PDFa jaitsi - Euskaltzaindia

Biaramonean, domekan, meza ondoren
egin zuten beste ekitaldia.
Gurean, bezperan, Modesto joan zan entzutera.
Ni domeka eguerdikora joan nintzan.
Modestok kantatu oi zuan orduko
Uztapideren bertso bat:
Zer gertatu dan esan digute
etorri ta segituan,
ta badakigu orduko argiñak
ez daudela merituan.
Monja gaixuak gelditu ziran
urakin ia ituan,
baña entzun det kanpo-futbolak
kulpak bai ote dituan.
Modestok gogoan ekarri zuan bertso ori.
Ametsa-enean egin omen zuten lo-edo.
Urrengo eguerdian izan zan ekitaldian,
Basarri eta Uztapide aritu ziran bertsotan,
eta tartean kitarrarekin kantuan aritu ziran
beste batzuk. Bertsolariek kantatu zuten
aurrena. Basarri asi zan:
Bein bear eta emen badegu
makiñatxo bat testigu,
atzo saio bat ein gendun baiñan
gaur e azaldu zaizkigu.
Ola jendea endredatuaz
ibiltzen gera beti gu,
Jaunak bedeinkatu zaitzatela,
o biotzeko Mutriku!
Uztapide:
Atzo arratsaldetikan gaude gu
Mutrikura etorririk,
ta etzaigu falta gure bertsuak
aditzeko egarririk.
Lenagotikan nik ez nekian
leku ontako berririk,
bizi izateko neretzat ez da
au bezelako erririk.
Berriz plazara
390
Basarriren beste bukaera batekin ere
akordatzen naiz; ez bertso osoarekin. Onela
da bukaera.
Akordatzean begietara
etorritzen zait negarra:
ordubateko autobusean
Atauna joan bearra.
Eta Uztapidek:
Emen jendeak au entzun eta
aterako'ute armoni,
luzaroago egoterikan
nunbait etzaigu komeni.
Jendea ere gustora zegon
eta konforme nengon ni.
emen onela egotekotan
utzi leikio Atauni.
Ataunera joateko itza emanda zeuden,
nunbait; baiña Mutrikuko entzuleen bertso-gosea
ase gabe joan bearrak kezkatzen
zituezan.
Bertso saioko beste pasarte batean baserritarren
kontuak aipatu zituezan Basarrik
eta Uztapidek.
Garai aietan baserritarrik geienak Mutrikura,
kalera, joaten ziran esnea saltzera.
Itxura danez, bateonbatek ura bota-edo
egiten izango zion esneari. Bezero jendea
kejatu, eta autoridadeak analisiak egin.
Multa pagatu zuten baserritarrak-eta izan
omen ziran.
Kontu horiek Basarriri aipatu izango zizkion
norbaitek. Normala den bezala, gero bertsotan
aipatu izango zituen.
-Nik ez nion bertso ura dana gogoan
artu. Onelako zerbait izan zan Basarriren
bertsoaren azkena: