PDFa jaitsi - Euskaltzaindia

Lasturko San Nikolasetan
KORTATXOREKIN tabernan askotan jarduten
genduan bertsotan; batez ere
Ziolarren, zenbat aldiz egin ote genduan?
Antxe iza ten zan gure billera; beti jaian araxen
biltzen giñan, eta gu, apaldu ta an jartzen
giñanean, ixilik zeñek iduki? Ezta
mingañak lotuta ere.
Tabernan bertsotan ari danean, kezkarik
gabe egiten da. Askotan ondoena alakoxean
ateratzen dira gauzak. Guk zenbat
bertso eder alperrik galdu degun, Jaungoikoak
bakarrik daki. Bertso bat ona aterako
zaizu nundik dan ez dakizula, ta ura
ez du iñork jasoko, eta antxe alperrik galdu
esa ten zaio orri.
Plazan ere bertsotan, Kortatxorekin Lasturren
egin nuan lenbizi. Bildurrak nintzan
asteko. San Nikolasak ziran, ango pestak.
Meza nagusitara joan nintzan, ta nik ez
nuan pentsatzen danak neri begira etzeudenikan.
Oso gaizki pentsatzen nuan; len
bezelaxe begiratzen zidaten neri, baña alperrik
izaten da. Bein ori pentsatzea naikoa
da; batek ez du burutik nai orduko kenduko
beintzat.
Meza nagusia bukatu zan, da Debatik­
-eta jendea etorri egiten da pesta-aize orrekin,
ta jende asko zegoan mezetatik ertenda.
105
Amaiketako piska bat egin genduan,
da noiznai asteko onenean giñan gu. Kortatxo
len ere zerbait jardunda egongo zan,
eta ura asiko zala lenbizi; ala egin genduan
tratua ta ala asi ere.
Kortatxok:
Ai, Uztapide biotzekua,
asi gaitezen izketan,
oso bikote parregarria
ez gaude nere ustetan;
batere ez dezu motiborikan
ola egoteko kezketan,
bildurrik gabe kantatu zazu
San Nikolasko pestetan.
Uztapidek:
Egun on eta ongi etorri,
Kortatxo nere laguna,
estimatzeko modukua da
zuk dezun mingain leguna;
bildurrik gabe kantatzia da
guk egin biar deguna,
nik nai baño len ez da pasako
Lasturko pesta-eguna.
Kortatxok:
Dudarik gabe zuk nai baño len
ez dala juango egunik,