PDFa jaitsi - Euskaltzaindia

ada gizatasuna. Bi anaiak dira jatorrak.
Gu ere alakoakin piska bat jatortu egiten
gera.
Beste batean Arteagan ere izan giñan.
Basarri ta biok giñan emendik joanak;
eta Bizkaitik, berriz, bat Lopategi eta bestea
Balentin Enbeita izan bear zuten.
Markinan ere askotan izan giñan.
Lenbizi Zepairekin, gero Basarrirekin,
eta geroago Lasarte, Lopategi eta Azpillaga,
danok izan giñan; eta Muniategi
gaiak jartzen. Ori abogadua da.
An ostatua Kiputxanea iza ten genduan
lenbiziko aldetik. Azpeitiko Gallaiko
Kosme zegoan orduan an ostatuarekin,
eta orain ez dakit bizi dan edo
ez.
Angiozarko Pelisekin ere izan giñan
batean beintzat, ura soñu jotzen eta Basarri
ta ni bertsotan.
Markina-Etxebarrira ere joan giñan
bitan edo geiagotan. An ere Basarrirekin
izaten nintzan.
Aulestian edo Murelagan ere izan giñan.
Markinako Legoia ere antxe ezagutu
nuan. Alkarrekin joan giñan automobillean
Markinatik ara, eta arri jasotzen
jarri zuten gañera.
An sariketa zegoan arri jasotzen, eta
bat besterik apuntatu ez; da ia zeñi esango
zitzaion, ba, amar arruako arriari eltzeko,
Legoiaren modukoren bati esan
ezean? Eskerrak uraxe jarri zan. Amar
arruako arria aundia da jolasean ibiltzeko.
Lenbizi, len apuntatua zegoan ura asi
zan, da orrek ederki manejatzen zuan
arria. Gero Legoiak eldu zion ta orrek
ere ondo jasotzen zuan; baña ezagun
zuan ofizioa palta zuala.
Bigarren premioarekin gelditu zan
Legoia. Etzuan parragarrikeririk egin.
Berriz plazara
280
Beste bat ikusiko nuan nik aren ondoan,
ura baño geiago ibili gabea.
Baña bes tea ezagun zan asko ibilita
zegoala; orrek etzuan indarrik alperrik
ga1tzen.
Gernikan ere izan giñan banaka batzuetan.
An ere Basarrirekin iza ten nintzan.
An euskal pestaren bat zanean edo
orrela izaten giñan. Mitxelenarekin ere
izan nintzan batean, eta Agerre arri jasotzen,
Latasa ta Arretxea aizkoran, da
orrelaxe. An Arríen pelotarien etxean
gelditzen giñan jaten.
Gernikara joan ezkero, arbola ere ikusi
bear, ba, eta ura ere ikusi genduan
egun batean. Arbola bakarrik ez; an lenago
billerak egiten ziran toki aiek eta
danak.
Areatzan ere bitan edo zerbait izan
naiz. Ori bertsolari-erria da. Orkoak dira
Enbeitatarrak, eta orkoak Lopategi, Sardui,
Ajuria eta Iturri. Oiek nik dakizkidanak;
ez dakit besterik dagoan.
Iturri gizarajoa aspaldian elbarrituta
dago, karroxa baten gañean bestek erabiltzen
duala. Nik Donostian ikusi nuan
batenbaten omenaldian, eta errukarria
ikusi nuan da pena aundia eman zidan.
Datorren urtearen aurrenean Enbeitari
egingo zaio omenaldia, ezerren okerrik
ez bada; Balentin Enbeitari alegia.
Ori Kepa Enbeitaren semea da. Irurogei
ta sei edo zortzi urte edukiko ditu.
Abelen aita da ori, ta Abelek beste
anai bat ere badu bertsolaria. Zarautzen
ikusi nuan gazte askorik bertsotan.
Sardui, Ajuria ta oiek danak ere Enbeitatarren
lengusuak dira.
Lopategi Tolosan ezagutu nuan.
Orrek ikasketak egiten jardun zuan tokian,
pesta bat egin zuten. Basarri ta ni
aruntz joan giñan, eta ura ere antxe zan,