PDFa jaitsi - Euskaltzaindia

Sebastian Salaberria
Ernani
Martuteneko baillaran, orain berrogei bat
urte, Agorrillaren 24-an, Ama Birjiña Mesedetakoaren
egunez ospatzen zituzten
festak.
Uztapide zana bein baiño geiagotan izan
zan festa oietan bertsotara etorria; eta batean
onako bertso au kantatu zuan, leenengo
agurra kantatzerakoan:
Bertsoak kantatu nai giñuzke
ta ez dira erteten berez;
zerbaiten ere laguntza bear,
gu geren gisa ezer ez.
Biotz-biotzez eskatzen dizut,
Ama Birjiña Mertzedes,
konbeni bada zure laguntza
eman zaiguzu mesedez.
Dalako festa oien antolatzaille bezela, ondoren
aipatuko ditudan bi gizon auek izaten
ziran geienetan: Ramon Odriozola -Ramon
Exkerra esa ten zioten izenordez
bezela- eta bere illoba Manolo Aiesta, biak
Martutenekoak.
333
Festa-egun oietako batean, kantatu bear
zuten bertsolariak Uztapide eta Zepai izan
ziran. Baiña Ramon Exkerrak oker txiki bat
egin zuan festak antolatzerakoan: bertsolariak
eta globoak botatzea une berean jarri
zituan.
Eta, jakiña, bertsolariak plazan kantatzen
ari zirala, ekin zioten globoak botatzeari,
eta jende guztia globoak aidean nola zijoazten
begira, eta ume guztiak bulla eta zalaparta.
Ala, ixildu egin ziran bertsolariak, eta
utzi zioten globoak botatzeari. Ekin zioten
berriro bertsolariak, eta Uztapidek bertso
au kantatu zion Ramon Exkerrari:
Zertan kantatu entzulerikan
ez baldin bada albuan?
Erramon, festak jarri itzazu
modu obexeaguan.
Oraintxe dala iru miñutu
errezelotan nenguan,
Martutenetik bertsolariak
joango ote geran globuan.