jan eta edan ondo egiñaz
eztegu igualekua;
iñoiz edo bein juaten bazera
ni bizi naizen lekua,
ardi gizen bat badaukagu ta
kenduko diot lepua.
Gutxi gora-bera orrelatsu izan ziran
gure bertso oiek, eta ura orrelakoxe gizona
zan. Ildakoan asko ondutzen omen
dira; baña, bizirik zan arte ere, ona zan
ura.