PDFa jaitsi - Euskaltzaindia

Mendiko ganaduaz gaiñera
minak ere or bazian,
berreun gizon edo geiago
lanian ari baizian;
beruna edo plomuen billa
Elaman jardun oi zian,
gero Donostik ero si zuan
da minak gelditu zian.
Esan bezela, berreun gizon
aritzen ziran lanian,
gutxi edo geio aurrerapenak
izaten dira danian;
berunetikan Elaman goian
pilla egiten zanian,
Errenteriko estaziora
bajatzen zuten trenian.
Mendi orretan daude pagoak,
aritzak eta gaztaiñak,
danetatikan ere ikusten
dirade zugaitz bikaiñak;
frutua duten zugaitzarekin
ornituta mendi-gaiñak,
basa-urdiak gozatze'ituzte
ederki beren ezpaiñak.
Piñutik ere badago zerbait,
baitare altz da urritzak,
mendi ori zer dan ez lezake esan
bertsolari baten itzak;
altura pixka bat ere badu,
izaten dira ekaitzak,
bañan alare aixa azitzen
dirade orko zugaitzak.
Orain baiño len izana nago
Artikutzan bertsuetan,
aspertu ezinda ari begira
antxe ordu osuetan;
nere artian pentsatzen egon
izan nintzan batzuetan:
zenbat milloiren baliua ote
zegon ango basuetan.
Manuel Olaizola "Uztapide"
185
Aministradore jaunak zitun
ango berriak emanak,
nola amairu pameli ziran
an bertan bizi ziranak:
berrogei eta amabi bizi­
-lagun omen dauzka danak,
Donostiko aiuntamentuan
enpleatutzen diranak.
Ogei ta amabi kilometroko
bidia da Donostira,
land-rover-akin egiten dute
egunero andik jira;
gaztiak eskolara eraman,
jana ekarri mendira,
urruti samar egonagatik
olaxe moldatzen dira.
Galeraziak daude Artikutzan
bai eizak da bai arrantzak,
ori dala-ta ango goardak
egon oi dira garratzak;
ango erreka koskorrak dira
amorraitan aberatsak,
baña arrosa danak dituzte
bakoitzak beren arantzak.
San Agustin da izendatua
Artikutzako zaindari,
zenbat alditan ur presko ederra
emana Donostiari;
orain urtiak juan dira ta
osatzen naiko komeri,
aurtengo udaran bajatua da
ango presa aundi ori.
Artikutzako kapilla ere
oraindikan da berria,
orain berrogei ta zazpi urte
zuten zutikan jarria;
da San Agustin zan egun baten
zaindaritzat ezarria,
ark berak asko apaindutzen du
len esan degun erria.