PDFa jaitsi - Euskaltzaindia

11 Zerbait nai giñon erakutsi guk
geure seme bakar oni,
ortantxe ari giñan pozikan
nere emaztia ta ni;
gu beti sano izaterikan
iñola etzan komeni,
gutxiña uste nuen garaian
gaixotu nintzan neroni.
12 Semia eskolan eta neroni
gaixo jarri nintzanean,
Jaungoikuari erregututzen
besterik ezin zanean;
pazientzia baneukan eta
beti patxara onean,
opiziua bukatu du ta
semia ai da lanean.
Bein gaixo batek arrapatzian
gizona dezu ain utsa,
begiratua tristia eta
indar gabia gorputza;
jana're ez du aukerakua,
arekin ere zaputza;
eskerrak izan nuela nere
emaztiaren laguntza.
Manuel Olaizola "Uztapide"
133
Guztiok ondo dakizutena
gaixo naizela egondu,
egia esan oñazerikan
beiñere ez det izandu;
mutilzartuta ezkondu nintzan,
ori amaikak esan du;
mundu onetan aztua nintzan
ori egin ez bagendu.
Gauza erraza dala diote
mundu ontan ezkontzia,
ez gu egiten geran bezela
alkarrekin konpontzia;
Kontxita, ondo egiten dezu
gaixo bati laguntzia,
pena litzake urte batzutan
orain zu alarguntzia.