PDFa jaitsi - Euskaltzaindia

Guk, eiztariak, gezurti-pama aundia
daukagu, eta ori ere ez dezute sinistuko
bearbada.
An bazegoan galeperra nazkatzeko
moduan! Arratoi-txakurrak isatsa moztuta
zeukan; ari eragiten asten zanean,
laste izango zan egan galeperren bat, eta
bera azpitik azkarrago joango zan, txakurra.
Guk geok ere txakur onak giñuzen
orduan. Urte artan galeper asko zan
emen ere; eta, gu giñan leku artan, etzan
goardien bildurrik ego ten eta ibilli egin
giñan; txakurrentzat ez da ibiltzea beze':
lakorik izaten, eta eiza iltzea. Urte artan
txakurrak leziatuta eraman giñuzen, eta
lana ondo egin ziguten.
Bi egun oiek pasa giñuzen eta pozik
etorri giñan etxera, automobilla galeperrez
kargatuta.
Cortes ori Naparroako partean dago;
eta Gallur, berriz, Zaragozako partean.
Biak ogei ta bi kilometroren gora-beran
daude, eta biak galeper-toki ederrak.
Aguilar esaten zaion erri batera joan
giñan beste batean eperretara. Ori Naparroan
dago.
Gu gizon-talde aundia joan giñan autobus
batean, eta gu bakarrik ere ez giñan;
baziran beste batzuek ere. Eperra
dezente zegoan, baña jendea geiago. An
dozen erdi bat besterik izan ez bagiña,
eperra dezente zan.
Txakur ona neukan da nik iru eper
bota nituan. Bi sei botatakoak ere baziran;
baña batere bota etzutenak ere bai.
Eguna argitu zuaneko, kantari asi ziran
eperrak. Ura zan ilusioa! Etzuan guk
nai baño len eguna argitu. Ogei ta amar
lagun izango giñan gutxienez, eta bakoitzak
bina botata ere irurogei dira. Gu,
kotxe baten joan giñanak oiek; beste ainbeste
baño geiago bazan ano
Manuel Olaizola "Uztapide"
337
Aras edo olakoxe erri batera juntatu
giñan etxera etortzeko, eta erromeri aundi
bat ematen zuan ango billerak; plaza
jende bete. Eta sartu kotxean eta etxe aldera
jo genduan.
Usotara ere joaten giñan. Batean joan
giñan Bernedo-ra. Ori ez dakit, ba, Naparroan
edo Araban dagoan; Bitoriatik
urrerago, beintzat, Panplonatik baño.
An iru edo lau egun egin giñuzen, eta
usoa ederki pasatzen zan an ere. Taberna
baten jaten genduan, eta goizean
etzan iñork deitu bearrik iza ten; jaiki eta
mendira joaten giñan.
Uso-puestoen ondoan bertan eper bat
il nuan nik lenbiziko egunean; eta eperrak
bazeudela, ba, eta goiz baten etzan
uso-pulamentu aundirik ere, eta eperren
kantu-otsa aditzen zan.
Joan egin bear genduala esan genion
alkarri, eta bai joan ere iru lagun.
Asi gera eperrai segika, eta uste baño
bid e geiagoan joan giñan. Alako batean
begiratzen det goiko puertora, eta urruti
zegoan.
Zatoa banuan nerekin, baña pixa
baño epelago zan nere zatoko ardoa.
Egarria kendu baño, eman geiago egiten
zuan ardo arek. Mats piska bat jan nuan,
alde danetara ondo begiratuta artuta. Artxek
piska bat kendu zidan egarria.
An Riojakoa da erri bat, Yécora-edo,
ta orren parean bera pasata ibilli giñan
Nere mats-piska ori jan da segi gora. Nik
eperren kargarik ere ez nuan: nekea probetxu.
Alako batean iritxi naiz: bi erri zeuden
oso alkarren urrean. Mutil koskor
bat billa tu nuan antxe, eta galdetu nion
ia erri aiek biak izenak nola zituzten; eta
batek Las Aldeas ta besteak La Población.