PDFa jaitsi - Euskaltzaindia

G IPUZKOAGATIK zerbait itzegin
degu, eta Bizkaietzaz ere itzegin
bearko degu.
Ondarroara joan izan gera bertsotara.
Basarri ta biok jo aten giñan ara. Jende
euskalduna da an, da jende gogorra.
An, kanpotik etorritakoak ere, ikasi
egiten dute euskeraz. Nai bada Galiziatik
etorri ta nai bada Extremaduratik,
baña an, gutxi edo geiago, ikasi egiten
dute danak.
Jende arrantzalea jende jatorra da,
izan ere; eta jende frankoa. Mariñel­
-erriak ezagunak dira nunai; bereziak
dira, emen ere bai eta Bizkaian ere bai.
Gu beti pozak joaten giñan Ondarroara.
Ango kantu zarrak eta ango umorea!
Edozein mariñel zarrek kantatuko dizkizu
zuk sekula aditu ez dituzun bertsoak.
Gazteak ere badira, berriz, Ondarroan,
kantuan ederki egiten dutenak.
Anai-talde bat bada. Oiek, korrua
egin da nunai asten dirala ere kantuan,
izango dute zeñek entzuna. Sei edo zazpi
anaia badira; ta, aiek asten diranean
batzuek altutik eta besteak bajutik, gustoa
da aieri entzutea.
Donostira ere etorri omen ziran bertsolarien
sariketa zanen batean-edo, eta
Bizkaia
277
asi omen ziran kantuan. Ostaturen batean
izango ziran, da bai omen zuten naikoa
entzulea.
Ostatu artatik atera ziranean ere, jendea
dana berakin batean, eta prozesioan
or ibiliak ziran Donostiko kaleetan.
Geiago ere ikusi ditut kantore ederrak,
baña aiek baño gusto obean kantatzen
duanik, asko ez ditut ikusi.
Azpillaga ere antxe ezagutu nuan.
Santa Agedaren eskean ibili ziran nunbait,
eta Santa Agedaren eskeko janera
joan nintzan ni.
Azpillaga zuten koplarixa, eta ni suertean
nintzan: ibili-aldi galantak egin izan
ditugu iñoiz, bazkari ori egiteko; eta orduan,
batere eskean ibili gabe, bazkari
ederra egin genduan.
Anaia-talde ori-ta ziran Santa Agedaren
eskean ibiliak, eta ateondoren batzuetan
gustoa emango zuten aiek, Azpillagak
berak ere boza ederra du eta.
An bazkaldu genduan; artan ere, bagenduan
zeñek txanda egiña Azpillagak
eta nik.
Bazkari arta n bazan gizon bat jatun
ederra ere: Jesus Pintxii esa ten zioten. Berak
guk bezela bazkaldu ta gero ere, zenbat
bota platerara, ainbeste jaten zuan
arek.