PDFa jaitsi - Euskaltzaindia

Uztapide, Lizaso, Agirre ta Basarri
Zestoan, 1964-111-19
(Gai-jartzaille: Jose Mari Iriondo)
Agurra
Alaitasunez betea dago
ni sortu nintzan erriya,
beragatikan astera nua
kantatzen bertso berriya;
entzuteko ere jendea pranko
badaukagu zai jarriya,
zorionean ikusten zaitut,
Zestua maitagarriya.
* * *
Jarrai bear al dezu
zeruan bertsotan?
Ori pentsatzen egon
izan naiz askotan;
emen bezela gelditzen
ez bagera lotan,
kantatu bearko degu
an ere batzutan.
Ondo omen dakizu
ruso ta inglesez ...
Ori nik, Iriondo,
esango'izut ezetz.
Zertan zabiltza ola
ni jarri naiz lotsez?
Ez al dakizu euskalduna
naizela jaiotzez?
293
Ikasi al dituzu
rack and roll eta twist?
Ez degu izan, aizu,
guk orrenbeste bist;
galdetu bear zendula
ez liteke sinist,
naikua pena onek
neri ematen dit.
Zertan ez dute monjak
euskeraz mintzatzen?
Askotan egoten naiz
gauza ori pentsatzen;
len pixkat ai ziranak
ai dira lagatzen,
euskaldunak asiyak
orrekin kejatzen.
* * *
Iriondo: Uztapide, Jose Agirre eta Jose
Lizaso, irurak txandan egingo dute orain.
Uztapide, Lasalletan maixua degu. Oanda
(Agirre), emakumetakoren bat, bere mutil
koxkorra jo egiten duela eta kejaz datorkiona.
Eta Joxe Lizaso, beste emakumea,
bere mutil koxkorrak ez duela ezer ere
ikasten, eta au ere kejaz datorrena.
Asiera, oaingoan, Jose Lizasok emango
dio. Iruna bertso.