PDFa jaitsi - Euskaltzaindia

dakit zintaren bat an ere egongo zalako, edo
beti gai ori zualako, edo oiek ere batzuetan
falta egiten zutelako, edo zergaitik. Baiña
aurreneko bertsoa olaxe bukatu zuan:
Gabiltzan lekun al degun dana
beti oi degu eskeiñi,
baiña naigo nun ez bazendute
gai-klase auxe ipiñi.
* * *
Beste batean, gai auxe zuten: bat baserritarra,
oilloak arrapatu zizkiotena; bestea,
guardiazibilla; eta irugarrena, Uztapide,
ijitoa; eta badakizute ijitoak zer fama
duten edo zuten.
Orain ez dira leen ainbeste ikusten. Izan
ere, danak kotxean gabiltz eta gauzak asko
aldatu dira, eta amaika sesio jarritako baserri
ondoetako oilloak ere bai, azkenik,
geienak izkutatu dira, guk oraindik libre
darabilzkigu baiña.
Uztapidek, ijitoak, guardiari auxe bota
zion, berak ere oso gogor artu zuan da:
Egia da: gu ijito gera,
ijitotatik irtenak;
baiña, guardiak, zuek zerate
naiko gizon nabarmenak.
Oraindikan gazte sasoikoak
eta gorputzez lerdenak,
kolpeik jo gabe bizitzearren
orruntz sartu zeratenak.
* * *
Seguran, San Juanetan, Uztapide eta Basarri
ogeitaka urtean izan ziran San Juan
egunez.
Neronek ere kantatu nuan aiekin batzuetan;
eta, orduko bertso-saio geienetan
bezela, goizean San Joan ere puska bat aitatzen
zan Seguran.
Beste errietan berdin: zein santu edo santa
zan pestak ospatzen ziran eguna. Izan
Manuel Olaizola "Uztapide"
403
ere, itzak ondo pentsatuta egin bearra zegoan
agintari edo apaizen aurka, eta aldian
broma batzuekin naastuz saioa osatu.
Ontan, Basarri aurrelari aparta zan, eta or
ari ziran ia Jesus bera bezin aundia zala
San Juan eta abar. Izan ere, gu kristau egiten
gaitun bataioa Jesusi berak eman ziola
eta abar.
Ala Basarrik galdetu zion Uztapideri bietan
zaarrena zein zan bai al zekian. Eta Uztapidek
onela bukatu zuan:
Nola arraio galdetzen didak:
"Bietan zarrena zein da?",
San Juanetatik Gabonetara
zer alde dagon jakinda?
* * *
Egun au bera igual izango zan. Orduan,
bertsolariak egunez kantatzen zuten lekuan,
gauean lotan ere bertan gelditzen
ziran. Lotan edo gaua, beintzat, bertan
pasa, eta bertsorik onenak orduantxe izaten
ziran.
Batean, gauean, ordu txikien asieran ia,
Basarrik oierako gogoa ordurako eta bertso
bikain bat onela bukatu zuan:
Naiz ta askotan festa-egunetan
oiari izan gorroto,
pertsona ez da iñun iza ten
oiean baiño obeto.
Eta Uztapidek:
Ik konfiantza aundiak dauzkak
Basarri, oiarenak,
baiña il ere an egiten dituk
gure aldeko geienak.
Azken itz auekin zalantza daukat: gure
aldeko geienak esa n ote zuan, ala mundu ontako
geienak.