PDFa jaitsi - Euskaltzaindia

1
AIOTERRIAGATIK zerbait idatzi nai nuke
eta ez dakit nundik asi. Ez dakit nunoa
naizen ere, eta orregatik ez dakit
nundik asi.
Arruan bataiatua naiz; gure gurasoak
esan oi zutenez, Arruan kristau egiña.
Arruak badu, beraz, parrokia, baña aiuntamenturik
ez.
Eleizako lanak beti Arruan egin izan
giñuzen; konparazio baterako, lenengo
komunioa eta konfirmazioa eta orrelako
gauzak.
Baña aiuntamentuko lana k Zestuan
egin bear; konparazioko, kinto giñanean,
tallazioa Zestuan izaten zan, da orrelako
gauza asko erriko etxean egin bearrekoak.
Batez ere etxeko buru baldin bazera,
izango dezu errian batentzat lana. Ni ez
naiz izan beñere Zestuan etxeko buru,
baña ala ziranak ikusten nituan nola zebiltzan.
Bein batean, Arruako bikarioak esan
zidan ez lotsatzeko Arruakoa nintzala
esaten, Arrua erri txikia zalako. Don Joakin
Arostegi zan au esan zidana; Arruako
elizan jaioa nintzala ni-ta Jaungoikoaren
aurrerako. Gaur ere orixe da
Arruako bikario.
Jaioterria
247
Ni, egia esan, ez naiz, ba, erri aundien
alderakoa; erri txiki batekoa naizela
esaten lotsatzen naizen oietakoa. Baña
bein asi nintzan, or bertsotan nenbillela­
-eta, Zestuakoa nintzala esa ten, da artantxe
jarraitu.
Oiartzunek ere baditu zortzi ballara
edo zerbait, eta errian bertan esa ten al
du batek Altzibarkoa dala edo Iturriotzkoa
dala; baña, bein erritik atera ezkero,
Oiartzungoa dala esango dute danak,
naiz-ta ballara batekoa izan.
Eta, gudaritzan edo soldadu tokatzen
bada, berriz, bein Burgosera ezkero, 00nostikoa
ta kito.
Emen Oiartzungo ballarak ez daukatena,
badu gauza bat Arruak: parrokia.
Emen, Oiartzunen, ez dago ballaretan
eleizarik; erriko parrokia bakarrik.
Zestuan badauzkazu, Zestuako partean,
Arrua-goia, Arrua-beia, bi; Aizarna,
Iraeta, Ibañarrieta, Endoia, Santa Engrazia,
Lasao, San Juan; oteletan da nunai
badira kapillak, eta Zestuako parrokia
bera. Bederatzi eleiza eta gañera kapillak;
eta abitantez ez da Oiartzun baño
asko geiago izango.
Lenago aitatu degu Arruako bikarioa,
don Joakin Arostegi. Nik onoko bertso
au bota omen nion. Zerbait eleizako jaiak