PDFa jaitsi - Euskaltzaindia

Amabi t' erdik inguru ortan
Elíz-ondo teatruan
pesta zala ta jendia antxe
lekurik ezin artuan;
erriko txistulariak jotzen
ta Ur-zaleak kantuan,
aieri entzuten egondu giñan
danok iya txoratuan.
Bidasoaren bi aldetako
bertsolariaren txanda;
danak zioten: "Uztapide au
gizon jatorra izan da".
Baña nik oso ezin siñistu
ola bertsotan es anda,
an ere ondo banatu giñan
besarkada bat emanda.
Bazkaldutzeko aukeratu zan
Alkortaneko Hotela,
nik ezagutzen nitun lendikan,
ez da famili motela;
entzuten nuan lanari gogoz
jarraitutzen ziotela,
gure J ainkoak urte askoan
osasuna diotela.
Esan bezela, Alkortarena
ordubitako garaian,
irureun da geiago lagun
exeritzen gera maian;
lagun zar danak maitetasunez
alkarri itz egin naian,
beste izkuntzarik etzan ibilli,
danak euskera alaian.
Gipuzkoatik asko giñan da
baziraden Bizkaitarrak,
Arabakuak ikusten ziran
eta bazeuden Naparrak;
Lapurditikan jator askuak
etorri ziran bakarrak,
egun ortan an ziran danari
ematen dizket eskerrak.
Berriz plazara
258
Bazkal onduan or altxatzen da
ango alkate prestua,
erri guzien izenian ta
zabaldutzen du eskua;
zer ikusiko ote nuan da
erloju bat urrezkua,
ni gauza gutxi izanagatik
saria eder askua.
Ondo pentsatzen jarri ezkero
baña zer zan egun ura!
Lagun guztiak zoriontzera
zetozkien ingurura;
denbora gutxiz amaika gauza
eldu zitzaizkan burura,
nik uste nuan an bertatikan
banijuala zerura.
Gora Zestua! Nere denboran
aztuta etzaitut utziko,
nola argia nik or ikusi
bainuen lendabiziko;
seguru nago orlako egunik
ez nuela mereziko,
ori ordaintzen lana badaukat
nere denbora guziko.
í Uts egiñikan baldin bada're
etzaiteztela samindu,
nai izan arren gaur Uztapidek
geiagorikan ezin du;
zuen gogoa betetzera nik
bear nuke alegindu,
guztien mende bizi naiz eta
nai dezutena agindu.
Bukatu bear, bertso geiegi
ezpaita ona izaten;
ezjakin batek gaizki ematen du
gauzak nolanai esaten;
abek zabaldu bear ditugu
astiya degunen baten,
Euskalerriko bertso-zaleak
dembora pasa dezaten