PDFa jaitsi - Euskaltzaindia

Burgete, Orreaga
edo Ibañetan,
eta an inguruko
mendien gañetan,
aspertu ezin ango
baso bikañetan,
exerita jarriak
paguan zañetan.
Alde ortan badira
milla edertasun,
ez dakit nik bezela
ikusten dituzun:
ardiaren orruak
mendian oiartzun,
alde baten egin da
bestian erantzun.
Ango mendietako
beorren taldiak,
zabal askuak beren
ipurdi aldiak;
da aiekin batian
badira zaldiak,
zer esanik ez dago
berriz artaldiak.
Mendi-punta aietan
larriak edarrak,
ardi adardun batzuk
ez dira melarrak;
indarra dauka nunbait
an dagon belarrak,
trabatu bildurrik ez
otiak da larrak.
Gustatu zitzaidala
ez dago zalantzik,
alderdi ark ez dauka
Gipuzkuan antzik;
emen ez da an bezin
mendi aberatsik,
paga di ederrak an,
ez da piñu beltzik.
Berriz plazara
226
8 Errekak ere oso
garbiak dirade,
arrituta begira
egonak gerade;
ikusiko dituzu
juaten bazerade,
fabriketako zikin
askorikan gabe.
Asko gustatu zaigu
ango parajia,
oso pozikan egin
gendun biajia;
bañan au esateko
badet korajia:
euskerak badaukala
naikua ajia.
o Zar batzuek euskeraz,
ixillik bestiak,
lotsa ematen die
izketan astiak;
ajola gabe daude
oraingo gaztiak,
lanak emango ditu
ondo ikastiak.
Biajatzia ona
izaten da neurriz,
gustatu zitzaidala
aitortzen det egiz;
noizik-beinka ona da
aldatzia erriz,
urrengo uda aldera
juan nai det berriz.
12 Ortzanzurietara
gu juan lenago,
aize presko ederra
an noiznai badago;
berriz aruntz juateko
txoratua nago,
agur gero artian
bizirik banago.